🔴ស្រី្តស្រស់ស្អាត ឈ្មោះ ហ្គិច ជាកុងសុី(ទទួលបញ្ចាំ) នៅកាសុីណូ ណាហ្គាវើលទី១ ត្រូវបានជនមិនស្គាល់មុខ អារ.ក និងចាក់សម្លាប់ជាច្រើនកាំបិត ស្លាប់ភ្លាមៗ នៅក្នុងបន្ទប់ទឹកជាន់ទី១

ភ្នំពេញ ៖ អំពើឃាតកម្មដ៏សែនសាហាវ ឃោរឃៅ អារ.ក សម្លាប់មនុស្ស ហេតុអីក៏កើតមាននៅក្នុងកាសុីណូ ណាហ្គាវើលទី១ ទៅវិញ បើទីនោះមាន ប្រព័ន្ធការពារសន្តិសុខ ២៤ម៉ោងលើ២៤ម៉ោង មានកាម៉េរ៉ា សុវត្ថិភាព ដ៏ច្រើន ទំនើបបំផុតនោះ ? តែមានគេបង្ហោះតាមបណ្តាញទំនាក់ទំនងសង្គម ហ្វេសប៊ុក ថា, ស្រី្តស្រស់ស្អាត ឈ្មោះហ្គិច ជាកុងសុី(ទទួលបញ្ចាំ) នៅកាសុីណូ ណាហ្គាវើលទី១ ត្រូវបានជនមិនស្គាល់មុខ អារ.ក និងចាក់សម្លាប់ជាច្រើនកាំបិត ស្លាប់ភ្លាមៗ នៅក្នុងបន្ទប់ទឹក ជាន់ទី១ ។

សូមបញ្ជាក់ថា, ម្ចាស់គណនីហ្វេសប៊ុកមួយមានឈ្មោះថា, (Dan Heng Enter) បានបង្ហោះយ៉ាងដូច្នេះថា, 

ស្រី្តស្រស់ស្អាត ឈ្មោះហ្គិច ជាកុងសុី(ទទួលបញ្ចាំ) នៅកាសុីណូ ណាហ្គាលវើលទី១ ត្រូវបានជនមិនស្គាល់មុខ អា ក និងចាក់សម្លាប់ជាច្រើនកាំបិត ស្លាប់ភ្លាមៗ នៅក្នុងបន្ទប់ទឹក ជាន់ទី១ កាលពីវេលាម៉ោងជាង១០យប់ ថ្ងៃទី១៦ ខែមករា ឆ្នាំ២០២៣  ដោយប្លន់យកទ្រព្យសម្បត្តិ ប្រមាណជាង៦០មុឺនដុល្លាអាមេរិក ដោយសុវត្តិភាព។ 😭😭😭 ។

ម្ចាស់គណនីខាងលើសរសេរខ្លីបែបនេះ ហាក់ដឹងពីព័ត៌មាននេះច្បាស់ រហូតដល់បញ្ជាក់ថា, (ដោយប្លន់យកទ្រព្យសម្បត្តិ ប្រមាណជាង៦០មុឺនដុល្លាអាមេរិក ដោយសុវត្តិភាព) ។ ប៉ុន្តែមកដល់ថ្ងៃទី១៧ ខែមករា ឆ្នាំ២០២៣ បែជាតាមប្រព័ន្ធផ្សព្វផ្សាយ មិនទាន់សរសេរជុំវិញហេតុការណ៍នេះ ហើយសមត្ថកិច្ច ក៏មិនទាន់បញ្ជាក់ពីរឿងនេះ ឬក៏បំភ្លឺ អោយសាធារណជន ប្រព័ន្ធផ្សព្វផ្សាយ បានដឹង ថាតើជាព័ត៌មានពិត ឬមួយយ៉ាងណា ? ។

