សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ បើយោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលខេត្តកំពង់ស្ពឺ បានឱ្យដឹងនៅព្រឹកថ្ងៃព្រហស្បតិ៍ទី២៥ ខែសីហា ឆ្នាំ២០២២នេះថា៖ មុខសញ្ញាសង្ស័យពាក់ព័ន្ធនឹងគ្រឿងញៀនម្នាក់ ត្រូវបានកម្លាំងអធិការដ្ឋាននគរបាលស្រុកឧដុង្គ ធ្វើការបង្ក្រាប និងឃាត់ខ្លួនបាន នៅចំណុចភូមិស្ដុកស្លាត ឃុំភ្នំតូច ស្រុកឧដុង្គ ខេត្តកំពង់ស្ពឺ កាលពីវេលាម៉ោង ៣និង៣០នាទីរសៀលថ្ងៃទី២៤ ខែសីហាម្សិលមិញនេះ ។
ជនសង្ស័យមានឈ្មោះ ហឿន ហ៊ីម ភេទប្រុស អាយុ២២ឆ្នាំ នៅភូមិទួលសេរី ឃុំទួលព្រិច ស្រុកអង្គស្នួល ខេត្តកណ្ដាល ។ ក្នុងនោះដកហូតវត្ថុរួមមាន ៖ ម្សៅក្រាមពណ៌សថ្លាសង្ស័យជាគ្រឿងញៀន៧កញ្ចប់ (២តូច , ៤មធ្យម និង ១ធំ) ទម្ងន់ ក្រាម និង ម៉ូតូ ១ ។
របាយការណ៍ដដែលបន្តថា មុនពេលឃាត់ខ្លួនជនសង្ស័យខាងលេីនេះ កម្លាំងជំនាញបានធ្វេីការស្រាវជ្រាវនិងទទួលបានព័ត៌មានច្បាស់ការណ៍ ទេីបដាក់កម្លាំងពួនស្ទាក់រហូតឈានដល់ការឃាត់ខ្លួនតែម្តង។
បច្ចុប្បន្នជនសង្ស័យ និងវត្ថុតាង កម្លាំងការិយាល័យជំនាញកំពុងកសាងសំណុំរឿង ចាត់ការបន្តតាមនីតិវិធី ៕
ដោយ៖សហការី
