🔴អាជ្ញាធរខ្សោយ ឬលោកស័ក្តិ៥ លោក គឹម ហ៊ាង ខ្លាំង ! ខណៈ នៅ តែបន្តការសាងសង់ផ្ទះក្នុងផ្ទៃសមុទ្រ ដោយមិនគោរពច្បាប់

ចែករំលែក៖

ខេត្តព្រះសីហនុ ៖ បន្ទាប់ពីមានសំណង់ខុសច្បាប់ បានសាងសង់ក្នុងផ្ទៃសមុទ្រ នៅសង្កាត់លេខ១ ក្រុង/ខេត្តព្រះសីហនុ ទើបប្រជានេសាទសមុទ្រលើកឡើងថា, លោក គឹម ហ៊ាង មន្ត្រីយោធាពាក់សក្តិ៥ នៅរាជធានីភ្នំពេញ ខ្លាំងមែន ! ចំណុចនេះគាត់ឆ្ងល់ថា, “អាជ្ញាធរខ្សោយ ឬលោកស័ក្តិ៥ លោក គឹម ហ៊ាង ខ្លាំង !

ខណៈ នៅ តែបន្តការសាងសង់ផ្ទះក្នុងផ្ទៃសមុទ្រ ដោយមិនគោរពច្បាប់ ” ព្រោះនៅតែបន្តការសាងសង់សំណង់ចូលក្នុងផ្ទៃទឹកសមុទ្រមិនឈប់ឈរ បង្កផលប៉ះពាល់សម្រាប់ផ្លូវចូលចតទូកនេសាទរបស់ពួកគាត់ ដែលកន្លងមក ពួកគាត់អះអាងថា គាត់ធ្លាប់ចតទូកនៅទីនោះបានដោយសុខសាន្តមិនដែលរំខានពីអ្នកណានោះឡើយ។ ចុងក្រោយមានមន្ត្រីទំនើងមកសាងសង់ខុសច្បាប់ ហេតុអ្វី ក៏អាជ្ញាធរ ជំនាញពាក់ព័ន្ធ មិនអើពើ ឬមួយមានករណីអន្តរាគមន៍ ?

ប្រជានេសាទបានបន្តឲ្យដឹងទៀតថា ពួកគាត់មិនសុខចិត្តទៅនឹងសកម្មភាពសាងសង់សំណង់នៅលើផ្ទៃសមុទ្រ ដែលជាគន្លងផ្លូវទឹកសម្រាប់ការចូលចតទូកនេសាទរបស់ប្រជានេសាទដែលជាសកម្មភាពលោភលន់របស់លោក គឹម ហ៊ាង នោះឡើយ។ ពិសេសគាត់អាចដឹងច្បាស់ហើយថា, តាមច្បាប់ភូមិបាលមានទោសកម្រិតណា រំលោភយកផ្ទៃសមុទ្រធ្វើជាកម្មសិទ្ធិ និងសាងសង់សំណង់ដោយខុសច្បាប់នេះ!

ពួកគាត់ក៏បានដាក់ពាក្យបណ្តឹងសុំកិច្ចអន្តរាគមន៍ពីលោក ឈិត សុផាត ចៅសង្កាត់លេខ១ ក្រុង/ខេត្តព្រះសីហនុ កន្លងមក ជាលទ្ធផលលោកចៅសង្កាត់មិនអាចរកដំណោះស្រាយជូនប្រជាពលរដ្ឋបាននោះទេហើយការសាងសង់របស់លោក គឹម ហ៊ាង នៅតែបន្តសាងសង់សំណង់ចូលក្នុងទឹកនេះឥតឈប់ឈរមិនរំខានដល់អាជ្ញាធរ ហាក់ខ្វះការទទួលខុសត្រូវក្នុងដែនសមត្ថកិច្ច របស់ខ្លួនគ្រប់គ្រង ខណៈថ្នាក់លើបាន ប្រតិភូកម្មអំណាចអោយហើយនោះ។

ដោយសារតែលោក ឈិត សុផាត ចៅសង្កាត់លេខ១ មិនអាចដោះស្រាយកង្វល់ឲ្យប្រជាពលរដ្ឋបាន ពួកគាត់ក៏បានដាក់ពពាក្យបណ្តឹងជាថ្មីដើម្បីសុំកិច្ចអន្តរាគមន៍ទៅអាជ្ញាធរក្រុងព្រះសីហនុ ដើម្បីឱ្យអាជ្ញាធរក្រុងជួយដល់ពួកគាត់ឲ្យបានបើកផ្លូវ និងទីកន្លែងជាចំណតទូកដូចពីមុនមក។ បន្ទាប់ពីរដ្ឋបាលក្រុងព្រះសីហនុ ទទួលបានពាក្យបណ្តឹងពីប្រជានេសាទ លោក គង់ សោភា អភិបាលរងក្រុងព្រះសីហនុ បានចុះមកដល់ទីតាំងសំណង់ដែលលោក គឹម ហ៊ាង កំពុងសាងសង់រំលោលោភលើផ្ទៃសមុទ្រដែលជាចំណតទូករបស់ប្រជានេសាទ។