មាន Comments ជាច្រើនបានចូល Comment ក្នុងគណនីឈ្មោះ( Dan Heng Enter ) , គណនីឈ្មោះQuëën Black លើកឡើងថា, យប់មិញនៅណាហ្គាដល់ម៉ោង12ដែរតែស្ងាត់ឈឹង ។ គណនីឈ្មោះ Mak Chhing Chhing បានសរសេរតបថា, ប្រហែលវាសម្លាប់ហើយដាក់ចូលបន្ទប់ ទឹកបានអត់មានអ្នកដឹង ប្រហែលភ្លឺហើយបានមានគេដឹង។ គណនី Quëën Black,  វាដាក់ក្នុងបន្ទប់ហើយបិទ វាដូចមានមនុស្សចូលបានគេចេញចូលមិនបានដឹង, ចឹងមានតែបន្ទប់ទឹកហ្នឹង អត់មានអ្នកចូលដឹងបង បានអត់អ្នកដឹង ! គណនី មួយឈ្មោះថា, (Kon China) បានស៊ែរពី facebook ឈ្មោះ ( Dan Heng Enter ) ហើយសរសេរថា,  គួរអោយអាណិតណាស់ បងទៅអោយបានសុខណា Orange Gold។ ត្រង់នេះគេអាចសង្ស័យថា, ជនរងគ្រោះដែលត្រូវបានគេសម្លាប់មាន គណនី facebook ឈ្មោះ  Orange Gold ។ 

អ្នកខ្លះCommet ថា, ក្នុងនឹងមានអ្វីក៏ដោយ ក៏មិនបែកធ្លាយដែរ , ទើបគណនីឈ្មោះ Chor Di បានសួរថា, ព័ត៌មានបងពិតអត់ ច្បាស់អត់ មិចអត់មានអ្នកណាចុះផ្សាយ ស្ងាត់ឈឹង ។ ប៉ុន្តែមាន គណនី facebook ឈ្មោះថា, Phal Lyda បានតបក្នុង Comment ថា, ចង់ដឹងឆាតមក ចាំឯងប្រាប់ , ហើយប្រាប់ទៅគណនី facebook ឈ្មោះថា, (មនុស្ស ថ្មី) ,ចាសពិត ខ្ញុំដឹងតាំងពីព្រឹក , ហើយ គណនី facebook ឈ្មោះថា, (មនុស្ស ថ្មី) ប្រាប់ទៅ facebook ឈ្មោះថា, Phal Lyda , ពិត ខ្ញុំនៅក្នុងហ្នឹងដែរ។ 

ម្ចាស់គណនីដែលបង្ហោះបានប្រាប់អ្នក Comments ថា, Mss Leaphy គ្រឿងអលង្ការនៅនឹងខ្លួន គ្រឿងគេបញ្ចាំ លុយសុទ្ធ នឹងកាក់ របស់ជនរងគ្រោះត្រូវបានគេយកអស់ហើយ, តាមព័ត៌មានក្រៅផ្លូវការ ជនដៃដល់គេចាប់បានហើយ ! 

 ទោះជាយ៉ាងណាក៏ដោយ មានគណនី ហ្វេសប៊ុកមួយមានឈ្មោះថា( Orange Gold ) សង្ស័យជា facebook ជនរងគ្រោះ បានបង្ហោះរូបកាន់ទុក្ខ (RIP) ផងដែរ។ 

