សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ កងកម្លាំងប្រដាប់អាវុធ ទទួលអំណោយអាវរងារ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ នេះបើយោងតាមផេកផ្លូវការ របស់កងរាជអាវុធហត្ថខេត្តបន្ទាយមានជ័យ ។
សូមបញ្ជាក់ថា, នៅថ្ងៃព្រឹកថ្ងៃសៅរ៍ ទី០៨ ខែតុលា ឆ្នាំ២០២២ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានដឹកនាំកម្លាំងកងរាជអាវុធហត្ថខេត្តចំនួន១០០នាក់ អញ្ជើញចូលរួមទទួលអំណោយអាវរងារ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតី តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្រោមអធិតីភាព លោក ហ៊ុន ម៉ានី តំណាងរាស្ត្រមណ្ឌលកំពង់ស្ពឺ និងជាប្រធានសហភាពសហព័ន្ធយុវជនកម្ពុជា តំណាងដ៏ខ្ពង់ខ្ពស់សម្តេចតេជោ ដែលប្រារព្វធ្វេីឡេីងនៅទីបញ្ជាការកងពលតូចថ្មេីរជេីងលេខ៥១ ស្ថិតក្នុងភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ ។
ននាឱកាសនោះលោក ហ៊ុន ម៉ានី ក៏បានថ្លែងអំណរគុណចំពោះកងកម្លាំងប្រដាប់អាវុធគ្រប់ប្រភេទដែលបានលះបង់សាច់ស្រស់ឈាមស្រស់ ដេីម្បីបុព្វហេតុជាតិនិងមាតុភូមិ ។ ជាមួយគ្នានោះដដែរលោក ក៏បានជូនពរដល់កងកម្លាំងទាំងអស់មានសុខភាពល្អ ជាពិសេសថែរក្សាសុខភាពនៅរដូវរងារដែលនឹងមកដល់នាពេលខាងមុខផងដែរ ។
សូមជម្រាបជូនថា, កងកម្លាំងប្រដាប់អាវុធទាំងបីប្រភេទ បានចូលរួមយ៉ាងសស្រាក់សស្រាំ ជួយអន្តរាគមន៍ដល់ប្រជាពលរដ្ឋ រងគ្រោះដោយជំនន់ទឹកភ្លៀង ។ តាមរយៈសកម្មភាពនេះ គួរអោយសោកស្តាយបំផុត ខណៈទាហាន ២រូប បានពលីជីវិត ដោយសារជួយសង្គ្រោះកុមារ២នាក់ លង់ទឹកនៅខេត្តឧត្តរមានជ័យ ៕
ដោយ ៖ សិលា
