សារព័ត៌មាន នគរវត្ត តែងតែនាំមុខគេជានិច្ច
នៅព្រឹកថ្ងៃទី១៥ខែវិច្ឆិកា មេដឹកនាំនៃបណ្តាប្រទេសសេដ្ឋកិច្ចឈានមុខគេទាំង ១៩ របស់ពិភពលោក និងសហភាពអឺរ៉ុប (G20) បានចាប់ផ្តើមបើកកិច្ចប្រជុំនៅកោះបាលី ប្រទេសឥណ្ឌូនេស៊ី ដោយមានការអំពាវនាវរបស់ប្រទេសម្ចាស់ផ្ទះសម្រាប់សាមគ្គីភាព និងសកម្មភាពជាក់ស្តែងដែលអាចជួយសង្គ្រោះសេដ្ឋកិច្ចពិភពលោក ទោះបីជាមានការបែកបាក់គ្នាជុំវិញជម្លោះនៅអ៊ុយក្រែនក៏ដោយ។
លោកប្រធានាធិបតី Joko Widodo បាននិយាយនៅក្នុងសុន្ទរកថាបើកមុនពេលមេដឹកនាំចាប់ផ្តើមកិច្ចពិភាក្សាបិទទ្វារថា “យើងគ្មានជម្រើសណាផ្សេងក្រៅពីកិច្ចសហប្រតិបត្តិការគឺចាំបាច់ដើម្បីសង្គ្រោះពិភពលោក” ។ លោកបន្តទៀតថា “G20 ត្រូវតែជាកាតាលីករសម្រាប់ការងើបឡើងវិញនៃសេដ្ឋកិច្ចពិភពលោក យើងមិនគួរបែងចែកពិភពលោកទៅជាផ្នែកផ្សេងៗទេ។ យើងមិនអាចទុកឱ្យពិភពលោកធ្លាក់ចូលក្នុងសង្គ្រាមត្រជាក់មួយទៀតទេ»។
G20 មានច្រើនគ្រប់គ្រងជាង ៨0% នៃផលិតផលក្នុងស្រុកសរុបពិភពលោក ៧៥% នៃពាណិជ្ជកម្មពិភពលោក និង ៦0% នៃចំនួនប្រជាជនពិភពលោក។
សញ្ញាវិជ្ជមានមួយនៅមុនកិច្ចប្រជុំកំពូលគឺកិច្ចប្រជុំរយៈពេល៣ម៉ោងកន្លះរវាងប្រធានាធិបតីអាមេរិក Joe Biden និងប្រធានាធិបតីចិន Xi Jinping ដែលភាគីទាំងពីរបានព្រមព្រៀងគ្នាក្នុងការជជែកគ្នាញឹកញាប់ជាងនេះទោះបីជាមានភាពខុសគ្នាក៏ដោយ។
នេះគឺជាជំនួបទល់មុខគ្នាលើកដំបូងរបស់ពួកគេ ចាប់តាំងពីលោក Biden ឡើងកាន់តំណែងជាប្រធានាធិបតី ហើយបានលេចចេញជាសញ្ញាបង្ហាញពីភាពប្រសើរឡើងនៃទំនាក់ទំនងទ្វេភាគីរវាងប្រទេសមហាអំណាចទាំងពីរ បន្ទាប់ពីការធ្លាក់ចុះជាច្រើនខែ។
ជម្លោះនៅអ៊ុយក្រែន និងអតិផរណាពិភពលោកធ្ងន់ធ្ងរបានគ្របដណ្ដប់លើកិច្ចប្រជុំ G20 លើកដំបូងចាប់តាំងពីរុស្ស៊ីបានចាប់ផ្តើមយុទ្ធនាការយោធារបស់ខ្លួននៅអ៊ុយក្រែន៕
ដោយ៖ ធីរីណា(រូបថត ៖ REUTERS)
