សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធជើងចាស់២រូបគឺ Luis Suarez និង Edinson Cavani នឹងត្រូវលេងនៅ FIFA World Cup ជាលើកទី៤ជាប់ៗគ្នា បន្ទាប់ពីមានឈ្មោះក្នុងក្រុមជម្រើសជាតិទាំង២៦នាក់របស់អ៊ុយរ៉ាហ្គាយសម្រាប់ការប្រកួតនៅប្រទេសកាតានៅខែនេះ។
អតីតខ្សែប្រយុទ្ធ Liverpool កីឡាករ Suarez វ័យ៣៥ឆ្នាំ កំពុងលេងឱ្យក្រុម Nacional របស់អ៊ុយរ៉ាហ្គាយ។ ចំណែកអតីតខ្សែប្រយុទ្ធក្រុម Manchester United កីឡាករ Cavani ដែលមានវ័យ៣៥ឆ្នាំដែរ ស៊ុតបាន៤គ្រាប់សម្រាប់ក្រុម Valencia ក្នុងរដូវកាលនេះ ដែលបានជាសះស្បើយពីរបួសកជើង។ រីឯខ្សែការពារ Diego Godin វ័យ៣៦ឆ្នាំត្រូវបានរួមបញ្ចូលនៅក្នុងក្រុមដែលមានបទពិសោធន៍ផងដែរ។
កីឡាករ៣នាក់ក្នុងក្របខ័ណ្ឌ Premier League ត្រូវបានជ្រើសរើសដោយក្រុមមកពីតំបន់អាមេរិកខាងត្បូង ដែលបានឈ្នះពានរង្វាន់បាល់ទាត់ពិភពលោកចំនួន២ក្នុងចំណោម៤លើកក៏បានបង្ហាញខ្លួនផងដែរ។ ខ្សែប្រយុទ្ធ Darwin Nunez របស់ Liverpool, ខ្សែបម្រើ Rodrigo Bentancur របស់ Tottenham និង Facundo Pellistri របស់ Manchester United សុទ្ធតែមានឈ្មោះចូលរួមក្នុងក្រុមជម្រើសជាតិ។
ខ្សែការពារសំខាន់ Ronald Araujo របស់ក្លិប Barcelona ត្រូវបានជ្រើសរើស បើទោះបីជាបានទទួលការវះកាត់ភ្លៅកាលពីខែកញ្ញាក៏ដោយ។ ក្រុមអ៊ុយរ៉ាហ្គាយស្ថិតក្នុងពូល H រួមជាមួយកូរ៉េខាងត្បូង,ព័រទុយហ្គាល់ និងហ្គាណា។ ខាងក្រោមនេះគឺជាបញ្ជីឈ្មោះកីឡាករទាំង២៦នាក់របស់អ៊ុយរ៉ាហ្គាយក្នុងការប្រជែង World Cup នៅកាតាឆ្នាំនេះ៖
អ្នកចាំទី ៖ Fernando Muslera (Galatasaray), Sergio Rochet(Nacional), Sebastian Sosa (Independiente)។
ខ្សែការពារ ៖ Jose Maria Gimenez (Atletico Madrid), Sebastian Coates (Sporting CP), Diego Godin (Velez Sarsfield), Martin Caceres (LA Galaxy), Ronald Araujo (Barcelona), Guillermo Varela (Flamengo), Jose Luis Rodriguez (Nacional), Mathias Olivera (Napoli), Matias Vina (Roma)។
ខ្សែបម្រើ ៖ Lucas Torreira (Galatasaray), Manuel Ugarte(Sporting CP), Matias Vecino (Lazio), Rodrigo Bentancur(Tottenham Hotspur), Federico Valverde (Real Madrid), Facundo Pellistri (Manchester United), Nicolas De La Cruz (River Plate)។
ខ្សែប្រយុទ្ធ ៖ Agustin Canobbio (Athletico Paranaense), Facundo Torres (Orlando City), Giorgian De Arrascaeta(Flamengo), Maxi Gomez (Trabzonspor), Luis Suarez (Nacional), Edinson Cavani (Valencia), Darwin Nunez (Liverpool) ៕
ដោយ៖ ភារៈ(រូបភាព ៖ BBC Sport)
