សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ តាមការបញ្ជាក់ពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ នៅរសៀលថ្ងៃចន្ទទី២២ ខែសីហា ឆ្នាំ២០២២នេះថា៖ កម្លាំងនគរបាលនៃអធិការដ្ឋាននគរបាលក្រុងព្រះសីហនុ បានធ្វើការឃាត់ខ្លួនជនសង្យ័យចំនួន០២នាក់ ពាក់ពន្ធ័ករណីលួចសុីទែនទឹក នៅអាគារចិនទុកចោលម្តុំឧតុនិយម ស្ថិតនៅក្រុមទី២៦ ភូមិ៣ សង្កាត់លេខ៣ ក្រុង-ខេត្តព្រះសីហនុ។
ជនសង្ស័យទាំង០២នាក់មានឈ្មោះ ៖
១-ឈ្មោះ តាក សំណាង ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ បច្ចុប្បន្នស្នាក់នៅម្តុំភូមិដូង ភូមិ១ សង្កាត់លេខ៤ ក្រុង-ខេត្តព្រះសីហនុ ។
២-ឈ្មោះ ហ៊ុន ពៅ ភេទប្រុស អាយុ៤៣ឆ្នាំ មុខរបររើសអេតចាយ បច្ចុប្បន្នស្នាក់នៅភូមិ១ សង្កាត់លេខ៤ ក្រុង-ខេត្តព្រះសីហនុ ។
លោកឧត្តមសេនីយ៍ទោ ជួន ណារិន្ទ បានបន្តថា កាលពីថ្ងៃទី២០ ខែសីហា ឆ្នាំ២០២២ វេលាម៉ោង ១០និង៣០ព្រឹក កម្លាំងនគរបាលនៃអធិការដ្ឋាននគរបាលក្រុងព្រះសីហនុ បានជិះល្បាតដេីម្បីទប់ស្កាត់រាល់បទល្មេីសផ្សេងៗ ក្នុងមូលដ្ឋាន លុះជិះមកដល់ចំណុចកេីតហេតុក៏ប្រទះឃេីញក្រុមជនសង្ស័យ២នាក់ កំពុងលួចសុីទែនទឹក នៅអាគារចិនទុកចោលម្តុំឧតុនិយម ក៏សម្រេចឃាត់ខ្លួនពួកគេជាក់ស្ដែងតែម្តង។
វត្ថុតាងចាប់យកបានរួមមាន សុីទែនទឹកជ័រ ពណ៌ខៀវចំនួន០២ ចំណុះ១០០០លីត្រ (ផលនៃអំពើលួច ) ។
បច្ចុប្បន្នជនសង្ស័យទាំង២នាក់ខាងលើកម្លាំងជំនាញ ឃាត់ខ្លួននៅអធិការដ្ឋាននគរបាលក្រុងព្រះសីហនុ ដើម្បីធ្វើការសាកសួរ និងកសាងសំណុំរឿង បញ្ជូនទៅសាលាដំបូងខេត្តចាត់ការបន្តតាមនីតិវិធី ៕
ដោយ៖សហការី
