សារព័ត៌មាន នគរវត្ត តែងតែនាំមុខគេជានិច្ច
ក្រុមសារិកាព្រៃ Newcastle ត្រូវបានគេមើលឃើញមានបេក្ខភាពកីឡាករឆ្នើមប្រចាំខែរបស់ Premier League សម្រាប់ខែតុលារហូតដល់ទៅ៣រូប ដោយលោក Eddie Howe គ្រូបង្វឹកក្រុមនេះក៏ជាប់ក្នុងបញ្ជីសម្រាំងសម្រាប់ពានរង្វាន់គ្រូបង្វឹកប្រចាំខែផងដែរ។ ក្រុមនេះត្រូវបានតំណាងនៅក្នុងបញ្ជីសម្រាំងកីឡាករប្រចាំខែមាន Miguel Almiron, Kieran Trippier និង Bruno Guimaraes ដែលសុទ្ធសឹងបានដើរតួយ៉ាងសំខាន់ ខណៈដែលក្រុមរបស់លោក Howe ទទួលបាន១៦ពិន្ទុមិនគួរឱ្យជឿ ដែលអាចស៊ុតបញ្ចូលទីបាន១៦គ្រាប់ និងរបូត៣គ្រាប់ប៉ុណ្ណោះ។
កីឡាករ Almiron ស៊ុតបញ្ចូលទីបាន៦គ្រាប់ក្នុង Premier League ក្នុងខែតុលា ក្នុង៥ប្រកួតក្នុងក្រុមរបស់គាត់។ Bruno Guimaraes គឺជាកីឡាករសំខាន់ដែរមួយដោយស៊ុតបញ្ចូលទីបាន២គ្រាប់ និងបញ្ជូនបាល់ឱ្យមិត្តរួមក្រុមបាន២គ្រាប់ ខណៈដែល Trippier គឺជាផ្នែកមួយនៃកិច្ចខិតខំប្រឹងប្រែងការពារជាមធ្យមក្នុងនាមជាប្រធានក្រុម និងបានកត់ត្រាការបញ្ជូនបាល់បាន២គ្រាប់។
កីឡាករទាំងនេះត្រូវបានចូលរួមក្នុងការជ្រើសរើសជាបេក្ខភាពកីឡាករឆ្នើមប្រចាំខែដោយកីឡាករពីររូបរបស់ Manchester City គឺ ErlingHaaland ដែលបានទទួលពានរង្វាន់កីឡាករឆ្នើមប្រចាំខែកញ្ញា និងកីឡាករ Kevin De Bruyne ក៏មានឈ្មោះក្នុងបេក្ខភាពនេះផងដែរ។
Haaland បានស៊ុតបាល់បញ្ចូលទីចំនួន៨គ្រាប់ក្នុងការបង្ហាញខ្លួនតែ៤លើករួមទាំងការស៊ុតបញ្ចូលទីក្នុងការប្រកួតរបស់ Manchester Derby។ រីឯ De Bruyne បាន Assists ចំនួន៣គ្រាប់បន្ថែមទៀត ហើយឥឡូវនេះកីឡាកររូបនេះគឺជាអ្នកដែលបានបញ្ជូនបាល់ឲ្យមិត្តរួមក្រុមស៊ុតច្រើនជាងគេនៅអង់គ្លេស ខណៈដែលលោក Pep Guardiola គ្រូបង្វឹករបស់ Man City ក៏មានឈ្មោះជា Manager of the Month។
អ្នកចាំទី Kepa Arrizabalaga របស់ Chelsea ទទួលបានការចាប់អារម្មណ៍ដោយបង្ហាញទម្រង់លេងដ៏ល្អរបស់គាត់ ដែលឃើញគាត់រក្សា Clean Sheet ៣ដងក្នុង៦ប្រកួត និងបានសង្គ្រោះបាល់យ៉ាងហោចណាស់៥ដងក្នុង៣ប្រកួត។
កីឡាករ Granit Xhaka ក៏ស្ថិតក្នុងចំណោមបេក្ខភាពសម្រាប់ក្រុម Arsenal បន្ទាប់ពីបានបង្ហាញទម្រង់លេងល្អសម្រាប់ក្រុមកាំភ្លើងធំ ដែលបានធ្វើឱ្យគាត់ស៊ុតបញ្ចូលទីបាន២គ្រាប់។ លោក Mikel Arteta ក៏ជាបេក្ខភាពនៅក្នុងបញ្ជីគ្រូបង្វឹកឆ្នើមផងដែរ។ ចំណែកកីឡាករ Leandro Trossard របស់ក្រុម Brighton ក៏ស្ថិតក្នុងបញ្ជីសម្រាំងកីឡាករឆ្នើមប្រចាំខែ ដោយស៊ុតបញ្ចូលទីបាន Hat-trick ទល់នឹងក្រុម Liverpool មុនពេលមានគ្រាប់បាល់បន្ថែមលើក្រុម Manchester City និង Chelsea។
បេក្ខភាពកីឡាករឆ្នើមប្រចាំខែតុលារបស់ Premier League រួមាន៖ Miguel Almiron (Newcastle), Kepa Arrizabalaga (Chelsea), Kevin De Bruyne (Man City), Bruno Guimaraes (Newcastle), Erling Haaland(Man City), Kieran Trippier (Newcastle), Leandro Trossard(Brighton), Granit Xhaka (Arsenal)។
ចំណែកបេក្ខភាពអ្នកចាត់ការទូទៅប្រចាំខែតុលានៅ Premier League រួមមាន៖ លោក Mikel Arteta គ្រូបង្វឹក Arsenal, លោក Pep Guardiolaគ្រូបង្វឹក Man City និងលោក Eddie Howe គ្រូបង្វឹកNewcastle ៕
ដោយ៖ ភារៈ(រូបភាព ៖ 90min.com)