លោកអភិបាលរងក្រុងព្រះសីហនុ បានធ្វើកំណត់ហេតុ និងហាមឃាត់មិនឲ្យលោក គឹម ហ៊ាង ធ្វើសំណង់នេះបន្តទៀតនោះឡើយ។ ពេលលោក គង់ សោភា អភិបាលរងក្រុងព្រះសីហនុ ចុះមកធ្វើកំណត់ហេតុផ្អាកការសាងសង់របស់លោក គឹម ហ៊ាង មិនបានមួយដង្ហើមចង្រិតផង លោក គឹម ហ៊ាង បានធ្វើការសាងសង់បន្តទៀតឥតឈប់ឈរ រហូតមកដល់បច្ចុប្បន្ននេះ។ តើលទ្ធផលបន្តទៀត តម្រូវការឱ្យប្រជាពលរដ្ឋ ទៅប្តឹងដល់ក្រហែងមេឃណាទៀត។

ប្រជានេសាទទាំងអស់បានលើកឡើងបន្តឲ្យដឹងទៀតថា ភាពមិនគោរពច្បាប់របស់លោក គឹម ហ៊ាង ពួកគាត់កើតទុក្ខមិនសុខចិត្តក៏បាននាំគ្នាដាក់ពាក្យបណ្ដឹងសុំការអន្តរាគមន៍ទៅអាជ្ញាខេត្តព្រះសីហនុ តាំងថ្ងៃចន្ទ ទី២៩ ខែសីហា ឆ្នាំ២០២២កន្លងមកម្លេះ ដើម្បីសុំកិច្ចអន្តរាគមន៍ពីលោក គួច ចំរើន អភិបាលនៃខណៈអភិបាលខេត្តព្រះសីហនុ ដើម្បីឱ្យលោកជួយដោះស្រាយជូនពួកគាត់ឱ្យមានចំណតចតទូកឡើងវិញដូចកាលពីមុនផងដែរ។

ជាចុងក្រោយប្រជានេសាទ សូមធ្វើការអំពាវនាវយ៉ាងទទូចដល់លោក គួច ចំរើន អភិបាលនៃគណៈអភិបាលខេត្តព្រះសីហនុ និងសូមធ្វើការអំពាវនាវដល់ថ្នាក់ដឹកនាំជាន់ខ្ពស់ដែលពាក់ព័ន្ធ មេត្តាជួយរកយុត្តិធម៌ជូនដល់ពួកគាត់ដែលជាប្រជានេសាទកំពុងរងគ្រោះដោយសារលោក គឹម ហ៊ាង កំពុងសង់ផ្ទះរំលោភយកចំណតទូករបស់ពួកគាត់។

ដោយឡែកលោក នេន ចំរើន ប្រធានមន្ទីរកសិកម្មរុក្ខារប្រមាញ់ និងនេសាទខេត្តព្រះសីហនុ មិនអាចសុំការពន្យល់បានទេ ដោយសារគ្មគ្មានទូរស័ព្វទំនាក់ទំនង។

ជាមួយអ្នកសារព័ត៌មាន ក្នុងស្រុក លោក អ៊ី សុខឡេង អតីតអភិបាលក្រុងព្រះសីហនុ ធ្លាប់បានឲ្យដឹងតាមប្រព័ន្ធតេឡេក្រាមថា លោកនឹងចាត់មន្ត្រីចុះត្រួតពិនិត្យជុំវិញសំណង់លើផ្ទៃទឹកសមុទ្រ និងឈានទៅអនុវត្តនិតិវិធី។ ប៉ុន្តែបច្ចុប្បន្ន លោកឡើងជាអភិបាលរងខេត្តព្រះសីហនុ ក៏សំណង់នេះបន្តធ្វើដដែល។

ជុំវិញបញ្ហាការចោទប្រកាន់ខាងលើនេះ លោក គឹម ហ៊ាង មន្ត្រីយោធាពាក់សក្តិ៥ មកពីរាជធានីភ្នំពេញ អ្នកសារព័ត៌មានយើងមិនអាចសុំប្រតិកម្មពីលោកក្នុងការចោទប្រកាន់របស់ប្រជានេសាទបាននោះឡើយ ដោយសារពុំមានលេខទូរស័ព្ទទំនាក់ទំនង។

សូមបញ្ជាក់ថា, បន្ទាប់ពីប្រព័ន្ធផ្សព្វផ្សាយបានផ្សព្វផ្សាយព្រោងព្រាតពេញបណ្ដាញសង្គមកន្លងមក មហាជនបានលើកឡើងថា មន្ត្រីមានអំណាច មានទឹកប្រាក់ចាយមិនអស់មួយចំនួនបានកំពុងធ្វើឲ្យអាជ្ញាធរមូលដ្ឋានឈឺក្បាលវិលមុខគ្រប់ពេលវេលា ដូចជាករណីលោក គឹម ហ៊ាង មន្ត្រីយោធាពាក់សក្តិ៥រូបនេះ អញ្ចឹងតែងតែរំខានដល់ប្រជាពលរដ្ឋនឹងធ្វើឲ្យអាជ្ញាធរមូលដ្ឋានវិលមុខដោះស្រាយមិនចេញ។

