សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង ៖ បុរសម្នាក់ រួមនិងគ្រឿងញៀនព្រមទាំងកាំភ្លើងខ្លីចំនួន៣ដេីម ត្រូវបានកម្លាំងសមត្ថកិច្ចនគរបាលខេត្តស្ទឹងត្រែង ចាប់ឃាត់ខ្លួនជាក់ស្ដែង នៅស្រុកថាឡាបរីវ៉ាត់។ នេះបេីយោងតាមប្រភពព័ត៍មានពីរបាយការណ៍របស់ស្នងការដ្ឋាននគរបាលខេត្តស្ទឹងត្រែង បានឱ្យដឹងនៅព្រឹកថ្ងៃព្រហស្បតិ៍្តទី០៨ ខែកញ្ញា ឆ្នាំ២០២២។
របាយការណ៍ដដែលបន្តថា មន្រ្តីអនុវត្តច្បាប់ នៃអធិការដ្ឋាននគរបាលស្រុកថាឡាបរិវ៉ាត់ នៅថ្ងៃពុធទី០៧ ខែកញ្ញា ឆ្នាំ២០២២ម្សិលមិញនេះ បានសហការជាមួយមន្រ្តីអនុវត្តច្បាប់ នៃស្នងការដ្ឋាននគរបាលខេត្តស្ទឹងត្រែង បានធ្វើការបង្រ្កាបករណី ជួញដូរ និងប្រើប្រាស់នូវសារធាតុញៀនខុសច្បាប់ ដែលប្រព្រឹត្តនៅចំណុចភូមិស្រឡៅ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង កិច្ចសហប្រតិបត្តិការនេះ កម្លាំងជំនាញបានឃាត់ខ្លួនជនសង្ស័យម្នាក់ឈ្មោះ ឡឹក ថន ហៅ( ចក់ )ភេទប្រុស អាយុ ២២ឆ្នាំ រស់នៅភូមិវាលដេញ ឃុំអន្លង់ជ្រៃ ស្រុកថាឡាបរិវ៉ាត់ខេត្តស្ទឹងត្រែង ។
យោងតាមរបាយការណ៍របស់ ក្នុងការចុះបង្រ្កាបនេះកម្លាំងជំនាញ បានចាប់យកវត្ថុតាងថ្នាំញៀនប្រភេទមេតំហ្វេតាមីនក្រាម ពណ៌សថ្លា( ICE )០១កញ្ចប់តូច, សម្ភារ:សំរាប់ជក់គ្រឿងញៀនមួយចំនួន, កាំភ្លើងកែឆ្នៃខ្លីបាញ់រំសេវ ០១ដើម, កាំភ្លើងកែឆ្នៃបាញ់ហ្គាសចំនួន ០២ដើម ។
មន្រ្តីអនុវត្តច្បាប់ កំពុងកសាងសំណុំរឿងបញ្ជូនជនសង្ស័យ និងវត្ថុតាង ទៅសាលាដំបូងខេត្ត ដើម្បីចាត់ការតាមនីតិវិធី៕
ដោយ៖ អារុណរះ
