ក្រសួងធនធានទឹក៖ កម្ពុជា នឹងអាចមានភ្លៀងធ្លាក់នៅក្នុងកម្រិតពីតិចទៅមធ្យម លាយឡំទៅដោយផ្គររន្ទះ និងខ្យល់កន្ត្រាក់ខ្សោយចាប់ពីថ្ងៃទី១២ ដល់ថ្ងៃទី១៨ តុលា ឆ្នាំ២០២២

ចែករំលែក៖

ភ្នំពេញ៖ បេីយោងតាមប្រភពព័ត៌មានពីក្រសួងធនធានទឹក និងឧតុនិយម នៅព្រឹកថ្ងៃអង្គារទី១១ ខែតុលា ឆ្នាំ២០២២នេះ បានចេញសេចក្តីជូនដំណឹងស្តីពីការព្យាករធាតុអាកាស ចាប់ពីថ្ងៃទី១២ ខែតុលាដល់ថ្ងៃទី១៨ ខែតុលា ឆ្នាំ២០២២។

ក្រសួងធនធានទឹក បានគូសបញ្ជាក់ថា៖ ព្រះរាជាណាចក្រកម្ពុជាបន្តទទួលឥទ្ធិពលនូវ ទ្រនុងសម្ពាធខ្ពស់ពីប្រទេសចិន។លើកលែងតែ ប៉ែកខាងក្រោមទទួលរងឥទ្ធិពលខ្សោយពីប្រព័ន្ធសម្ពាធទាប ដែលអូសបន្លាយកាត់លើ ចុងខាងត្បូងនៃដីសណ្តមេគង្គ។

លក្ខណៈបែប នេះនឹងធ្វើ ៖

១-តំបន់វាលទំនាបកណ្តាល ៖

-សីតុណ្ហភាពអប្បបរមា មានពី ២២-២៤ °C។

– សីតុណ្ហភាពអតិបរមា មានពី ៣០-៣២°C។

– បណ្តាខេត្តនៅភាគខាងលើ និងភាគពាយ័ព្យអាចមាន ភ្លៀងនៅក្នុងកម្រិត តិច។ ដោយឡែករាជធានី និង បណ្តាខេត្តភាគខាងក្រោមអាចមានភ្លៀងក្នុងកម្រិតពីខ្សោយទៅមធ្យម លាយឡំទៅដោយផ្គរ រន្ទះ និងខ្យល់កន្ត្រាក់ខ្សោយ។

២-តំបន់ខ្ពង់រាប ៖

-សីតុណ្ហភាពអប្បបរមាមានពី២១-២៣°C។

-សីតុណ្ហភាពអតិបរមា មានពី ៣០-៣២°C។

-អាចមានភ្លៀងនៅក្នុងកម្រិតតិច លាយឡំទៅដោយផ្គរ រន្ទះ និងខ្យល់កន្ត្រាក់ខ្សោយ ។

៣-តំបន់មាត់សមុទ្រ ៖

-សីតុណ្ហភាពអប្បបរមាមានពី ២២-២៤°C ។

-សីតុណ្ហភាពអតិបរមា មានពី ២៩-៣១ °C។

-នឹងអាចមានភ្លៀងធ្លាក់នៅក្នុងកម្រិតពីតិចទៅមធ្យម លាយឡំទៅដោយផ្គររន្ទះ និងខ្យល់កន្ត្រាក់ខ្សោយ ។

យោងលើស្ថានភាពធាតុអាកាសដូចបានជម្រាបជូនខាងលើ សូមសាធារណជនជ្រាបជាព័ត៍មាន៕