ព័ត៌មានទាន់ហេតុការណ៍៖

គ្រូ​បង្វឹក​ជម្រើស​ជាតិ​អង់គ្លេស​ Southgate ត្រៀមជាស្រេចដើម្បីប៉ះ​អុីតាលី​សម្រាប់ការប្រកួត Nations League រាត្រីនេះ

ចែករំលែក៖

គ្រូបង្វឹកក្រុមជម្រើសជាតិអង់គ្លេសលោក Gareth Southgate ជឿជាក់ថា អុីតាលីមានភាពខ្លាំងដូចពេលដែលពួកគេបានឈ្នះជើងឯកអឺរ៉ុបកាលពីឆ្នាំមុន បើទោះបីជាក្រុមរបស់លោក Roberto Mancini ខកខានក្នុងការប្រកួតជម្រុះ World Cup នៅឆ្នាំនេះនៅប្រទេសកាតាក៏ដោយ។

អុីតាលី​បាន​យក​ឈ្នះ​អង់គ្លេស​នៅ​កីឡដ្ឋាន Wembley ដោយ​បាល់​ប៉េណាល់ទី​ដើម្បី​លើក​ពាន​ជើងឯក​អឺរ៉ុប (យូរ៉ូ) មុន​ពេល​ក្រុម​ទាំង​នោះ​បាន​ប្រកួត​ស្មើ ០-០ ក្នុង​ពាន Nations League ក្នុង​ខែ​មិថុនា។ ពួកគេជួបគ្នាម្តងទៀតក្នុងការប្រកួតនៅទីក្រុង Milan នៅរាត្រីថ្ងៃសុក្រនេះ។

លោក Southgate បានប្រាប់អ្នកយកព័ត៌មានកាលពីថ្ងៃព្រហស្បតិ៍ថា “យើងបានលេងជាមួយអុីតាលីរួចហើយ យើងដឹងពីទម្រង់លេងរបស់កីឡាករក្នុងក្រុមជម្រើសជាតិអុីតាលី។

វាអាស្រ័យលើពួកយើងក្នុងការឆ្លើយតបទៅនឹងលទ្ធផលនៃជំនួបពីរលើកចុងក្រោយ និងធ្វើឲ្យប្រសើរឡើង” ។

នៅពេលសួរថា តើក្រុមម្ចាស់ផ្ទះខ្សោយជាងឬអត់? លោក Southgate បានបន្ថែមថា “ទេ ខ្ញុំមិននិយាយនោះទេ យើងតាមដាន Serie A យ៉ាងជិតស្និទ្ធ ខ្ញុំបាននៅអុីតាលីកាលពី២សប្តាហ៍មុនដើម្បីមើលការប្រកួត Milan Derby និងបន្ទាប់មក Udinese យើងស្គាល់អ្នកលេងនៅ Serie A “។

លោក Southgate បាននិយាយថា ក្រុមដែលកំពុងរៀបចំការប្រកួតបាល់ទាត់ពិភពលោកបានសិក្សាលទ្ធផលយ៉ាងជិតស្និទ្ធក្នុងរយៈពេលប៉ុន្មានខែចុងក្រោយនេះ។ គាត់បាននិយាយថា “យើងបានវិភាគអ្វីៗគ្រប់យ៉ាង គ្រប់ស្ថានការណ៍ ខ្ញុំគិតថា នៅពេលអ្នកឈ្នះ យើងកំពុងនៅមុនរដូវក្តៅនេះ ២២ប្រកួតដោយមិនចាញ់ ហើយអ្នកប្រហែលជាមិនវិភាគការឈ្នះខ្លាំងដូចអ្នកវិភាគការចាញ់ទេ នោះប្រហែលជាមិនមែនជាវិធីសាស្រ្តត្រឹមត្រូវទេ”។

អង់គ្លេសដែលជាក្រុមបាតតារាង League A នៃពូល៣កំពុងស្ថិតនៅលើតំបន់នៃការកាត់ចោលទៅ League B បន្ទាប់ពីទទួលបាន២ពិន្ទុពីការប្រកួត៤លើកដំបូងរបស់ពួកគេ រួមទាំងការបរាជ័យដ៏គួរឱ្យភ្ញាក់ផ្អើលក្រោមថ្វីជើងក្រុមហុងគ្រី ៕

ដោយ៖ ភារៈ(រូបភាព ៖ Reuters/CNA)


ចែករំលែក៖