សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ សមត្ថកិច្ចនគរបាលស្រុកព្រែកប្រសព្វ ខេត្តក្រចេះ បានឃាត់ខ្លួនមនុស្សប្រុសស្រី៤នាក់ពាក់ព័ន្ធ និងករណីគ្រឿងញៀននៅស្រុកព្រែកប្រសព្វ ។ នេះបើយោងតាមផេកផ្លូវការ របស់ស្នងការដ្ឋាននគរបាលខេត្តក្រចេះ នៅព្រឹកថ្ងៃទី២៨ ខែកញ្ញា ឆ្នាំ២០២២។
តាមរបាយការណ៍សមត្ថកិច្ចបានបញ្ជាក់ថា, ក្រោមការចង្អុលណែនាំពីលោកឧត្តមសេនីយ៍ទោ អ៊ូ សុបុណ្ណា ស្នងការនគរបាលខេត្ត កម្លាំងនគរបាលការិយាល័យប្រឆាំងគ្រឿងញៀនសហការជាមួយកម្លាំងនគរបាលជំនាញស្រុក នៅថ្ងៃទី២៧ ខែកញ្ញា២០២២ បានចុះធ្វើការបង្រ្កាប ករណីជួញដូរ និងប្រើប្រាស់ដោយខុសច្បាប់នូវសារធាតុញៀនមួយករណី នៅចំណុចភូមិកំពែង ឃុំព្រែកប្រសព្វ ស្រុកព្រែកប្រសព្វ។
ក្នុងករណីនេះ កម្លាំងនគរបាលបានឃាត់ខ្លួនមនុស្សប្រុស ស្រីចំនួន៤នាក់ ព្រមទាំងគ្រឿងញៀនបានមួយចំនួនទៀតផងដែរ។
បច្ចុប្បន្នសមត្ថកិច្ចនគរបាលកំពុងធ្វើកំណត់ហេតុ ស្តាប់ចម្លើយ ដើម្បីកសាងសំណុំរឿងបញ្ជូនទៅតុលាការ ៕
ដោយ ៖ សហការី
