សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ ៖ នាថ្ងៃទី២៥ ខែកញ្ញា ឆ្នាំ២០២២ វេលាម៉ោង៣:៣០នាទីរសៀល មានកើតហេតុករណីក្មេងលង់ទឹកចំនួន២នាក់ ភេទប្រុស ចុះលេងទឹកដោយខ្វះការប្រុងប្រយ័ត្ន ។ ចំណែកឯម្ដាយកំពុងតែទិញបុកល្ហុងហូបភ្លេចគិតពីកូនបណ្ដាលឲ្យលង់ទឹកស្លាប់ ស្ថិតនៅទឹកបង្ហៀរ ៣០កញ្ញា ស្រុកប្រាសាទបល្ល័ង្កខេត្តកំពង់ធំ។
តាមការរៀបរាប់របស់ម្ដាយបានឲ្យដឹងថាក្មេងទាំង០២នាក់មានឈ្មោះដូចខាងក្រោម÷១.ឈ្មោះ ម៉យ សាយ៉ាន់ ភេទប្រុស អាយុ១២ឆ្នាំ។២.ឈ្ម្មោះ ឃន សំណាង ភេទប្រុស អាយុ១៣ឆ្នាំ។ មូលហេតុ មកលេងសំណង់ទឹក៣០កញ្ញាជាមួយឪពុកម្ដាយ ឈ្មោះ ខេន សុខី ពេលដែលម្ដាយកំពុងទិញបុកល្ហុង ខ្វះការប្រុងប្រយ័ត្ន និងមិនតាមមើលបណ្ដាលឲ្យក្មេងចូលលេងទឹក ពេលដែលទឹកកំពុងជន់ឡើងខ្លាំង កួចយកមនុស្សទៅជាមួយ។
ករណីនេះត្រូវបានបងប្អូនប្រជាពលរដ្ឋនៅទីនោះ ជួយសង្គ្រោះទាន់បាន១នាក់ឈ្មោះ ឃន សំណាង អាយុ១៣ឆ្នាំត្រូវជាក្មួយបង្កើត ។ដោយឡែកឈ្មោះ ម៉យ សាយ៉ាន់ រកមិនទាន់ឃើញនៅឡើយទេ។ឪពុកម្ដាយក្មេងលង់ទឹកឈ្មោះ ខុំ ម៉យ ម្ដាយឈ្មោះ ខេន សុខី មានទីលំនៅភូមិនីពេជ(ខ) ឃុំនីពេជ ស្រុកកំពង់ស្វាយ ខេត្តកំពង់ធំ ។ អាស្រ័យហេតុនេះហើយ សូមឪពុកម្ដាយទាំងអស់ដែលមានកូនតូចៗ ដែលនាំទៅលេងតំបន់ដែលមានទឹក សូមមានការប្រុងប្រយ័ត្នខ្ពស់បំផុត ព្រោះកូនតូចៗចូលចិត្តលេងទឹកណាស់និងតាមមើលជាប្រចាំក្នុងការការពារដល់អាយុជីវិតកូនតូចៗផងដែរ ៕
ដោយ៖កែវមន្នី
