សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តម៉ាក Lexus RX-330 ក្នុងល្បឿនលឿន រួចរេចង្កូតជ្រុលទៅបុកបង្គោលស្លាកសញ្ញាប៉ាណូមួយដេីមរងការខូចខាតយ៉ាងដំណំ កាលពីវេលាម៉ោង ១១ និង៣០ នាទីយប់ថ្ងៃទី១៥ ខែធ្នូ ឆ្នាំ២០២២ ស្ថិតនៅចំណុចខាងមុខ ក្រុមហ៊ុនលក់ម៉ូតូ Suzuki តាមបណ្តោយផ្លូវជាតិលេខ១ ក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេឃេីញបុរសម្នាក់បេីករថយន្តម៉ាកLexus RX330 ពណ៌ស ពាក់ស្លាកលេខភ្នំពេញ2AT-3317 ធ្វេីដំណេីរតាមបណ្តោយផ្លូវជាតិលេខ១ ទិសដៅពីកេីតទៅលិច ក្នុងល្បឿនលឿន លុះមកដល់ចំណុចកេីតហេតុ ស្រាប់តែរេចង្កូតទៅខាងឆ្វេងបុកខឿនពុះចែកទ្រូងផ្លូវ និងបុកបង្គោលស្លាកសញ្ញាប៉ាណូមួយដេីមបន្ថែមទៀតបណ្តាលឲ្យបាក់ទ្រេត ឯរថយន្តបង្កបានរងការខូចខាតយ៉ាងដំណំ តែក្នុងហេតុការណ៍គ្រោះថ្នាក់ចរាចរណ៍នេះមិនបណ្តាលឲ្យនរណាម្នាក់រងរបួសនោះឡេីយ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ និងទាក់ទងសមត្ថកិច្ចជំនាញចរាចរណ៍ឲ្យមកធ្វេីការវាស់វែង និងស្ទូចយករថយន្តបង្កទៅរក្សាទុកនៅអធិការដ្ឋាននគរបាលខណ្ឌច្បារអំពៅ ដេីម្បីដោះស្រាយគ្នាតាមច្បាប់ ៕
ដោយ ៖ ភារ៉ា ដង្កោ
