សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តស្ទូចមួយគ្រឿងពេលកំពុងបេីកបរសុខៗស្រាប់តែរថយន្តខាងមុខបន្ថយល្បឿនធ្វើឱ្យជាន់ហ្វ្រ័ងមិនស៊ីក៏បួងចង្កូតឡេីងខឿនសួនច្បារពុះចែកទ្រូងផ្លូវបណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង២រសៀល ថ្ងៃទី២១ ខែវិច្ឆិកាឆ្នាំ២០២២ នៅចំណុចមុខកងពលតូចលេខ៧០ តាមបណ្តោយផ្លូវជាតិលេខ៣ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តស្ទូច ពណ៌ស ពាក់ស្លាកលេខ៧១៦១ ភព ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែរថយន្តដែលបេីកខាងមុខបន្ថយល្បឿនធ្វេីឱ្យរថយន្តស្ទូចស្រឡាំងកាំងខំជាន់ហ្វ្រ័ងដែរតែមិនស៊ីទេីបបួងចង្កូតទៅខាងឆ្វេងដៃជ្រុលឡេីងទៅលើខឿនសួនច្បារពុះចែកទ្រូងផ្លូវបណ្តាលឱ្យរងការខូចខាត តែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុយករថយន្តបង្កទៅរក្សាទុករង់ចាំដោះស្រាយនៅពេលក្រោយ៕
ដោយ៖សុខាសែនជ័យ
