សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ដែលជិះម៉ូតូមកឈប់នៅជិតគោលដៅសមត្ថកិច្ចចរាចរណ៍នៃស្នងការដ្ឋាននគរបាលរាជធានីនៅចំណុចភ្លើងស្តុបផ្លូវជាតិលេខ៤កែងមហាវិថីឈ្នះ=ឈ្នះ ស្ថិតក្នុងភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ រួចដកកាំភ្លេីងខ្លីបាញ់មេឃមួយគ្រាប់ហេីយជិះម៉ូតូគេចខ្លួនបាត់នោះ ពេលនេះត្រូវបានសមត្ថកិច្ចស្រុកអង្គស្នួលឃាត់ខ្លួនបានហេីយនៅរសៀលថ្ងៃទី២៧ ខែឆ្នាំដដែលនេះ។
សូមរំលឹកផងដែរថា កាលពីវេលាម៉ោង១និង៣០នាទីរសៀលថ្ងៃទី២៧ ខែកញ្ញា ឆ្នាំ២០២២ នៅចំណុចភ្លើងស្តុបផ្លូវជាតិលេខ៤កែងមហាវិថីឈ្នះ=ឈ្នះ ស្ថិតក្នុងភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញជនសង្ស័យបានជិះម៉ូតូធុនធំមួយគ្រឿងមកឈប់នៅក្បែរគោលដៅរួចដកកាំភ្លេីង្លខ្លីបាញ់មេឃមួយគ្រាប់ហេីយជិះគេចខ្លួនបាត់ទៅ។
បន្ទាប់មកសមត្ថកិច្ចបានទាក់ទងទៅកម្លាំងគ្រប់បណ្តាគោលដៅចាំស្ទាក់និងត្រួតពិនិត្យជនសង្ស័យខាងលេីដេីម្បីឃាត់ខ្លួនយកមកដាក់ទោសតាមច្បាប់។ ចំណែកសំបកគ្រាប់ត្រូវបានសមត្ថកិច្ចនគរបាលប៉ុស្តិ៍នគរបាលរដ្ឋបាលចោមចៅទី៣យកមករក្សាទុក។
សូមបញ្ជាក់ថា កាលពីព្រឹកថ្ងៃទី២៧ ខែកញ្ញា ឆ្នាំ២០២២ដដែលនេះជនសង្ស័យខាងលេីបានបាញ់មេឃមួយគ្រាប់ដែរនៅផ្លូវជាតិលេខ៦អា សង្កាត់ព្រែកលៀប ខណ្ឌជ្រោយចង្វា ហេីយក៏គេចខ្លួនបាត់ស្រមោលទៅ ។
មិនបានប៉ុន្មានម៉ោងផងជនសង្ស័យត្រូវបានសមត្ថកិច្ចស្រុកអង្គស្នួលឃាត់ខ្លួនបានហេីយ។
ក្រោយឃាត់ខ្លួនជនសង្ស័យកំពុងសួរនាំនៅអធិការដ្ឋានស្រុកដេីម្បីចាត់ការតាមនីតិវិធី៕
ដោយ ៖ សុខាសែនជ័យ