 ពាក់ព័ន្ធករណីនេះ នៅរសៀលថ្ងៃទី១៧ ខែមករា ឆ្នាំ២០២៣ លោកវរសេនីយ៍ឯក សាន សុខសីហា ជំនួយលោកឧត្តមសេនីយ៍ ឯក ស ថេត និងជាអ្នកនាំពាក្យ ស្នងការដ្ឋាននគរបាលរាជធានីភ្នំពេញ ជាមួយអង្គភាពមជ្ឈមណ្ឌលព័ត៌មាន”នគរវត្ត” តាមទូរស័ព្ទ ជាមួយនឹងសំណួរសួរថា, តើបងមានបានទទួលព័ត៌មានថា, មានករណីស្រី្តស្រស់ស្អាត ឈ្មោះហ្គិច ជាកុងសុី(ទទួលបញ្ចាំ) នៅកាសុីណូ ណាហ្គាលវើលទី១ ត្រូវបានជនមិនស្គាល់មុខ អារ.ក និងចាក់សម្លាប់ជាច្រើនកាំបិត ស្លាប់ភ្លាមៗ នៅក្នុងបន្ទប់ទឹក ជាន់ទី១ ហើយត្រូវបានបង្ហោះលើ facebook ទៀត ? លោកឆ្លើយថា, ខ្ញុំអត់ទាន់ទទួលព័ត៌មាននេះនៅឡើយទេ ចាំមើលខ្ញុំឆែកសួរអោយច្បាស់សិនបន្តិចណា  និងសូមអរគុណដែលបានសួរដល់ខ្ញុំ ចាំខ្ញុំមើលបន្តិច ..! 

 ដោយឡែកខាងអ្នកគ្រប់គ្រង នៅកាសុីណូ ណាហ្គាលវើលទី១ អង្គភាពមជ្ឈមណ្ឌល”នគរវត្ត” មិនអាចទាក់ទងសុំការបំភ្លឺបានទេ នៅរសៀលនេះដោយគ្មានលេខទូរស័ព្ទ ប៉ុន្តែ កញ្ញា ភោគ សូលីនដាSenior Executive, Marketing Communications

Tel: (+855) 15 61 88 86

Email: melanieloong@nagaworld.com Email: phouksolinda@nagaworld.com បានប្រាប់តាមទូរស័ព្ទថា, គាត់ពិបាកដើម្បីរកលេខ អ្នកណាអោយដឹង ឬបញ្ជាក់ប្រាប់ មកសារព័ត៌មានបានឡើយ ។ 

សូមបញ្ជាក់ថា, ប្រសិនបើមានករណីឃាតកម្ម នៅកាសុីណូ ណាហ្គាលវើលទី១ ត្រូវបានជនមិនស្គាល់មុខ អារ.ក និងចាក់សម្លាប់ជាច្រើនកាំបិត ស្លាប់ភ្លាមៗ នៅក្នុងបន្ទប់ទឹក ជាន់ទី១ ទៅស្ត្រីអ្នករកសុីនៅទីនោះ យកទ្រព្យសម្បត្តិដល់ ៦០មុឺនដុល្លារ គឺជាបញ្ហា អសុវត្ថិភាព ឬបង្ហាញពីភាពធូររលុង ចំពោះប្រព័ន្ធការពារសន្តិសុខ ដើម្បីការពារភ្ញៀវបរទេស គ្រប់អតិថិជនរបស់ខ្លួនហើយ ។ គួរអោយមានការ ស៊ើបអង្កេត ស្រាវជ្រាវ បំភ្លឺពីម្ចាស់វិនិយោគកាសុីណូណាហ្គាវើលទី១ ឬ សមត្ថកិច្ច អាជ្ញាធរ អោយបានច្បាស់លាស់ ជៀសវាងកើតជាចម្ងល់ថា, លាក់ព័ត៌មាន ឬជារឿងមិនពិត ដើម្បីបង្ហាញពី ភាពស្អាតស្អំ ក៏ដូចជាប្រព័ន្ធការពារសន្តិសុខ ចំពោះការវិនិយោគរបស់ខ្លួន ។ ម្យ៉ាងវិញទៀត បើជាព័ត៌មានមិនពិត អាចប៉ះពាល់ដល់កន្លែងវិនិយោគរបស់ កាស៊ីណូណាហ្គាវើល ក៏ដូចជាសមត្ថកិច្ច អាជ្ញាធរ ជាដើមផងដែរ ៕

ដោយ ៖ មជ្ឈមណ្ឌលព័ត៌មាន”នគរវត្ត”