សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ នេះបេីយោងតាមប្រភពព័ត៌មានពីក្រសួងធនធានទឹក និងឧតុនិយម បានឱ្យដឹងថា ស្ថានភាពទឹកជំនន់ និងអាកាសធាតុ នៅថ្ងៃទី១៧ ខែសីហា ឆ្នាំ២០២២នេះមានដូចខាងក្រោម ៖
១- ស្ថានភាពទឹក ច្រកទឹកអូរស្ពាន បានស្រក នៅតែកំពស់ ១.៦ ម ( ទទឹងអូរ ១២ម ) វេលានេះអាកាសធាតុ មេឃស្រឡះ ។
២- ស្ថានភាពទឹកអូរល្ហុង នៅក្រុងប៉ោយប៉ែត ទឹកបានកេីនឡេីងដល់កម្រិត ៥.៣ ម ( កំពស់ប្រុងប្រយ័ត្ន ៥.៥ ម ) ។ មានទឹកហូរកេីនជាទឹកភ្លៀងក្នុងស្រុក និងទឹកភ្លៀងហូរមកប្រទេសថៃជាប់ជាយដែន អាកាសធាតុដូចគ្នា ( ពុំមានជំនន់ ) ។
៣- ស្ថានភាពទឹកនៅអូរបីជាន់ នៅលើស្រុកអូរជ្រៅ មិនទាន់មានទឹកមកពីប្រទេសថៃដែរ បេីកថ្ងៃ ។
៤- ស្ថានភាពទឹកនៅអូរកំបុត និងច្រកទឹកអាងក្តឹបថ្ម នៅស្រុកថ្មពួក មិនមានទឹកហូរមកពីដីថៃទេ អាកាសធាតុ មេឃស្រឡះ ។
៥- ស្ថានភាពទឹកស្ទឹងមង្គលបូរី ឡេីងនៅកម្រិតកំពស់ ៥.៥ ម (កំពស់ប្រុងប្រយ័ត្ន ៦.៥ ម ) ។
៦- ស្ថានភាពទឹកស្ទឹងក្រុងសិរីសោភ័ណ ឡេីងនៅកម្រិតកំពស់ ៥.៩៥ ម ( កំពស់ប្រុងប្រយ័ត្ន ៧.៥០ ម ) ។
៧- ស្ថានភាពទឹកស្ទឹង ស្ពានស្រែង នៅស្រុកភ្នំស្រុក នៅកម្រិតកំពស់ ១៣.២ម ( កំពស់ប្រុងប្រយ័ត្ន ១៤.០០ ម ) ។
សរុបរួមមក ស្ថានភាពទឹកជំនន់ទឹកភ្លៀងក្នុងស្រុកម៉ាលៃ ទឹកបានស្រកវិញហេីយ។
ជាមួយគ្នានោះ ក្រសួង ក៏បានបន្ថែមថា នៅថ្ងៃត្រង់ថ្ងៃទី១៧ ខែសីហា ឆ្នាំ២០២២នេះ មានភ្លៀងធ្លាក់ក្នុងកម្រិតមធ្យម នៅផ្នែកខ្លះនៃក្រុងប៉ៃលិន ខេត្តប៉ៃលិន។ ចំណែកនៅក្រុងសួង ខេត្តត្បូងឃ្មុំ មានភ្លៀងកំពុងធ្លាក់ក្នុងកម្រិតខ្សោយ-តិច៕
ដោយ៖សហការី
