សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីតាមប្រភពព័ត៌មានពីផេកហ្វេសប៊ុកផ្លូវការរបស់លោកបណ្ឌិត ហ៊ុន ម៉ាណែត បានថ្លែងឱ្យដឹងនៅព្រឹកថ្ងៃសុក្រទី០២ ខែកញ្ញា ឆ្នាំ២០២២នេះថា៖ ក្រុមការងារផ្តល់សៀវភៅ «កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន ហ៊ុន ម៉ាណែត» នៅថ្ងៃទី២ ខែកញ្ញា ឆ្នាំ២០២២នេះ បានជូនដំណឹងពីការផ្អាកផ្តល់ជូនសៀវភៅមួយរយៈពេលខ្លី ដោយសារតែសន្ទុះនៃការគាំទ្រសៀវភៅនេះ មានការកើនឡើងខ្លាំង ដែលធ្វើឱ្យការបោះពុម្ភមានភាពយឺងយ៉ាវ។
លោកបណ្ឌិត ហ៊ុន ម៉ាណែត បានថ្លែងនៅលេីបណ្ដាញសង្គមហ្វេសប៊ុកផ្ទាល់ខ្លួនយ៉ាងដូច្នេះថា៖ ក្រុមការងារសូមធ្វើការ “ផ្អាកការផ្តល់សៀវភៅមួយរយៈខ្លី“ ចាប់ពីថ្ងៃជូនដំណឹងនេះ ដើម្បីធ្វើការរៀបចំសៀវភៅឱ្យបានគ្រប់គ្រាន់ ក្រុមការងារនឹងជូនដំណឹងពីការផ្តល់ជូនឡេីងវិញតាមក្រោយ។
ក្រុមការងារនៅបន្តការចុះឈ្មោះជារៀងរាល់ថ្ងៃ តាមរយៈ
១- ទទួលចុះឈ្មោះនៅទីតាំងមុខបណ្ណាល័យ ហ៊ុន សែន សាកលវិទ្យាល័យភូមិន្ទភ្នំពេញ
២- ផ្ញើសារទៅកាន់ Facebook Page: Hun Manet – C.O.Army។
ដូច្នេះសូមផ្តល់ឈ្មោះ អាសយដ្ឋាន និងលេខទូរស័ព្ទបញ្ជាក់៖
- ចំពោះអ្នករស់នៅភ្នំពេញ គឺអាចនឹងមកទទួលសៀវភៅនៅទីតាំងមុខបណ្ណាល័យ ហ៊ុន សែន សាកលវិទ្យាល័យភូមិន្ទភ្នំពេញ
- ចំពោះអ្នកនៅតាមបណ្តាខេត្ត ក្រុមការងាររៀបចំផ្ញេីជូនទៅក្រោយ ព្រមទាំងផ្តល់ព័ត៌មានពីទីតាំងទទួលតាមក្រោយ
ដូចនេះសូមបងប្អូនដែលមានបំណងទទួលបានសៀវភៅនេះ សូនបន្តចុះឈ្មោះ ដេីម្បីក្រុមការងារនឹងបន្តរៀបចំជូន។ ជាមួយគ្នានេះក្រុមការងារក៏សូមអធ្យាស្រ័យផងដែរ ចំពោះការយឺតយាវក្នុងការឆ្លេីយតប ដោយសារបរិមាណការផ្ញេីសារមានចំនួនច្រេីន ក្រុមការងារនឹងខិតខំឆ្លេីយតបឲ្យបានគ្រប់គ្នា។
សូមរម្លឹកថា កាលពីថ្ងៃទី២៩ ខែសីហាថ្មីៗនេះ លោកបណ្ឌិត ហ៊ុន ម៉ាណែត បានប្រកាសចែកជូនសៀវភៅ «កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន ហ៊ុន ម៉ាណែត» ដោយឥតគិតថ្លៃ ដល់អ្នកដែលមានបំណងចង់អានសៀវភៅនេះ។
គួរបញ្ជាក់ថា ចំពោះការប្រកាសផ្តល់ជូនសៀវភៅ «កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន ហ៊ុន ម៉ាណែត» ដោយឥតគិតថ្លៃនេះ ធ្វើឡើងបន្ទាប់ពីមានសំណូមពរជាច្រើន ពីបងប្អូនប្រជាពលរដ្ឋ ដែលចង់បានសៀវភៅនេះ៕
ដោយ៖ស តារា
