សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បច្ចុប្បន្ននេះយេីងសង្កេតឃេីញថា ការបេីកបររបស់ប្រជាពលរដ្ឋមួយចំនួន នៅតែមិនទាន់ស្វែងយល់ពីច្បាប់ចរាចរណ៍ផ្លូវគោកនៅឡើយនោះទេ។ ប៉ុន្តែអ្នកបេីកបរទាំងនោះ ភាគច្រេីនគឺគ្មានការប្រុងប្រយ័ត្ន និងមិនចេះយោគយល់គ្នាទៅវិញទៅមកដោយមិនខ្វល់ពីផ្លាកសញ្ញាចរាចរណ៍ ឬភ្លេីងស្តុប។
ម្យ៉ាងវិញទៀត ប្រជាពលរដ្ឋខ្លះគាត់បេីកបរនៅតាមផ្លូវរថភ្លើងឆ្លងកាត់ ក៏បង្កឱ្យមានការគ្រោះថ្នាក់ដល់ខ្លួនឯង និងក្រុមគ្រួសារផងដែរ កាលពីពេលថ្មីៗនេះ។
សូមជម្រាបថា ក្រសួងសាធារណការ និងដឹកជញ្ជូន តែងតែបង្ហាញសញ្ញាចរាចរណ៍ ដេីម្បីឱ្យប្រជាពលរដ្ឋណាដែលមិនយល់ ដេីម្បីកាត់បន្ថយការគ្រោះថ្នាក់ចរាចរណ៍ណាមួយ ដែលអាចកើតមានឡើងជាយថាហេតុ។ ហើយនៅព្រឹកថ្ងៃសុក្រទី១៩ ខែសីហា ឆ្នាំ២០២២នេះ ក្រសួងសាធារណការ បានបង្ហាញពីផ្លាកសញ្ញាគ្រោះថ្នាក់៖ “ មានផ្លូវរថភ្លើងឆ្លងកាត់ (គ្មានរបាំង) ,ផ្លូវឡើងចំណោត ,ផ្លូវចុះចំណោត “។
ក្រសួង បានគូសបញ្ជាក់ថា៖ ផ្លាកសញ្ញាគ្រោះថ្នាក់ ដែលមាននៅលើដងផ្លូវសាធារណៈ គឺដាក់បង្ហាញសម្រាប់ពញ្ញាក់អារម្មណ៍ដល់អ្នកបើកបរបានដឹង មានការប្រុងប្រយ័ត្នពិសេសថែមទៀត ដើម្បីជៀសវាងគ្រោះថ្នាក់ដែលអាចកើតមានជាយថាហេតុ និងត្រូវបន្ថយល្បឿន និងអនុវត្តតាមខ្លឹមសារ នៃសញ្ញានេះជាដាច់ខាត៕
ដោយ៖ស តារា
