ប្រទេសជប៉ុននាំមុខគេលើពិភពលោកពីចំនួនករណីថ្មីនៃកូវីដ-១៩

ចែករំលែក៖

គិតត្រឹមព្រឹកថ្ងៃទី១២ ខែវិច្ឆិកានេះ ពិភពលោកបានកត់ត្រាករណីឆ្លងជំងឺកូវីដ-១៩ ចំនួន ៦៣៩,៨២៧,៣៧១នាក់ និងមានអ្នកស្លាប់ដោយសារជំងឺនេះចំនួន ៦,៦១៣,៤១០នាក់។ ក្នុងរយៈពេល ២៤ម៉ោងកន្លងមកនេះប្រទេសជប៉ុនបាននាំមុខគេលើពិភពលោកក្នុងចំនួនអ្នកឆ្លងថ្មីដែលមានចំនួន 74,093 ករណី។
ទិន្នន័យនៅលើគេហទំព័រស្ថិតិ worldometers.info បង្ហាញឱ្យឃើញថា ក្នុងរយៈពេល២៤ម៉ោងចុងក្រោយនេះ ពិភពលោកបានកត់ត្រាការឆ្លងបន្ថែមចំនួន 268,302 និងការស្លាប់ចំនួន 572 នាក់ដោយសារ COVID-19 ។
លើសពីនេះ បច្ចុប្បន្នមានករណីឆ្លង COVID-19 ចំនួន ៦១៩,៣៥០,១៤១ករណីនៅទូទាំងពិភពលោក។ ក្នុងចំណោមនោះមាន 13,863,820 ករណីដែលកំពុងព្យាបាល មាន13,828,099 ករណីក្នុងទម្រង់ស្រាល និង 35,721 ករណីស្មើនឹង 0.3% ក្នុងស្ថានភាពធ្ងន់ធ្ងរ។ បច្ចុប្បន្ននេះ ជំងឺរាតត្បាតកំពុងរីករាលដាលនៅក្នុងប្រទេស និងដែនដីចំនួន 228 ជុំវិញពិភពលោក។
បើនិយាយពីតំបន់នីមួយៗ ទិន្នន័យដែលបានធ្វើបច្ចុប្បន្នភាពថ្មីនៅលើគេហទំព័រ worldometers.info បង្ហាញថាចំនួនសរុបនៃការឆ្លង COVID-19 នៅអឺរ៉ុបគឺមាន 235,844,784 ករណី ដែលក្នុងនោះ 1,949,898 នាក់បានស្លាប់ និង 229,815,192 ករណីត្រូវបានជាសះស្បើយ។ ក្នុងរយៈពេល 24 ម៉ោងកន្លងមកនេះ អឺរ៉ុបបានកត់ត្រាការឆ្លងថ្មីចំនួន 43,658 ហើយជាតំបន់ដែលមានចំនួនករណីឆ្លង COVID-19 ច្រើនជាងគេទីពីរនៅលើពិភពលោក។
ទន្ទឹមនឹងនេះ អាស៊ីនៅតែកត់ត្រាចំនួនអ្នកឆ្លង COVID-19 សរុបខ្ពស់ ដែលមានចំនួន ១៩៥.៥៨៤.៧៦៩ ករណី។ ក្នុងរយៈពេល 24ម៉ោងកន្លងមក ទ្វីបនេះបានកត់ត្រាការឆ្លងថ្មីចំនួន 172,302 (នាំមុខគេនៅលើពិភពលោក) និង 278 នាក់បានស្លាប់ដោយសារជំងឺនេះ។
តាមគេហទំព័រ worldometers.info ក្នុងរយៈពេល 24 ម៉ោងចុងក្រោយនេះ ប្រទេសជប៉ុនបាននាំមុខគេលើពិភពលោកក្នុងចំនួនអ្នកឆ្លងថ្មី ដោយមាន 74,093 ករណី។ អាជ្ញាធរជប៉ុនព្រមានថា ប្រទេសអាស៊ីកំពុងឈានចូលក្នុងរលកទី៨ នៃការរាតត្បាតនៃជំងឺកូវីដ-១៩។ ទីប្រឹក្សាកំពូលនៃជំងឺកូវីដ-១៩ លោក Shigeru Omi នៅថ្ងៃទី១១ ខែវិច្ឆិកា បានព្រមានថា ការរាតត្បាតនៅតែបន្តតានតឹង ខណៈដែលប្រជាជនជប៉ុនត្រៀមចូលក្នុងពិធីបុណ្យឆ្លងឆ្នាំ ៕ ដោយ ៖ ធីរីណា