សារព័ត៌មាន នគរវត្ត តែងតែនាំមុខគេជានិច្ច
កាលពីរាត្រីថ្ងៃទី១០ ខែវិច្ឆិកា ប្រទេសចំនួន២បានបង្ហាញបញ្ជីឈ្មោះកីឡាកររបស់ខ្លួនសម្រាប់ត្រៀមប្រជែង World Cup 2022 នៅប្រទេសកាតា ដោយប្រទេសទាំង២នោះគឺក្រុមខ្លាំងបែលហ្ស៊ិក និងក្រុមឥន្ទ្រីដែកអាល្លឺម៉ង់។ ក្រុមទាំង២បានសម្រាំងសមាជិកក្រុមរបស់ខ្លួនចេញពីក្លិបសំខាន់ៗដែលកំពុងលេង និងកីឡាករដែលមានសក្តានុពលសម្រាប់ការប្រជែងពានដ៏ធំមួយនេះ។
ខ្សែប្រយុទ្ធ Romelu Lukaku របស់ក្លិប Inter Milan ត្រូវបានដាក់ឈ្មោះក្នុងក្រុមជម្រើសជាតិបែលហ្ស៊ិក ក្រោមក្រសែភ្នែករបស់លោក Roberto Martinez បើទោះបីជាមានការព្រួយបារម្ភអំពីសុខភាពរបស់គាត់ក៏ដោយ។ ខ្សែប្រយុទ្ធ Chelsea ដែលខ្ចីជើងអាយុ២៩ឆ្នាំរូបនេះបានបង្ហាញខ្លួនត្រឹមតែ៥ប្រកួតប៉ុណ្ណោះនៅរដូវកាលនេះដោយសារតែរបួសសរសៃពួរ។
ខ្សែបម្រើ Kevin de Bruyne លេងឲ្យក្រុម Manchester City ត្រូវបានជ្រើសរើស រួមជាមួយនឹងកីឡាករ Premier League ចំនួន៦នាក់។កីឡាករមកពីក្លិប Leicester City ទាំង៣គឺ Wout Faes, Timothy Castagne និង Youri Tielemans ស្ថិតក្នុងចំណោមកីឡាករដែលមានឈ្មោះ។ រីឯខ្សែការពារ Leander Dendoncker របស់ Aston Villa, ខ្សែបម្រើ Andre Onana របស់ Everton និងខ្សែប្រយុទ្ធ Leandro Trossard របស់ Brighton ក៏មានឈ្មោះចូលក្រុមទាំង២៦នាក់ផងដែរ។ជាមួយគ្នានេះ Eden Hazard អតីតខ្សែប្រយុទ្ធ Chelsea របស់ Real Madrid ជាប្រធានក្រុម ហើយត្រូវបានចូលរួមដោយមិត្តរួមក្រុម និងអ្នកចាំទី Thibaut Courtois ។
Jan Vertonghen អាយុ៣៥ឆ្នាំ, Toby Alderweireld អាយុ៣៣ឆ្នាំ,Dries Mertens អាយុ៣៥ឆ្នាំ និង Axel Witsel អាយុ៣៣ឆ្នាំដែលជាផ្នែកមួយនៃក្រុមបែលហ្ស៊ិក ស្ថិតក្នុងចំណោមកីឡាករនៅក្នុងក្រុមដែលមានវត្តមាននៅក្នុងការប្រកួតបាល់ទាត់ពិភពលោកលើកទី៣របស់ប្រទេសនេះដែលមានវ័យចំណាស់ផងដែរ។
បែលហ្ស៊ិកបានឡើងវគ្គពាក់កណ្តាលផ្តាច់ព្រ័ត្រ World Cup កាលពីឆ្នាំ២០១៨ ដោយរងបរាជ័យ ១–០ លើក្រុមឈ្នះចុងក្រោយរបស់បារាំង និងធ្លាប់ឈានដល់វគ្គ១/៤ ផ្តាច់ព្រ័ត្រកាលពីឆ្នាំ២០១៤ ដោយចាញ់អាហ្សង់ទីន។ បែលហ្ស៊ិកនឹងចាប់ផ្តើមយុទ្ធនាការរបស់ខ្លួនទល់នឹងកាណាដានៅថ្ងៃទី២៣ ខែវិច្ឆិកា មុនពេលជួបជាមួយម៉ារ៉ុក និងក្រូអាស៊ីក្នុងពូល F ។
ចំណែកក្រុមជម្រើសជាតិអាល្លឺម៉ង់ក៏បានបង្ហាញបញ្ជីឈ្មោះកីឡាកររបស់ខ្លួនផងដែរ។ ក្នុងនោះខ្សែបម្រើ Mario Gotze បានជាប់ឈ្មោះក្នុងក្រុមបាល់ទាត់ជម្រើសជាតិអាឡឺម៉ង់ បន្ទាប់ពីអវត្តមានរយៈពេល៥ឆ្នាំ។
Goetze វ័យ៣០ឆ្នាំដែលបានស៊ុតបញ្ចូលទីឈ្នះក្នុងការប្រកួតវគ្គផ្តាច់ព្រ័ត្រ World Cup 2014 មិនបានលេងឱ្យប្រទេសអាល្លឺម៉ង់ចាប់តាំងពីការប្រកួតមិត្តភាពជាមួយបារាំងកាលពីខែវិច្ឆិកា ឆ្នាំ២០១៧។ មិត្តរួមក្រុម Bayern Munich គឺ Manuel Neuer និង Thomas Muller នឹងលេងក្នុង World Cup ជាលើកទី៤របស់ពួកគេ។
រីឯ Youssoufa Moukoko ខ្សែប្រយុទ្ធអាយុ១៧ឆ្នាំរបស់ក្រុម BorussiaDortmund ក៏ត្រូវបានរួមបញ្ចូលផងដែរ។ Moukoko និង Niclas Fullkrugរបស់ក្រុម Werder Bremen ដែលស៊ុតបាន១០គ្រាប់ក្នុង១៣ប្រកួតនៅBundesliga នៅរដូវកាលនេះ អ្នកទាំង២ត្រូវបានកោះហៅជាលើកដំបូង។
