🔴កម្លាំងកងរាជអាវុធហត្ថរាជធានីភ្នំពេញបានចុះបង្ក្រាបទីតាំងបញ្ជល់មាន់នៅក្នុងវីឡាមួយកន្លែងក្នុងសង្កាត់បឹងកក់ទី១ ខណ្ឌទួលគោក

ភ្នំពេញ៖ ទីតាំងបើកល្បែងបញ្ជល់មាន់ក្នុងវីឡាមួយកន្លែងក្នុងមូលដ្ឋានសង្កាត់បឹងកក់ទី១ ត្រូវបានកម្លាំងកងរាជអាវុធហត្តរាជធានីភ្នំពេញបានធ្វើការឡោមព័ទ្ធនិងចុះបង្ក្រាប ប៉ុន្តែបន្ទាប់ពីបានចុះពិនិត្យ រួចមកគឺមិនបានឃើញឧបករណ៍សម្រាប់លេងល្បែងនោះទេ។

   ការចុះឡោមព័ទ្ធ និងពិនិត្យទីតាំងសង្ស័យបើកបញ្ជាល់មាន់នេះ ធ្វើឡើងនៅវេលាម៉ោង១និង៤០នាទីរសៀលថ្ងៃទី០៩ ខែធ្នូឆ្នាំ២០២២ ដែលស្ថិតនៅផ្ទះវីឡាលេខ១ តាមបណ្ដោយផ្លូវលេខ៥២៨ក្នុងមូលដ្ឋានសង្កាត់បឹងកក់ទី១ ខណ្ឌទួលគោក។

   តាមប្រភពព័ត៌មានបានឱ្យដឹងថា ទីតាំងនេះត្រូវបានលួចលាក់បើកល្បែងស៊ីសងគ្រប់ប្រភេទ និងមានបើកបញ្ជល់មាន់ផងដែរ ។  ដូច្នេះកម្លាំងសមត្ថកិច្ចបានចុះស្រាវជ្រាវនិងត្រួតពិនិត្យតែមិនបានឃើញអ្វីនោះទេ ទើបកម្លាំងមត្ថកិច្ចសម្រេចដកកងកម្លាំងចេញពីទីតាំងខាងលើវិញ និងបានណែនាំដល់ម្ចាស់ផ្ទះកុំឱ្យមានការលួចបើកល្បែងសុីសងខុសច្បាប់នៅក្នុងផ្ទះរបស់ខ្លួន៕

ដោយ ៖ រ៉ារ៉ា