សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Robert Lewandowski រកបាន២គ្រាប់ជាលើកទី២ក្នុងការប្រកួតឲ្យ Barcelona ខណៈដែលក្រុមរបស់លោក Xavi ឈានទៅរកជ័យជម្នះលើក្រុមភ្ញៀវ Valladolid ក្នុងលទ្ធផល៤ទល់០។ ចំណែកក្រុមអធិរាជស Real Madrid បន្តភាពមិនដែលចាញ់ខ្លួន ដោយយកឈ្នះក្រុមម្ចាស់ផ្ទះ Espanyol ក្នុងលទ្ធផល៣ទល់១។
ខ្សែប្រយុទ្ធប៉ូឡូញ Robert Lewandowski បានរួមសហការគ្នាយ៉ាងល្អជាមួយកីឡាករ Raphinha សម្រាប់ការស៊ុតបាល់បញ្ចូលទីបើកឆាកនៅនាទីទី២៤ និងស៊ុតបាល់បញ្ចូលទី១គ្រាប់ទៀតនៅតង់ទី២។ ខ្សែបម្រើវ័យក្មេង Pedri ក៏បានស៊ុតបញ្ចូលទីនៅតង់ទី១ដែរគឺនៅនាទីទី៤៣ ហើយ Sergi Roberto បានបន្ថែមគ្រាប់ទី៤នៅចុងម៉ោង។ វាជាការប្រកួតដ៏សំខាន់មួយសម្រាប់ Barcelona ដើម្បីប្រជែងយកតំណែង Top 3 ក្នុងសប្តាហ៍ទី៣នៅ La Liga នេះ។
អ្នកចាត់ការក្លិប Barcelona លោក Xavi បានជ្រើសរើសផ្លាស់ប្តូរ Ousmane Dembele និង Raphinha នៅលើខ្សែប្រយុទ្ធស្លាប ខណៈដែល Dembele បានជួយ Pedri សម្រាប់ការរកគ្រាប់បាល់នៅតង់ទី២។ក្រុម Valladolid បានព្យាយាមវាយបកវិញ ដោយមានឱកាសពីប្រធានក្រុម Roque Mesa ប៉ុន្តែក្រុមនេះនៅតែមិនអាចស្វែងរកគ្រាប់បាល់បានដដែល។
Barcelona ដណ្តើមបានភាពរឹងមាំរបស់ខ្លួនឡើងវិញ ហើយ Lewandowski ធ្វើបានសម្រេចបានលទ្ធផល ៣-០ នៅនាទី៦៤។បន្ទាប់មកកីឡាករ Sergi Roberto បានស៊ុតបាល់បញ្ចូលទីយ៉ាងល្អនៅម៉ោងបន្ថែមនៅនាទីទី៩០+២។
ចំណែកខ្សែប្រយុទ្ធ Karim Benzema រកបាន២គ្រាប់នៅចុងម៉ោង ខណៈដែលម្ចាស់ជើងឯក La Liga អធិរាជស Real Madrid បានយកឈ្នះ Espanyol ក្នុងលទ្ធផល៣ទល់១។ គ្រាប់បាល់បើកឆាករបស់ខ្សែប្រយុទ្ធ Vinicius Jr បានជួយឱ្យ Real Madrid នាំមុខដោយការបញ្ជូនបាល់យ៉ាងល្អពីកីឡាករវ័យក្មេង Aurelien Tchouameni ។
នៅចុងតង់ទី១ កីឡាករ Joselu បានតាមស្មើជាមួយនឹងការស៊ុតបាល់បញ្ចូលទីបន្ទាប់ពីអ្នកចាំទី Thibaut Courtois ជួយសង្គ្រោះបាល់មិនបានធ្វើឲ្យចប់តង់ទី១ ក្រុម Espanyol តាមស្មើ១ទល់១ជាមួយ Real Madrid ។
ចូលដល់តង់ទី២ ក្រុម Real Madrid បានព្យាយាមដាក់សម្ពាធទៅលើក្រុមម្ចាស់ផ្ទះនៅចុងម៉ោង ហើយនៅនាទីទី៨៨ ខ្សែប្រយុទ្ធ Benzema បានស៊ុតបាល់បញ្ចូលទីដោយការបញ្ជូនបាល់របស់ Rodrygo ដើម្បីឱ្យ Real Madrid នាំមុខ ហើយគាត់បានបន្ថែម១គ្រាប់ជាគ្រាប់ទី៣ពីការស៊ុតបាល់ពិន័យ Free-kick យ៉ាងល្អនៅនាទីទី៩០+១០។
ក្រុមការពារជើងឯក Real Madrid បានឈ្នះការប្រកួតបើកឆាកចំនួន៣ប្រកួតរបស់ក្រុមនេះនៃរដូវកាល La Liga ២០២២-២០២៣ឈរលេខ១បណ្តោះអាសន្ន ខណៈដែលក្រុម Barcelona ឈរលេខ៣ ដោយ៣ប្រកួតកន្លងមកគឺឈ្នះ២ និងស្មើ១ ៕
ដោយ៖ ភារៈ(រូបភាព ៖ BBC Sport/CNA)
អគ្គិភ័យឆាបឆេះការិយាល័យក្រុមហ៊ុនសំណង់មួយកន្លែងនៅបុរីអូរ៉ូរ៉ា ស៊ីធី ក្រាំងធ្នង់
