សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តម៉ាកFord Raptor បត់ឆ្លងផ្លូវមិនប្រយ័ត្នជ្រុលទាក់កាងរថយន្តកុងតឺន័របណ្តាលឱ្យរងការខូចខាតយ៉ាងដំណំបង្កឱ្យកកស្ទះចរាចរណ៍យ៉ាងខ្លាំង។
ហេតុការណ៍នេះបានកេីតឡេីងកាលពីវេលាម៉ោង១១និង២០នាទី ថ្ងៃទី២៨ ខែធ្នូ ឆ្នាំ២០២២ នៅចំណុចមុខវត្តជម្ពូវ័ន តាមបណ្តោយផ្លូវជាតិលេខ៤ ស្ថិតក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តម៉ាកFord Raptor ពណ៌ស ពាក់ស្លាកលេខភ្នំពេញ2BO 6596 ធ្វេីដំណេីរតាមបណ្តោយផ្លូវជាតិលេខ៤ក្នុងទិសដៅពីកេីតទៅលិចដោយបេីកលេីគន្លងកណ្តាលបន្ទាប់ស្រាប់តែមានរថយន្តកុងតឺន័រ ក្រុមហ៊ុនLMH ពណ៌ខៀវពាក់ស្លាកលេខព្រះសីហនុ 3A 5644 ធ្វេីដំណេីរមកខាងក្រោយវ៉ាខាងឆ្វេងភ្លាមនោះស្រាប់តែរថយន្តFord ទាញចង្កូតបត់ឆ្វេងដោយមិនបានមេីលក៏ទាក់កាងរថយន្តកុងតឺន័រជាប់គ្នារងការខូចខាតយ៉ាងដំណំនិងបង្កការកកស្ទះចរាចរណ៍យ៉ាងខ្លាំង។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុធ្វេីការសម្របសម្រួលភាគីទាំងសងខាង៕
ដោយ៖សុខាសែនជ័យ
