សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បើយោងតាមប្រភពពី ៖ អគ្គាធិការដ្ឋាន នៃក្រសួងមហាផ្ទៃ បានបញ្ជាក់អោយដឹងថា ,នាព្រឹកថ្ងៃព្រហស្បតិ៍ ទី០៣ ខែវិច្ឆិកា ឆ្នាំ២០២២ លោក ឧត្តមសេនីយ៍ឯក ឯម វិចិត្រ អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិភាក្សា ៖
១-របាយការណ៍ស្តីពីសកម្មភាពការងារប្រចាំខែតុលា និងទិសដៅការងារអនុវត្តបន្តសម្រាប់ខែវិច្ឆិកា ឆ្នាំ២០២២ របស់អគ្គាធិការដ្ឋាន
២-ពិនិត្យសេចក្តីព្រាងប្រវត្តិអគ្គាធិការដ្ឋាន។ កិច្ចប្រជុំនេះប្រព្រឹត្តទៅនៅសាលប្រជុំរបស់អគ្គាធិការដ្ឋាន ដោយមានការអញ្ជើញចូលរួមពី ឯកឧត្តម លោកជំទាវ អគ្គាធិការរង លោកប្រធាននាយកដ្ឋាន និងមន្ត្រីពាក់ព័ន្ធ។
ជាកិច្ចចាប់ផ្តើម លោក ឧត្ដមសេនីយ៍ឯក អគ្គាធិការ បានមានមតិស្វាគមន៍ដល់ឯកឧត្តម លោកជំទាវ អគ្គាធិការរង លោកប្រធាននាយកដ្ឋាន ព្រមទាំងមន្ត្រីទាំងអស់ដែលបានចូលរួមក្នុងកម្មវិធីនេះ។ ក្រោយពីបានពិនិត្យពិភាក្សារបាយការណ៍ស្តីពីសកម្មភាពការងារប្រចាំខែតុលា និងទិសដៅការងារអនុវត្តបន្តសម្រាប់ខែវិច្ឆិកា ឆ្នាំ២០២២ របស់អគ្គាធិការដ្ឋាន និងពិនិត្យសេចក្តីព្រាងប្រវត្តិអគ្គាធិការដ្ឋាន និងមានការចូលរួមមតិយោបល់ពីអង្គប្រជុំរួចមក លោក ឧត្តមសេនីយ៍ឯក អគ្គាធិការ បានណែនាំដល់ លោក លោកស្រី អគ្គាធិការរង លោកប្រធាននាយកដ្ឋានទាំងអស់ ត្រូវយកចិត្តទុកដាក់ ពិនិត្យរាល់ខ្លឹមសារពាក្យបណ្តឹង និងខ្លឹមសារព័ត៌មានដែលបានចុះផ្សាយឱ្យបានច្បាស់លាស់ ដើម្បីមានមូលដ្ឋានលើកយោបល់គោរពជូនថ្នាក់ដឹកនាំក្រសួងមហាផ្ទៃ ពិនិត្យសម្រេច។ លោក ឧត្ដមសេនីយ៍ឯក អគ្គាធិការ បន្ថែមទៀតថា ប្រធាននាយកដ្ឋានត្រូវយកចិត្តទុកដាក់រាល់កិច្ចការដែលថ្នាក់ដឹកនាំប្រគល់ជូន និងត្រូវជំរុញរាល់ការអនុវត្តតួនាទីភារកិច្ចរបស់មន្រ្តីជំនាញតាមបណ្តានាយកដ្ឋាន និងធ្វើការបណ្តុះបណ្តាលដល់មន្រ្តីដែលកំពុងបម្រើការងារ៕
ដោយ : សហការី
