សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើយោងតាមប្រភពព័ត៌មានពីរដ្ឋាករទឹកស្វ័យតក្រុងភ្នំពេញ នៅវេលាម៉ោង២និង៤០នាទីរសៀលថ្ងៃសៅរ៍ទី១៥ ខែតុលា ឆ្នាំ២០២២នេះ បានចេញសេចក្តីជូនដំណឹងស្តីពីការផ្អាកផ្គត់ផ្គង់ទឹកស្អាត បណ្តោះអាសន្ននៅលើផ្លូវលេខ59CW សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
រដ្ឋាករទឹកស្វ័យតក្រុងភ្នំពេញ បានបញ្ជាក់ថា៖
– មូលហេតុ៖ លេចធ្លាយបាក់Reducing(បាក់ខ្សាច់)។
– ទីតាំង៖ លើផ្លូវលេខ59CW។
– ផ្ទៃសេវាផ្អាកផ្គត់ផ្គង់ទឹកបណ្តោះអាសន្ន៖ លើផ្លូវលេខ59CW ចន្លោះផ្លូវលេខ72 សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ដោយឡែកសម្រាប់រយៈពេល៖ នៅថ្ងៃសៅរ៍ ទី១៥ ខែតុលា ឆ្នាំ២០២២ ចាប់ពីម៉ោង ១៤ និង២០នាទីរសៀល រហូតដល់បញ្ចប់ការជួសជុល។ ដូច្នេះសូមអតិថិជនករុណាមេត្តាអធ្យាស្រ័យដោយក្តីអនុគ្រោះ សូមអគុណ!
គួររម្លឹកផងដែរថា កាលពីដេីមឆ្នាំ២០២២កន្លងទៅនេះ រដ្ឋាករទឹកស្វ័យតក្រុងភ្នំពេញ ក៏បានសេចក្តីជូនដំណឹងស្តីពីស្ថានភាពផ្គត់ផ្គង់ទឹកក្នុងរដូវប្រាំងឆ្នាំ២០២២។
រដ្ឋាករទឹកស្វ័យត បានគូសបញ្ជាក់ថា បច្ចុប្បន្នកំណើននៃសកម្មភាពសេដ្ឋកិច្ចនៅរាជធានីភ្នំពេញ និងក្រុងតាខ្មៅ មានការកើនឡើងយ៉ាងឆាប់រហ័ស ដែលធ្វើឱ្យតម្រូវការប្រើប្រាស់ទឹកស្អាតកើនខ្ពស់លើសពីសមត្ថភាពផលិត។ ដោយពិនិត្យឃើញថា ការខ្វះទឹកនារដូវប្រាំងឆ្នាំ២០២២នេះ ជាការខ្វះទឹកស្អាតប្រើប្រាស់ចុងក្រោយ រ.ទ.ស.ភ សូមអំពាវនាវដល់អតិថិជនទាំងអស់ ទាំងក្នុងរាជធានីភ្នំពេញ និងក្រុងតាខ្មៅ មេត្តាជួយសន្សំសំចៃទឹកស្អាត ដោយអនុវត្តនូវគោលការណ៍១១ចំណុច ដើម្បីផ្តល់ក្តីករុណា និងចែករំលែកទឹកទៅដល់អតិថិជនផ្សេងទៀត ជាពិសេសអតិថិជនរស់នៅក្នុងតំបន់ជាយក្រុងដែលមានសម្ពាធទឹកខ្សោយ៕
ដោយ៖សហការី
