ប្រទេសចិនបានបញ្ជូនយន្តហោះចម្បាំងចំនួន៧១គ្រឿងទៅកាន់កោះតៃវ៉ាន់

ចែករំលែក៖

កងទ័ពអាកាសចិនបានបញ្ជូនយន្តហោះចំនួន ៧១គ្រឿង រួមទាំងយន្តហោះចម្បាំង និងយន្តហោះគ្មានមនុស្សបើកចូលទៅក្នុងតំបន់កំណត់អត្តសញ្ញាណការពារដែនអាកាសនៃកោះតៃវ៉ាន់ (ប្រទេសចិន) ក្នុងរយៈពេល២៤ម៉ោងកន្លងមក។ នេះគឺជាការចល័តយន្តហោះចម្បាំងដ៏ធំបំផុតរបស់ក្រុងប៉េកាំងដែលទីក្រុងតៃប៉ិបានរាយការណ៍។
ក្នុងចំណោមនោះ មានយន្តហោះចំនួន៤៣គ្រឿងបានឆ្លងកាត់ខ្សែបន្ទាត់រវាងភាគីទាំងពីរនៃច្រកសមុទ្រ។ ក្រសួងការពារជាតិតៃវ៉ាន់បាននិយាយនៅក្នុងសេចក្តីថ្លែងការណ៍មួយថា នេះគឺជាតំបន់ការពារមិនផ្លូវការរវាងដីគោកនឹងកោះ។
យោងតាមទីភ្នាក់ងារសារព័ត៌មានតៃវ៉ាន់ CNA នេះគឺជាការឈ្លានពានដ៏ធំបំផុតដោយកងកម្លាំងអាកាសរបស់ចិនដីគោក ប៉ុន្តែកោះនេះមិនបានចាត់ទុកវាជាស្ថានភាពគួរឱ្យព្រួយបារម្ភនោះទេ។
ប្រទេសចិនបានប្រកាសថា ខ្លួនបានធ្វើសមយុទ្ធវាយប្រហារនៅក្នុងដែនទឹក និងដែនអាកាសក្បែរកោះតៃវ៉ាន់កាលពីថ្ងៃទី 25 ខែធ្នូ ដើម្បីឆ្លើយតបទៅនឹងអ្វីដែលខ្លួនហៅថាជាការបង្កហេតុដោយរដ្ឋាភិបាលកោះ និងសហរដ្ឋអាមេរិក។
កាសែត People’s Daily បានដកស្រង់សម្តីអ្នកនាំពាក្យទីបញ្ជាការលោក Shi Yi ដែលបាននិយាយថា សមយុទ្ធនេះគឺជា “ការឆ្លើយតបយ៉ាងម៉ឺងម៉ាត់ចំពោះការញុះញង់របស់សហរដ្ឋអាមេរិក និងតៃវ៉ាន់” ។លោក Shi បាននិយាយថា កងកម្លាំងរបស់បញ្ជាការបូព៌ានឹងចាត់វិធានការចាំបាច់ទាំងអស់ដើម្បីការពារអធិបតេយ្យភាពជាតិ និងបូរណភាពទឹកដីយ៉ាងម៉ឺងម៉ាត់។
នៅក្នុងសុន្ទរកថានៅឯពិធីមួយរបស់កងកម្លាំងប្រដាប់អាវុធនៅព្រឹកថ្ងៃទី២៦ ខែធ្នូ មេដឹកនាំតៃវ៉ាន់ (ចិន) លោកស្រី Tsai Ing-wen បានរំលឹកឡើងវិញអំពីតម្រូវការក្នុងការពង្រឹងសមត្ថភាពការពារ ប៉ុន្តែលោកស្រីមិនបានលើកឡើងអំពីប្រតិបត្តិការយោធាចុងក្រោយបង្អស់នោះទេ៕ ដោយ៖ ធីរីណា