សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុក បានចុះប្រតិបត្តិការបង្រ្កាបករណីរក្សាទុក ចែកចាយដោយខុសច្បាប់នូវសារធាតុញៀនចំនួន ០១ករណី ឃាត់ខ្លួនជនសង្ស័យម្នាក់ កាលពីវេលាម៉ោង ៥និង៣០នាទីល្ងាចថ្ងៃទី០៦ ខែធ្នូម្សិលមិញនេះ ស្ថិតនៅត្រង់ចំនុចភូមិដូង ឃុំបឹងរាំង ស្រុកកំរៀង ខេត្តបាត់ដំបង។ នេះបេីយោងតាមប្រភពព័ត៍មានពីរបាយការណ៍របស់អគ្គស្នងការដ្ឋាននគរបាលជាតិ បានឱ្យដឹងនៅព្រឹកថ្ងៃពុធទី០៧ ខែធ្នូ ឆ្នាំ២០២២។
របាយការណ៍ដដែលបន្តថា មុនពេលឃាត់ខ្លួនជនសង្ស័យខាងលេីនេះ កម្លាំងជំនាញបានធ្វេីការស្រាវជ្រាវរហូតកំណត់មុខសញ្ញាច្បាស់លាស់ និងឈានដល់ការបង្រ្កាបបានជនសង្ស័យចំនួនម្នាក់ឈ្មោះ ទ្រី ចាន់ ភេទប្រុស អាយុ ៣៣ឆ្នាំ មានទីលំនៅភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង។
ក្នុងប្រតិបត្តិការខាងលើនេះកម្លាំងជំនាញបានដកហូតវត្ថុតាងមាន ៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០២ថង់ ។
បច្ចុប្បន្នជនសង្ស័យ រួមនឹងវត្ថុតាងសមត្ថកិច្ចកំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់វិធានការតាមនីតិវិធី-ច្បាប់ ៕
ដោយ៖អារុណរះ
