សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ កម្លាំងអាវុធហត្ថខេត្តតាកែវចុះបង្រ្កាបករណីគ្រឿងញៀនជាក់ស្តែង ឃាត់ខ្លួនជនសង្ស័យចំនួន៤នាក់ដកហូតថ្នាំញៀនមួយចំនួនធំ កាលពីថ្ងៃទី៦ ខែតុលាឆ្នាំ២០២២ នៅចំណុចភូមិត្រពាំងខ្ចៅ ឃុំរាមអណ្ដើក ស្រុកគីរីវង់ ខេត្តតាកែវ។
ក្នុងរង្វង់ប្រតិបត្តិការខាងលេីនេះមានការសម្របសម្រួលនីតិវិធីដោយ លោក ស៊ឹម ជុំសុខហេង ព្រះរាជអាជ្ញារងអមសាលាដំបូងខេត្ត និងក្រោមការដឹកនាំបញ្ជាផ្ទាល់ពីសំណាក់ លោកវរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្ត បានដឹកនាំកម្លាំងកងរាជអាវុធហត្ថចុះបង្ក្រាបជាលទ្ធផលឃាត់ខ្លួនបានមនុស្ស ០៤នាក់ និងដករហូតវត្ថុតាងរួមមានរួមមាន ម្សៅក្រាមពណ៌សថ្លាចំនួន ១៨ កញ្ចប់ (ធំ១១កញ្ជប់ តូច០៧ ) ទម្ងន់ = ៦១៧.២៧ក្រាម ។
ថ្នាំគ្រាប់ប្រភេទ WY ពណ៌ឈាមជ្រូកចំនួន ០៨ កញ្ចប់ (ធំ០៧កញ្ជប់) ស្មើនិង ១៣២០គ្រាប់ ទម្ងន់= ១៤៥.៩៣ក្រាម។
ប្រាក់ដុល្លារចំនួន ២៤០០$ ប្រាក់រៀល ២,៦៥៥,០០០រៀល។
ទូរសព្ទ័ចំនួន ០៣គ្រឿង (ម៉ាកViVO, iPhone, iphone11ProMaX)និងម៉ូតូចំនួន០២គ្រឿង ម៉ាកហុងដា C125ពណ៌ក្រហម ស្លាកលេខតាកែវ 1F2238និង ម៉ាក់BeaTពណ៌ ស ខៀវ ស្លាកលេខតាកែវ 1Y2809 ព្រមទាំងសម្ភារៈវេចខ្ចប់ថ្នាំញៀនមួយចំនួន។
បច្ចុប្បន្នជនសង្ស័យត្រូវបានបញ្ជូនទៅទីបញ្ជាការដ្ឋានអាវុធហត្ថខេត្តតាកែវដេីម្បីចាត់ការតាមនីតិវិធី៕
ដោយ៖សុខាសែនជ័យ
