សារព័ត៌មាន នគរវត្ត តែងតែនាំមុខគេជានិច្ច
ទម្រង់លេង Manchester United កំពុងតែសម្លឹងរកការឈ្នះជាលើកទី៥ជាប់ៗគ្នា ខណៈដែលពួកគេទទួលស្វាគមន៍ក្រុម Real Sociedad ក្នុងវគ្គចែកពូល UEFA Europa League នៅកីឡដ្ឋាន Old Trafford នៅរាត្រីថ្ងៃព្រហស្បតិ៍ឈានចូលថ្ងៃសុក្រ។ ក្រុមទាំង២កំពុងលេងក្នុងការប្រកួតដំបូងរបស់ពួកគេក្នុងរដូវកាលអឺរ៉ុប។
នៅពេលដែលក្រុមទាំងពីរជួបគ្នាចុងក្រោយ ពួកគេបានលេងស្មើ ០-០ ក្នុងការប្រកួត Europa League ជុំទី៣២នៅ Old Trafford កាលពីខែកុម្ភៈ ឆ្នាំ២០២១។
ខ្សែប្រយុទ្ធ Cristiano Ronaldo បានដឹកនាំក្រុម Manchester United ក្នុងការប្រកួត Champions League កាលពីរដូវកាលមុន ដោយរកបាន៦គ្រាប់។ ចំណែកនៅក្នុងយុទ្ធនាការ Europa League ២០២១-២០២២ របស់ក្រុម Real Sociedad ត្រូវបានដឹកនាំដោយ Mikel Oyarzabal និង Alexander Isak ដោយស៊ុតបញ្ចូលទីបានម្នាក់៣គ្រាប់។
ក្រុម Real Sociedad បានស៊ុតបាល់បញ្ចូលទីក្នុងការប្រកួតចំនួន៩ជាប់គ្នាក្នុងការប្រកួតទាំងអស់។ ពួកគេបានស៊ុតបាល់បញ្ចូលទីនៅគ្រប់ការប្រកួតចាប់តាំងពីជំនួបនៅ La Liga ជាមួយ Barcelona ក្នុងខែមេសា។
ក្រុមម្ចាស់ផ្ទះ Manchester United បានទទួលជ័យជម្នះ២លើក ស្មើ១លើក និងចាញ់១លើកក្នុងការប្រកួត Champions League ចំនួន៤នៅលើទឹកដីខ្លួនឯងកាលពីរដូវកាលមុន។ ទន្ទឹមនឹងនេះដែរក្រុម Real Sociedad បានឈ្នះ១ ស្មើ២ និងចាញ់១នៅក្នុងការប្រកួត Europa League ចំនួន៤របស់ពួកគេនៅក្នុងទឹកដី។
ក្នុងការប្រកួត៦លើកចុងក្រោយ ក្រុមបិសាចក្រហម Manchester United ឈ្នះ៤ និងចាញ់២។ ពួកគេបានស៊ុតបាល់បញ្ចូលទីចំនួន៨ និងរបូតចំនួន៨ដែរនៅក្នុងរយៈពេលនោះ។ ចំណែកក្រុម Real Sociedad ឈ្នះ៣ ស្មើ១ និងចាញ់២ក្នុង៦ប្រកួតចុងក្រោយ។ ពួកគេបានស៊ុតបាល់បញ្ចូលទីចំនួន៧ និងរបូតចំនួន៨គ្រាប់។
ក្រុមទាំងពីរនឹងត្រូវប៉ះគ្នាក្នុងកីឡដ្ឋាន Old Trafford វេលាម៉ោង២រំលងអធ្រាត្រថ្ងៃព្រហស្បតិ៍ឈានចូលថ្ងៃសុក្រម៉ោងនៅកម្ពុជា ដែលជាការប្រកួតលើកដំបូងក្នុងរដូវកាលនេះវគ្គជម្រុះតាមពូលក្នុងពូល E ដែលមានក្រុម OmoniaNicosia ប៉ះ Sheriff ក្នុងពូល និងម៉ោងជាមួយគ្នានេះដែរ ៕
ដោយ៖ ភារៈ(រូបភាព ៖ soccerway.com/MARCA)
