សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវរថយន្តដឹកទំនិញមួយគ្រឿងកិនចំដងខ្លួននិងបែកក្បាលទាំងមួកស្លាប់នៅនឹងកន្លែង ខណៈពេលដែលជិះម៉ូតូមួយគ្រឿង ទាក់ដៃចង្កូតជាមួយរ៉ឺម៉កម៉ូតូដឹកទឹកសុទ្ធដួលលើដងផ្លូវ។
ហេតុការណ៍ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ១និង៤០នាទីរសៀលថ្ងៃទី១១ខែ តុលា ឆ្នាំ ២០២២ នៅតាមបណ្តោយផ្លូវ លេខ ៥៩៨ ក្នុងភូមិ ទួលថ្ងាន់ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។
សពបុរសរងគ្រោះត្រូវបានគេស្គាល់ថា ឈ្មោះ ប៊ុន អាយុ២៤ឆ្នាំ មុខរបរជាងជួសជុលរថយន្ត នៅការាសជួសជុលរថយន្ត នៅតាមបណ្ដោយផ្លូវ១៨០០ សង្កាត់ទួលសង្កែ២ ខណ្ឌឫស្សីកែវ ។
សពបុរសរងគ្រោះ ជិះ ម៉ូតូម៉ាក Z00MER X ពណ៌ខ្មៅ លាយស ពាក់ស្លាកលេខ ភ្នំពេញ១GQ.៩១១៨ ។
តាមសាក្សីដែរឃេីញហេតុការណ៍ផ្ទាល់ បានឱ្យដឹងថា នៅមុនពេលកើតហេតុគេឃើញ បុរសរងគ្រោះ ខាងជិះម៉ូតូធ្វើដំណើរតាមបណ្តោយផ្លូវលេខ ៥៩៨ក្នុងទិសដៅពីត្បូងទៅជើង ខណៈធ្វើដំណើរមកដល់កន្លែងកកើតហេតុ ក៏បានគេចរ៉ឺម៉កម៉ូតូដឹកទឹកសុទ្ធមួយគ្រឿងដែលជិះបញ្ច្រាសមិនផុតក៏បានទាក់ដៃចង្កូតដួលផ្កាប់ នៅកណ្តាលផ្លូវភ្លាមៗ ក៏ត្រូវរថយន្តដឹកទំនិញ មួយគ្រឿងដែរមិនចាំម៉ាក ដែលធ្វើដំណើរស្របទិសគ្នា ពីក្រោយ មកកិនចំទ្រូងនិងក្បាល បណ្តាលឱ្យបែកក្បាលទាំងមួកសុវត្ថិភាព បែកក្បាល ស្លាប់ភ្លាមៗនៅកន្លែង ។ បន្ទាប់ពីគ្រោះថ្នាក់ រថយន្ត ដែលកិន ព្រមទាំងរ៉ឺម៉កម៉ូតូ ក៏បានរត់គេចខ្លួទៅបាត់ស្រមោលអស់ បន្សល់ទុកតែ ជនរងគ្រោះ ដេកស្លាប់នៅលើដងផ្លូវ៕
ក្រោយកេីតហេតុសពត្រូវបានសមត្ថកិច្ចប្រគល់ឱ្យសាច់ញាតិ ចាត់ចែងដឹកសពយកទៅស្រុកកំណើតនៅខេត្តកំពង់ធំ ចាត់ចែងធ្វើបុណ្យតាមប្រពៃណី ។ ចំណែកម៉ូតូត្រូវបានសមត្ថកិច្ចមូលដ្ឋាន វាស់វែងយកទៅរក្សាទុកបណ្តោះអាសន្ននៅអធិការដ្ឋានខណ្ឌឫស្សីកែវ រង់ចាំសាច់ញាតិមកទទួលនៅពេលក្រោយ ៕
ដោយ ៖ រ៉ារ៉ា
