សារព័ត៌មាន នគរវត្ត តែងតែនាំមុខគេជានិច្ច
ក្លិបហង្សក្រហម Liverpool បានចុះហត្ថលេខាលើខ្សែបម្រើ Arthur Melo របស់ Juventus ក្នុងលក្ខខណ្ឌខ្ចីជើង មុនពេលទីផ្សារដោះដូរកីឡាករបិទ។
នៅមានការងារដែលត្រូវធ្វើដើម្បីបញ្ចប់កិច្ចព្រមព្រៀង ប៉ុន្តែការនាំយកកីឡាករអន្តរជាតិប្រេស៊ីលអាយុ ២៦ឆ្នាំរូបនេះមកជួយសម្រួលដល់បញ្ហារបួសរបស់កីឡាករក្លិប ។
Arthur បង្ហាញខ្លួនបាន៣១ប្រកួតសម្រាប់ Juventus កាលពីរដូវកាលមុន ប៉ុន្តែមិនបានលេងឱ្យពួកគេក្នុងអំឡុងពេលយុទ្ធនាការបច្ចុប្បន្ន។ គាត់បានចូលរួមជាមួយក្លិបអុីតាលីពី Barcelona កាលពីឆ្នាំ២០២០។
ទីផ្សារដោះដូរកីឡាករបានបិទនៅម៉ោង១១យប់ ថ្ងៃព្រហស្បតិ៍ ទី១ខែកញ្ញា។ ខ្សែបម្រើ Jordan Henderson របស់ Liverpool បានបង្ហាញខ្លួនក្នុងជ័យជម្នះលើក្រុម Newcastle United កាលពីថ្ងៃពុធជាមួយនឹងបញ្ហាសរសៃពួរ។
គ្រូបង្វឹកក្រុមហង្សក្រហមលោក Jurgen Klopp និយាយថាកីឡាករវ័យ៣២ឆ្នាំនឹងមិនបង្ហាញខ្លួនសម្រាប់ការប្រកួតទល់នឹង Everton នៅថ្ងៃសៅរ៍នេះទេ ដោយសារបញ្ហារបួស។
Henderson ចូលរួមជាមួយកីឡាករ Thiago Alcantara, Naby Keita និង Alex Oxlade-Chamberlain ក្នុងបញ្ជីកីឡាករខ្សែបម្រើ Liverpool ដែលរងរបួស ៕
ដោយ៖ ភារៈ(រូបភាព ៖ BBC Sport)
