សារព័ត៌មាន នគរវត្ត តែងតែនាំមុខគេជានិច្ច
នាយកប្រតិបត្តិរបស់ស្ថាប័នហោះហើយអាកាសបានប្រកាសថា អាកាសចរណ៍ Qatar Airways បានដកជើងហោះហើរពីគោលដៅចំនួន១៨ដើម្បីធ្វើកន្លែងទំនេរនៅអាកាសយានដ្ឋានអន្តរជាតិ Hamadសម្រាប់ក្រុមហ៊ុនអាកាសចរណ៍ដឹកអ្នកគាំទ្រទៅកាន់ការប្រកួតបាល់ទាត់ពិភពលោកនៅខែក្រោយ។
នាយកប្រតិបត្តិអាកាសចរណ៍ Qatar Airways លោក Akbar Al Baker បាននិយាយថា អាទិភាពនាពេលនេះគឺដើម្បីផ្ទុកជើងហោះហើររាប់រយដែលនឹងចុះចតនៅក្នុងប្រទេសសម្រាប់ការប្រកួតបាល់ទាត់ពិភពលោកដ៏ធំមួយនេះ។
ប្រទេសកាតារំពឹងថា នឹងមានជើងហោះហើរប្រហែល៥០០ជើងក្នុងមួយថ្ងៃ ក៏ដូចជាជើងហោះហើរយន្តហោះ និងយន្តហោះឯកជនរាប់រយទៀតដែលនឹងមកទស្សនាការប្រកួតដែលប្រព្រឹត្តិទៅនៅថ្ងៃទី២០ ខែវិច្ឆិកាដល់ថ្ងៃទី១៨ ខែធ្នូ ជាមួយការប៉ាន់ប្រមាណអ្នកទស្សនាប្រហែល១.២លាននាក់។
ប្រទេសសរុបចំនួន៣២កំពុងចូលរួមជាមួយនឹងការប្រកួតដែលមានកីឡដ្ឋានត្រៀមចំនួន៨ដែលមានទីតាំងនៅចម្ងាយ៤០គីឡូម៉ែត្រពីកណ្តាលទីក្រុងដូហា។
នាយកប្រតិបត្តិ Akbar Al Baker បានប្រាប់សន្និសីទសារព័ត៌មានថា“តាមពិតទៅ យើងមិនមានគោលដៅថ្មីទេ នៅពេលត្រូវបានសួរថា តើក្រុមហ៊ុនអាកាសចរណ៍កំពុងរីកចម្រើនដោយសារការប្រកួតបាល់ទាត់ពិភពលោកដែរឬទេ? ផ្ទុយទៅវិញ យើងបានកាត់បន្ថយ និងដកចេញពីគោលដៅចំនួន១៨ដើម្បីធ្វើឱ្យមានលំហអាកាសនៅអាកាសយានដ្ឋានអន្តរជាតិ Hamad ដើម្បីនាំអ្នកគាំទ្រ។ អាទិភាពរបស់យើងមិនមែនជាបណ្តាញរបស់ Qatar Airways ទេ ប៉ុន្តែផ្តល់លទ្ធភាពដល់ប្រទេសទាំងអស់ដែលចូលរួម និងនាំយកអ្នកដំណើរយ៉ាងច្រើន”។
លោកបញ្ជាក់ថា ក្រុមហ៊ុនអាកាសចរណ៍អាល្លឺម៉ង់ Lufthansa កំពុងពិចារណាចាប់ផ្តើមប្រតិបត្តិការឡើងវិញជាមួយនឹងក្រុមហ៊ុន Air France និង KLM។ សម្រាប់ការហោះហើរត្រង់នឹងមានចំនួន៥០០ ក្នុងមួយថ្ងៃសម្រាប់ជើងហោះហើរ ដោយទិន្នន័យនេះមិនទាន់ត្រូវបានបញ្ចប់នៅឡើយទេ»។
នាយកប្រតិបត្តិការលោក Mohammad Al Meer របស់ Qatar Airways បាននិយាយថា ជើងហោះហើររាប់រយត្រូវបានគ្រោងនឹងចុះចតជារៀងរាល់ថ្ងៃសម្រាប់ការប្រកួតនេះ។ អ្នកគាំទ្រមួយចំនួនធំក៏នឹងហោះហើរសម្រាប់ទស្សនាការប្រកួតផ្ទាល់ដែរ ដោយជ្រើសរើសស្នាក់នៅក្នុងទីក្រុងឌូបៃដែលនៅជិតខាង ៕
ដោយ៖ ភារៈ(រូបភាព ៖ Reuters/CNA)
