លួងលោមយកទូរស័ព្ទដៃនិងកងដៃពីនារី២នាក់គេចខ្លួនបាត់២ថ្ងៃត្រូវជនរងគ្រោះឃេីញចាប់ខ្លួនប្រគល់ជូនសមត្ថកិច្ច

ភ្នំពេញ​៖​ ជនសង្ស័យម្នាក់ត្រូវបានជនរងគ្រោះចាប់ខ្លួនប្រគល់ជូនសមត្ថកិច្ចកាលពីវេលាម៉ោង២ទាបភ្លឺថ្ងៃទី១៨​ ខែកញ្ញា​ ឆ្នាំ២០២២​ នៅមុខផ្ទះសំណាក់ដំរីធំ ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ បន្ទាប់ពីជនសង្ស័យលួងលោមឆបោកយកទូរស័ព្ទដៃនិងកងដៃពីនារីរងគ្រោះកាលពីវេលាម៉ោង ១៨និង៣០នាទី ថ្ងៃទី ១៦ ខែ កញ្ញា ឆ្នាំ ២០២២ នៅចំណុច មុខហាងដាយមិនស្តារ ក្រុមទី ៥ ភូមិ ព្រៃជីសាក់ សង្កាត់ ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ។ 

ជនសង្ស័យឈ្មោះ សួរ ពិសិដ្ឋ ភេទ ប្រុស អាយុ ៥០ ឆ្នាំ ជនជាតិ ខ្មែរ មុខរបរ មិនពិតប្រាកដ​ ស្នាក់នៅផ្ទះជួល ភូមិ ជម្ពូវ័ន២ សង្កាត់ ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ ។

ជនរងគ្រោះទី១/.ឈ្មោះ លន់ កំសាន្ត ភេទ ស្រី អាយុ ២០ ឆ្នាំ ជនជាតិ ខ្មែរ មុខរបរ បុគ្គលិកហាង ស្នាក់នៅ ផ្ទះជួល  ភូមិ ជម្ពូវ័ន២ សង្កាត់ ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ ។ សម្ភារបាត់បង់ : ទូរស័ព្ទដៃម៉ាក IPHONE XS MAX ពណ៌ទឹកមាស និង កងដៃផ្លាកទីន ចំនួន ០២ឈុត ។

តាមរបាយការណ៍សមត្ថកិច្ចបានឱ្យដឹងថា​ មុនកើតហេតុ  ជនរងគ្រោះបានដើរចូលហាងដាយមិនស្តារ ស្ថិតនៅក្រុមទី ៥ ភូមិ ព្រៃជីសាក់ សង្កាត់ ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ ស្រាប់តែជនសង្ស័យ ស្រែកហៅមកជួបសុំលេខទូរស័ព្ទហើយជនរងគ្រោះក៏ប្រាប់លេខពេលបានលេខ ទូរស័ព្ទពីជនរងគ្រោះមួយសន្ទុះក្រោយមកជនសង្ស័យក៏ទូរស័ព្ទទៅជនរងគ្រោះឱ្យចេញមកជួបខ្លួននៅមុខហាងហើយជនសង្ស័យក៏ និយាយប្រាប់ឱ្យជនរងគ្រោះដោះកងដៃផ្លាកទីនចំនួន ០២ ឈុតមកឱ្យខ្លួនថាយកទៅដូរយកកងដៃមាសមកឱ្យជនរងគ្រោះវិញនិងខ្ចី ទូរស័ព្ទដៃម៉ាក IPHONE XS MAX ពណ៌ទឹកមាស ដោយប្រាប់ ថាយកទៅថតរូបព្រះហើយជនសង្ស័យក៏យកទៅបាត់តែ ម្ដង ។ រហូតដល់ថ្ងៃទី ១៨ ខែ កញ្ញា ឆ្នាំ២០២២ វេលាម៉ោង ០២និង០០នាទី ជនរងគ្រោះបានឃើញជនសង្ស័យកំពុងឈរនិយាយទូរស័ព្ទ នៅមុខផ្ទះសំណាក់ដំរីធំ ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ក៏ចាប់ឃាត់ខ្លួនជនសង្ស័យយកមក ប្រគល់ឲ្យនគរបាលប៉ុស្តិ៍ចោមចៅទី៣ដើម្បីធ្វើការសាកសួរ ។

នៅចំពោះមុខសមត្ថកិច្ចជនសង្ស័យបានសារភាពថាខ្លួនពិតជាបានធ្វេីករណីដូចខាងលើប្រាកដមែន ។ 

បច្ចុប្បន្ន​ជនសង្ស័យត្រូវបានសមត្ថកិច្ចបញ្ជូនទៅផ្នែកព្រហ្មទណ្ឌនៃអធិការនគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕

ដោយ៖សុខាសែនជ័យ