សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ថ្លែងក្នុងឱកាសប្រារព្ធក្នុង «វេទិកាអន្តរសាសនាប្រឆាំងការជួញដូរមនុស្សលើកទី៦» ក្រោមប្រធានបទ ” សូមកុំយកកម្ពុជាធ្វើជាគោលដៅប្រព្រឹត្តអំពើជួញដូរមនុស្ស” នៅមជ្ឈមណ្ឌលពាណិជ្ជកម្ម និងពិព័ណជ្រោយចង្វារ (OCIC) នាព្រឹកថ្ងៃព្រហស្បតិ៍ ទី២៩ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ថា “គណបក្សប្រជាជនកម្ពុជា អនុវត្តយ៉ាងត្រឹមត្រូវ គោលនយោបាយសុខដុមជាតិសាសន៍ និងសាសនា”។
នាឱកាសនោះ សម្តេចតេជោ ហ៊ុន សែន បានថ្លែងប្រសាសន៍សំខាន់ៗយ៉ាងដូច្នេះថា៖ ការងារជានាយករដ្ឋមន្ត្រីគ្មានសិទ្ធិឈឺ គ្មានសិទ្ធិត្អូញត្អែរនោះឡើយ។ ការលើកឡើងនេះ បន្ទាប់ពីសម្តេចបានមមាញឹកខ្លាំងនឹងការងារទាំងក្រៅប្រទេស និងក្នុងប្រទេស។
* សម្តេចតេជោ ហ៊ុន សែន បានថ្លែងថា ពីមុនកម្ពុជា ជាទីកន្លែងដែលពលរដ្ឋរត់ភៀសខ្លួនទៅក្រៅប្រទេស ការរត់ភៀសខ្លួននេះ ដោយសារតែសង្គ្រាម។
* សម្តេចតេជោ ហ៊ុន សែន បានថ្លែងថា អតីតប្រធានាធិបតីអាមេរិក លោក ដូណាល់ ត្រាំ បានសាងសង់របងការពារព្រំដែន គឺសម្តៅទប់ស្កាត់ការជួញដូរមនុស្ស។ សម្តេចតេជោ ហ៊ុន សែន បានថ្លែងថា នៅអាមេរិក អឺរ៉ុប និងមជ្ឈិមបូព៌ា សុទ្ធតែកំពុងកើតវិបត្តិធ្ងន់ធ្ងរជនភៀសខ្លួន ហើយក៏ជាឱកាសជួញដូរសម្រាប់ជនខិលខូច។
*សម្តេចតេជោ ហ៊ុន សែន បានថ្លែងថា មិនមែនមានតែកម្ពុជានោះទេ ដែលកំពុងជួបប្រទះការជួញដូរមនុស្ស។
* សម្តេចតេជោ ហ៊ុន សែន បានថ្លែងថា ការជួញដូរមនុស្សជាបញ្ហាសាកល ដែលទាមទារឱ្យមានការរួមគ្នាគ្រប់ប្រទេស ដើម្បីប្រយុទ្ធប្រឆាំង។
* សម្តេចតេជោ ហ៊ុន សែន បានថ្លែងថា ប្រជាពលរដ្ឋកម្ពុជា ក៏ត្រូវបានគេបោកប្រាស់កម្លាំងពលកម្មធ្វើការនៅក្រៅប្រទេស។
* សម្តេចតេជោ ហ៊ុន សែន បានរំលឹកថា លោក អាម៉ាត់ យ៉ាស់យ៉ា ត្រូវបានចាប់ខ្លួននាពេលកន្លងទៅ ព្រោះតែការជួញដូរមនុស្ស។
