សារព័ត៌មាន នគរវត្ត តែងតែនាំមុខគេជានិច្ច
សមាគមកីឡាបាល់ទាត់អាឡឺម៉ង់ (DFB) បានប្រកាសកាលពីថ្ងៃពុធថា ទីលានដែលត្រូវបានខូចខាតដោយចេតនាដោយសារធាតុគីមីបាននាំឱ្យក្រុម RB Leipzig ត្រូវរកទីតាំងដើម្បីប្រកួតក្នុងផ្ទះក្នុងការប្រកួត German Cup ជុំទី១ របស់ពួកគេជាមួយនឹងក្រុមលំដាប់ទី៤ TeutoniaOttensen នៅសប្តាហ៍ក្រោយ។
ទីលាននៅកីឡដ្ឋាន Paul Greifzu របស់ Dessau មិនអាចលេងបានទេ បន្ទាប់ពីត្រូវបានបាញ់ដោយជនល្មើសមិនស្គាល់មុខជាមួយនឹងសារធាតុគីមី ដែលធ្វើឲ្យស្មៅពណ៌បៃតងទៅជាពណ៌ត្នោត។
ឥឡូវនេះ DFB បានទទួលយកការសម្រេចចិត្តដ៏កម្រនៃការផ្លាស់ប្តូរក្រុមម្ចាស់ផ្ទះសម្រាប់ការប្រកួតនៅថ្ងៃទី៣០ ខែសីហា ទៅក្រុម Leipzig ដើម្បីលេងក្នុងកីឡដ្ឋានរបស់ពួកគេនៅពេលជូនដំណឹងខ្លីបែបនេះ ដែលមុននោះ Teutonia គឺជាក្រុមម្ចាស់ផ្ទះ។
DFB បានប្រកាសនៅក្នុងសេចក្តីថ្លែងការណ៍មួយថា “ដោយសារតែកាលបរិច្ឆេទនៃការប្រកួតជិតមកដល់ វាមិនមានភាពប្រាកដនិយមក្នុងការចាប់ផ្តើមការស្វែងរកថ្មីសម្រាប់កីឡដ្ឋានផ្សេងទៀត រួមទាំងការត្រួតពិនិត្យចាំបាច់ទាំងអស់សម្រាប់រៀបចំការប្រកួត German Cup” ។
ការស្វែងរកកីឡដ្ឋានសម្រាប់លេងរបស់ក្លិបនៅ Bundesliga មួយនេះគឺជាការតស៊ូតាំងពីដើមដំបូងសម្រាប់ក្រុម Teutonia ដោយទីលានសិប្បនិម្មិតរបស់ពួកគេមិនមានសិទ្ធិសម្រាប់ការប្រកួតពានរង្វាន់នេះនោះទេ ។
ចំណែក Hamburg SV និង St Pauli ដែលជាក្លិបមិត្តរួមនៅទីក្រុង Hamburg បានបដិសេធមិនផ្តល់កីឡដ្ឋានរបស់ពួកគេសម្រាប់ការប្រកួតនេះទេ ខណៈដែលកីឡដ្ឋាន Dessau មានចម្ងាយប្រហែល៤០០គីឡូម៉ែត្រត្រូវបានជ្រើសរើសក្នុងការប្រកួត ៕
ដោយ៖ ភារៈ(រូបភាព ៖ Reuters/CNA)
