សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ កម្លាំងអធិការដ្ឋាននគរបាលស្រុកឧដុង្គ កាលពីរសៀលថ្ងៃទី០២ ខែមករា ឆ្នាំ២០២៣ វេលាម៉ោង១៦ និង៣០នាទី បានចុះបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនចំនួន ០២នាក់ ស្ថិតនៅចំណុចភូមិទំពូង ឃុំមានជ័យ ស្រុកឧដុង្គ ខេត្តកំពង់ស្ពឺ ។
យោងតាមរបាយការណ៍របស់សមត្ថកិច្ចនគរបាលស្រុកឧដុង្គ នៅព្រឹកថ្ងៃអង្គារទី០៣ ខែមករា ឆ្នាំ២០២៣នេះថា៖ ក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យចំនួន ២នាក់ ១-ឈ្មោះ ថា វ៉ី ភេទប្រុស អាយុ២៦ឆ្នាំ នៅភូមិត្រពាំងអំពិល ឃុំចាន់សែន ស្រុកឧដុង្គ ខេត្តកំពង់ស្ពឺ ។ ២-ឈ្មោះ ទ្រី ហេង ភេទ ប្រុស អាយុ ៣៧ឆ្នាំ នៅភូមិព្រៃជង្រុក ឃុំមានជ័យ ស្រុកឧដុង្គ ខេត្តកំពង់ស្ពឺ ។
ចំណែកវត្ថុតាងដកហូតរួមមាន ៖
-ម្សៅក្រាមពណ៌សថ្លា សង្ស័យជាគ្រឿងញៀន ៤កញ្ចប់មធ្យម ទម្ងន់ក្រាម
-ម៉ូតូ ១គ្រឿង
-ទូរស័ព្ទ ២គ្រឿង ។
បច្ចុប្បន្នជនសង្ស័យ និងវត្ថុតាងកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី៕
ដោយ៖សហការី