* សម្តេចតេជោ ហ៊ុន សែន បានថ្លែងថា នៅអំឡុងឆ្នាំ២០០៦-២០០៧ មានសំណាងបើកស្ថានតំណាងតៃវ៉ាន់នៅកម្ពុជា ដើម្បីដោះស្រាយការរៀបចំការស្ត្រីខ្មែរប្រមាណ ៥ពាន់នាក់ទៅតៃវ៉ាន់។
* សម្តេចតេជោ ហ៊ុន សែន បានលើកឡើងថា សំណើនោះត្រូវបានសម្តេចបញ្ជាឱ្យយកទៅដុតចោល។ សម្តេចតេជោ បញ្ជាក់ថា មិនអាចយកលេសធ្វើឱ្យស្ត្រីខ្មែររស់នៅស្របច្បាប់នៅតៃវ៉ាន់ ហើយបំផ្លាញគោលនយោបាយចិនតែមួយរបស់កម្ពុជានោះឡើយ។
* សម្តេចតេជោ ហ៊ុន សែន បានថ្លែងថា ពីមុនមានតែពលរដ្ឋកម្ពុជា ត្រូវគេជួញដូរទៅក្រៅ។ តែពេលនេះ ពលរដ្ឋដទៃត្រូវបានគេជួញដូរមកកម្ពុជាទៅវិញ។
* សម្តេចតេជោ ហ៊ុន សែន បានថ្លែងថា ការជួញដូរមនុស្សមកកាន់កម្ពុជា ក៏ព្រោះតែកម្ពុជាមានសុខសន្តិភាព និងបញ្ហាមួយចំនួនទៀត។
* សម្តេចតេជោ ហ៊ុន សែន បានថ្លែងកោតសរសើរសម្តេចក្រឡាហោម ស ខេង សម្រាប់កិច្ចប្រឹងប្រែងបង្ក្រាបការជួញដូរមនុស្ស។
* សម្តេចតេជោ ហ៊ុន សែន បានថ្លែងថា បើទោះបីកម្ពុជាមិនមែនជាគោលដៅវាយប្រហារភេរវកម្ម តែត្រូវរួមគ្នាទប់ស្កាត់កុំឱ្យកម្ពុជាទៅជាជម្រករបស់ភេរវកម្ម។
* សម្តេចតេជោ ហ៊ុន សែន បានថ្លែងថា មេភេរវកម្មខ្លះមានអាវុធប្រើប្រាស់ តើគេមានអាវុធប្រើប្រាស់បានដោយរបៀបណា?
* សម្តេចតេជោ ហ៊ុន សែន អំពាវនាវពលរដ្ឋបន្តទៅទទួលយកវ៉ាក់សាំងបង្ការជំងឺកូវីដ១៩ កុំមើលស្រាលស្ថានភាពរាលដាលជំងឺនេះ។
* សម្តេចតេជោ ហ៊ុន សែន បានថ្លែងថា ពិភពលោកកំពុងពោរពេញដោយបញ្ហា និងសាំញ៉ាំ។ អឺរ៉ុប ធ្លាប់តែប្រើឧស្ម័ន និងការពារព្រៃឈើ ពេលនេះនាំគ្នាកាប់ឈើធ្វើអុសដុត។
* សម្តេចតេជោ ហ៊ុន សែន បានថ្លែងថា កុំចាំបាច់នាយករដ្ឋមន្ត្រី ឬរដ្ឋមន្ត្រីមហាផ្ទៃស្រែកទើបនាំគ្នាបង្ក្រាមល្បែង សូមនាំគ្នាធ្វើឱ្យដូចភ្លៀងរលឹម។
* សម្តេចតេជោ ហ៊ុន សែន បានថ្លែងថា និកាយសាសនា មានចំណែកសំខាន់ក្នុងការទប់ស្កាត់ និងបង្ការការជួញដូរមនុស្សតាមរយៈការអប់រំសាសនិករបស់សាសនានីមួយៗ។
* សម្តេចតេជោ ហ៊ុន សែន បានរំលឹកថា ក្រោយព្រឹត្តិការណ៍វាយប្រហារអគារពាណិជ្ជកម្មអាមេរិក កម្ពុជា បានសហការបានយ៉ាងល្អជាមួយអាមេរិក និងប្រទេសដទៃទៀត ក្នុងការទប់ស្កាត់អំពើភេរវកម្ម រហូតចាប់បានជនជាប់ពាក់ព័ន្ធអំពើភេរវកម្ម។
