សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) បានឱ្យដឹងថា៖ មន្រ្តីជំនាញ ក.ប.ប. បានដើរតួនាទីយ៉ាងសំខាន់ក្នុងការការពារសុខុមាលភាពជូនអ្នកប្រើប្រាស់ ទប់ស្កាត់អំពើមិនសុចរិតក្នុងធុរកិច្ចពាណិជ្ជកម្ម ផ្សព្វផ្សាយច្បាប់និងបទប្បញ្ញត្តិ និងអនុវត្តច្បាប់លើបុគ្គលដែលធ្វើធុរកិច្ចមិនស្មោះត្រង់ផងដែរ។
ប្រភពដដែលបន្តថា ជាក់ស្ដែងចាប់តាំងពីថ្ងៃទី១៧ ដល់ថ្ងៃទី២០ ខែតុលា ឆ្នាំ២០២២ម្សិលមិញនេះ មន្រ្តីជំនាញបានបន្តត្រួតពិនិត្យនូវទំនិញគ្រប់ប្រភេទនៅលើទីផ្សារដើម្បីរកទំនិញមិនមានអនុលោមភាពចៀសវាងប៉ះពាល់ដល់សុខភាពអ្នកប្រើប្រាស់ ខាតបង់ផលប្រយោជន៍ផ្សេងៗ និងបន្តផ្សព្វផ្សាយច្បាប់ និងបទប្បញ្ញត្តិដែលពាក់ព័ន្ធជូនដល់ធុរជនដើម្បីស្វែងយល់បន្ថែម ចៀសវាងប្រកបអាជីវកម្មល្មើសនឹងច្បាប់ដែលមានចែង។
គួរបញ្ជាក់ថា ក្នុងប្រតិបត្តិការនោះជាលទ្ធផល តាមរយៈប្រតិបតិ្តការស្ថិតក្នុងខេត្តកោះកុង, តាកែវ ,កំពង់ឆ្នាំង, ព្រះសីហនុ ,ត្បូងឃ្មុំ សៀមរាប និងរាជធានីភ្នំពេញ មន្រ្តីជំនាញបានរកឃើញ និងដកហូតទំនិញខូចគុណភាព និងមិនមានអនុលោមភាពសរុបចំនួន ២៥៤.១គីឡូក្រាម និងពិន័យអន្តរការណ៍លើម្ចាស់ទំនិញមិនមានអនុលោមភាពផងដែរ ៕
ដោយ៖សហការី