ខ្សែការពារ Mats Hummel ដែលលេងនៅការប្រកួត២លើកចុងក្រោយត្រូវបានទុកចោលដោយអ្នកចាត់ការ Hansi Flick ខណៈដែលប្រធានក្រុម Dortmund Marco Reus អវត្តមានក្នុងការប្រកួត World Cup មួយទៀតដោយរបួសកជើង។ កីឡាករ Timo Werner របស់ RB Leipzig អតីតក្លិប Chelsea ក៏អវត្តមានផងដែរបន្ទាប់ពីបានរងរបួសកជើងកាលពីដើមខែនេះដែលនឹងធ្វើឱ្យគាត់អវត្តមានរហូតដល់ឆ្នាំ២០២៣។
កីឡាករ Ilkay Gundogan របស់ Manchester City និងខ្សែប្រយុទ្ធ Kai Havertz របស់ Chelsea ត្រូវបានបញ្ចូលក្នុងក្រុម រួមជាមួយនឹងខ្សែការពារ Thilo Kehrer របស់ West Ham និងខ្សែការពារកណ្តាល Southampton Armel Bella-Kotchap ។
អាឡឺម៉ង់ចាប់ផ្តើមយុទ្ធនាការ World Cup របស់ពួកគេជាមួយជប៉ុននៅថ្ងៃទី២៣ ខែវិច្ឆិកា មុនពេលជួបជាមួយអេស្ប៉ាញ និងកូស្តារីកា ក្នុងពូល E។ មុនព្រឹត្តិការណ៍ World Cup ក្រុមអាល្លឺម៉ង់គ្រោងនឹងប្រកួតកម្ដៅសាច់ដុំជាមួយអូម៉ង់នៅថ្ងៃទី១៦ ខែវិច្ឆិកាខាងមុខ។
ខាងក្រោមនេះគឺជាបញ្ជីឈ្មោះកីឡាករជម្រើសជាតិបែលហ្ស៊ិក និងអាល្លឺម៉ង់ទាំង២៦នាក់ សម្រាប់ត្រៀមប្រជែងពានរង្វាន់ World Cup នៅកាតាឆ្នាំនេះ៖
បញ្ជីឈ្មោះកីឡាកររបស់ក្រុមជម្រើសជាតិបែលហ្ស៊ិក៖
អ្នកចាំទី ៖ Thibaut Courtois (Real Madrid), Simon Mignolet(Club Brugge), Koen Casteels (Wolfsburg)។
ខ្សែការពារ ៖ Jan Vertonghen (Anderlecht), Toby Alderweireld(Antwerp), Leander Dendoncker (Aston Villa), Wout Faes(Leicester City), Arthur Theate (Rennes), Zeno Debast(Anderlecht), Yannick Carrasco (Atletico Madrid), Thomas Meunier (Borussia Dortmund), Timothy Castagne (Leicester City), Thorgan Hazard (Borussia Dortmund)។
ខ្សែបម្រើ ៖ Kevin de Bruyne (Manchester City), YouriTielemans (Leicester City), Andre Onana (Everton), Axel Witsel(Atletico Madrid), Hans Vanaken (Club Brugge)។
ខ្សែប្រយុទ្ធ ៖ Eden Hazard (Real Madrid), Charles De Ketelaere(AC Milan), Leandro Trossard (Brighton), Dries Mertens(Galatasaray), Jeremy Doku (Rennes), Romelu Lukaku (Inter Milan), Michy Batshuayi (Fenerbahce), Lois Openda (Lens)។
បញ្ជីឈ្មោះកីឡាកររបស់ក្រុមជម្រើសជាតិអាល្លឺម៉ង់៖
អ្នកចាំទី ៖ Manuel Neuer (Bayern Munich), Marc-Andre terStegen (Barcelona), Kevin Trapp (Eintracht Frankfurt)។
ខ្សែការពារ ៖ Armel Bella-Kotchap (Southampton), Matthias Ginter (SC Freiburg), Christian Gunter (SC Freiburg), ThiloKehrer (West Ham), Lukas Klostermann (RB Leipzig), David Raum (RB Leipzig), Antonio Rudiger (Real Madrid), NicoSchlotterbeck (Borussia Dortmund), Niklas Sule (BorussiaDortmund)។
ខ្សែបម្រើ ៖ Julian Brandt (Borussia Dortmund), Leon Goretzka(Bayern Munich), Ilkay Gundogan (Manchester City), Jonas Hofmann (RB Leipzig), Joshua Kimmich (Bayern Munich),Jamal Musiala (Bayern Munich)។
ខ្សែប្រយុទ្ធ ៖ Karim Adeyemi (Borussia Dortmund), NiclasFullKrug (Werder Bremen), Serge Gnabry (Bayern Munich), Mario Gotze (Eintracht Frankfurt), Kai Havertz (Chelsea), Youssoufa Moukoko (Borussia Dortmund), Thomas Muller (Bayern Munich), Leroy Sane (Bayern Munich)៕
ដោយ៖ ភារៈ(រូបភាព ៖ BBC Sport)