* សម្តេចតេជោ ហ៊ុន សែន បានថ្លែងថា យុវជនដែលញៀនថ្នាំខ្លះ មិនមែនដោយសារការចង់ប្រើទេ តែមានជនខិលខូចបន្លំឱ្យពួកគេប្រើ។
* សម្តេចតេជោ ហ៊ុន សែន សម្រេចយកថ្ងៃទី២០ ខែសីហា ធ្វើជាទិវាជាតិអន្តរសាសនាប្រឆាំងការជួញដូរមនុស្ស។ សម្តេចតេជោ ហ៊ុន សែន បានណែនាំឱ្យគ្រប់និកាយសាសនាយកថ្ងៃទី២០ សីហា នោះ ធ្វើពិធីជួបជុំផ្សេងៗអប់រំសកម្មភាពប្រយុទ្ធប្រឆាំងនឹងការជួញដូរមនុស្ស។
* សម្តេចតេជោ ហ៊ុន សែន ផ្តាំទៅក្រុមហ៊ុនទទួលសិទ្ធិអាជីវកម្មឆ្នោត បើបើកឱ្យមានឡូតូនឹងត្រូវបិទអាជីវកម្មចោលតែម្តង។
* សម្តេចតេជោ ហ៊ុន សែន បានថ្លែងថា ល្បែងមិននាំមកនូវជោគជ័យណាមួយសម្រាប់ខ្លួនឯង និងគ្រួសារនោះទេ។
* សម្តេចតេជោ ហ៊ុន សែន ណែនាំសមត្ថកិច្ចបង្ក្រាបល្បែងត្រូវរកឱ្យឃើញមេខ្លោងធំ។
* សម្តេចតេជោ ហ៊ុន សែន អំពាវនាវរួមគ្នាប្រយុទ្ធប្រយុទ្ធនឹងទង្វើទុច្ចរិត កុំឱ្យកម្ពុជាក្លាយជាកន្លែងឧក្រិដ្ឋកម្ម កន្លែងលាងលុយ និងជួញដូរមនុស្ស។
* សម្តេចតេជោ ហ៊ុន សែន បានបង្ហាញការជឿជាក់ថា ការបង្ក្រាបល្បែង នឹងរួមចំណែកកាត់បន្ថយការជួញដូរមនុស្ស និងបង្កើនសុវត្ថិភាព សន្តិសុខ សណ្តាប់ធ្នាប់សង្គម។
សូមជម្រាបជូនថា នាឱកាសនោះដែរ តាមរបាយការណ៍របស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានឱ្យដឹងថា កម្មវិធីនេះ គឺជាការបង្ហាញនូវភាពសុខដុមរមនា នៃសាសនានៅកម្ពុជា ដែលតែងតែឯកភាព សហការ គាំទ្រគ្នាទៅវិញទៅមក ដោយភាពទន់ភ្លន់ មិនមានទំនាស់ មិនប្រទូស្តរាយគ្នា មិនបង្កឱ្យមានការបែកបាក់ និងគ្រោះមហន្តរាយក្នុងសង្គម។ភាពសុខុដុម នៃសាសនា បានដើរតួជាគន្លឹះក្នុងការកសាងនូវសន្តិភាពផ្លូវចិត្ត របស់បុគ្គល និងសន្តិសុខសង្គម ព្រមទាំងជួយពង្រឹងស្មារតី មនុស្សគ្រប់រូបឲ្យរឹងប៉ឹង រួមគ្នាតស៊ូ ជម្នះនឹងការញុះញង់ អូសទាញ ដែលជាល្បិចកលឧក្រិដ្ឋជនជួញដូរមនុស្ស៕
ដោយ៖ស តារា
