សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ បុរសម្នាក់ត្រូវប្រជាពលរដ្ឋប្រទះឃើញដេកស្លាប់លើដងផ្លូវត្រង់ចំណុចស្តង់តាងួន ស្ថិតក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែតប្រមាណជាម៉ោង ១២យប់រំលងអធ្រាត្រឈានចូលថ្ងៃទី ៣១ខែតុលាឆ្នាំ២០២២ ។
សពជនរងគ្រោះ ត្រូវបានគេស្គាល់ថា ឈ្មោះ វី ឆវ័ន្ត មានអាយុ ៣៣ឆ្នាំស្រុកកំណើតនៅភូមិ ទួលទទឹង២ ស្រុកព្រៃនប់ ខេត្ត ព្រះសីហនុ។
ប្រពន្ធឈ្មោះ នៅ សាខា អាយុ ៣៥ឆ្នាំ ស្រុកកំណើតនៅ ភូមិ ទទឹង២ ស្រុកព្រៃនប់ ខេត្តព្រះសីហនុ ។
បច្ចុប្បន្ន២នាក់ប្ដីប្រពន្ធមកស្នាក់នៅ ក្នុងបន្ទប់ជួល ក្នុងភូមិ បាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ស្ត្រីជាប្រពន្ធបានរៀបរាប់ថាៈ មុនពេលកើតហេតុនាងនិងស្វាមីរួមទាំងកូនមួយផងនាំគ្នាទៅហូបអាហារនៅម្តុំកាសុីណូផ្កាយ៥ហូបរួចប្តីរបស់នាងបានឌុបនាងនិងកូនយកទៅផ្ទះ ទុកម៉ូតូហើយប្រាប់ថា អូនសម្លាញ់បង ទៅក្រៅជាមួយមិត្តភក្តិ មានការងារធំធើ្វនៅ កាស៊ីណូ និយាយហើយ ឡើងជិះម៉ូតូ ធំពណ៌ លឿងដែល បុរសម្នាក់ចាំឌុបយកទៅហើយប្រាប់ថា បាយៗ អូននិងកូន។
ក្រោយចេញពីផ្ទះទៅនាងនឹងកូនបានរៀបចំ កន្លែងដេក ដោយគិតថា ប្តីប្រហែលជា ចេញទៅ ច្រៀងខារ៉ាអូខេ ជាមួយមិត្តភក្តិរបស់គាត់យ៉ាងយូរ២ម៉ោងប្តីនឹងវិលមករកនាងវិញហើយជាធម្មតា បែបនេះ ។ចាំបាត់ៗលុះដល់ម៉ោង១២ស្រាប់តែឮទូរស័ព្ទ រោទ៍ឡើងនាងក៏លើកស្រាប់តែគេប្រាប់ថាស្គាល់ឈ្មោះ វី ឆវ័ន្ត ទេ ? នាងប្រាប់ថា ប្តីខ្ញុំ ម៉េចបានខ្ញុំមិនស្គាល់ ? គេប្រាប់ថាឥឡូវនេះប្តីនាងបានស្លាប់ហើយនៅម្តុំផ្លូវស្តង់តាងួនមានឈាមហូរស្រោចខ្លួន ។
អ្នកជិតខាង ដែលជាមិត្តភក្តិ សពបានឲ្យដឹងថា ឈ្មោះ ឆវ័ន្តនិងស្លូតណាស់គាត់មិនដែលចេះរករឿងអ្នកក្បែរខាងទេ គាត់មានមុខរបរជា ជាងធ្វើកញ្ចក់ មិនគួរណា មនុស្សល្អ អាយុខ្លីបែបនេះសោះ ហើយ សូមឲ្យសមត្ថកិច្ច មេត្តាជួយរកមុខអ្នក សម្លាប់គាត់មកផ្តន្ទាទោសឲ្យបានដើម្បីឲ្យគ្រួសារគាត់បានស្ងប់ចិត្ត ។
ចំណែកសមត្ថកិច្ចបានឲ្យដឹងថា សពជនរងគ្រោះ បានស្លាប់ដោយសារត្រូវជនសង្ស័យចាក់និង ដែកមានចុងស្រួចចំត្រង់ក្រោមក្លៀកខាងឆ្វេង នៅក្នុងខ្លួនសពមិនមាន វត្ថុមានតម្លៃទេ ។
សមត្ថកិច្ចបានដកហូតមានកាបូបប្រាក់១ មានវិកិយប័ត្រសម្ភារៈគ្រឿងកញ្ចក់ លុយក្នុងហោប៉ៅចំនួនជិត២០មុឺនរៀលនៅក្នុងហោប៉ៅខោខូវប៊ូយសព ។
សមត្ថកិច្ចបានធ្វើកោសល្យវិច័យឃើញថា ជនរងគ្រោះពិតជា បានស្លាប់ដោយសារ ឃាតករសម្លាប់និងដែកមានចុងស្រួច កាលពីយប់ថ្ងៃទី៣១ខែតុលាឆ្នាំ ២០២២ នៅចំណុចស្តង់តាងួន ស្ថិតក្នុងភូមិបាលិលេយ្យ២សង្កាត់ប៉ោយប៉ែត ។
ក្រោយធ្វើកោសល្យវិច័យរួចសមត្ថកិច្ចបានប្រគល់ សពឲ្យប្រពន្ធដើម្បីបូជានៅបច្ឆាវត្តបាលិលេយ្យ ក្រុងប៉ោយប៉ែតតាមប្រពៃណីព្រះពុទ្ធសាសនា ។
ដោយឡែក ជនសង្ស័យសមត្ថកិច្ចបានកំពុងធ្វើការស្រាវជ្រាវនឹងឈានទៅកំណត់មុខសញ្ញា ស្វែងរកយុត្តិធម៌ជូនជនរងគ្រោះ ៕
ដោយ ៖ វណ្ណា