មហាជនបានបន្តទៀតថា បើអាជ្ញាធរមូលដ្ឋាននៅតែបណ្ដែតបណ្ដោយបិទភ្នែកបិទច្រមុះទុកឱកាសឱ្យអ្នកមានលុយ មានអំណាចមួយចំនួនតូចសាងសង់បំពានចូលទៅក្នុងដែនសមុទ្របែបអនាធិបតេយ្យបែបនេះ តើការអនុវត្តច្បាប់ថ្ងៃក្រោយវាទៅជាបែបណាទៅវិញ? ពិសេសការសាងសង់រំលោលោភចូលក្នុងដែនសមុទ្របែបនេះ ថ្ងៃក្រោយបរិស្ថានសមុទ្រ និងបំពុលងាប់ដល់ជីវៈចម្រុះក្នុងសមុទ្រខ្ទេចខ្ទីគ្មានសល់នោះឡើយ។

ជាចុងក្រោយប្រជានេសាទស្នើសុំឱ្យលោក គួច ចំរើន អភិបាល នៃគណៈអភិបាលខេត្តព្រះសីហនុ ជួយពង្រឹងដល់អាជ្ញាធរថ្នាក់ក្រោមឲ្យអនុវត្តច្បាប់ឲ្យបានម៉ឺងម៉ាត់ ចំពោះករណីខាងលើនេះ។

គួររំលឹកផងដែរថា ទីតាំងដែលមន្ត្រីយោធាឈ្មោះ គឹម ហ៊ាង សង់រំលោភក្នុងដែនសមុទ្រដែលរដ្ឋហាមឃាត់មានទីតាំងស្ថិតនៅចំណុចក្បែរផែ២៧ ស្ថិតក្នុងភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។

ពាក់ព័ន្ធករណីខាងលើ នៅព្រឹកថ្ងៃទី១៩ ខែមករា ឆ្នាំ២០២៣ លោក អេង វុទ្ធី មេភូមិ៣ មិនអាចទាក់ទងសុំការបំភ្លឺបានទេ ដោយទូរស័ព្ទនៅក្រៅតំបន់សេវា ។ ដោយឡែក លោក ឈិត សុផាត ចៅសង្កាត់លេខ១ បានបញ្ជាក់ប្រាប់អង្គភាព មជ្ឈមណ្ឌលព័ត៌មាន”នគរវត្ត” តាមទូរស័ព្ទថា, រឿងនេះគេធ្វើរួចរាល់ហើយ និងមានកាតប្តឹងផ្តល់គ្នាដល់ក្រុង ដល់ខេត្ត ហើយខាងលើកំពុងដោះស្រាយ។ ត្រង់សំណួរថា, តើគាត់មានច្បាប់សាងសង់ មានប្លង់កម្មសិទ្ធិទេ លោកចៅសង្កាត់បានបញ្ជាក់ថា, វែងឆ្ងាយណាស់រឿងនេះ រហូតដល់ប្តឹងគ្នាមិនចេះចប់ តែបច្ចុប្បន្នដល់ថ្នាក់លើហើយ ។

លោក ស កក្កដា អភិបាលក្រុងព្រះសីហនុ ចំពោះសំណួរថា, តើទីតាំងដែលមន្ត្រីយោធាឈ្មោះ គឹម ហ៊ាង សង់រំលោភក្នុងដែនសមុទ្រដែលរដ្ឋហាមឃាត់មានទីតាំងស្ថិតនៅចំណុចក្បែរផែ២៧ ស្ថិតក្នុងភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ តើដោះស្រាយដល់ណាហើយ ត្រូវចាត់ការដោយវិធីណា បើសង់ខុសច្បាប់ ? គ្រាន់តែតែឮប៉ុណ្ណឹង លោកអភិបាលក្រុងនិយាយយ៉ាងខ្លីថា,( ខ្ញុំជាប់ប្រជុំ)…. រួចក៏បិទទូរស័ព្ទតែម្តង ៕

ដោយ ៖ មជ្ឈមណ្ឌលព័ត៌មាន” នគរវត្ត “

ចែករំលែក៖

សារព័ត៌មាន នគរវត្ត តែងតែនាំមុខគេជានិច្ច

🔴អាជ្ញាធរខ្សោយ ឬលោកស័ក្តិ៥ លោក គឹម ហ៊ាង ខ្លាំង ! ខណៈ នៅ តែបន្តការសាងសង់ផ្ទះក្នុងផ្ទៃសមុទ្រ ដោយមិនគោរពច្បាប់

រឿងទាក់ទង

សកម្មភាពសម្តេចតេជោ ហ៊ុន សែន អញ្ជើញបំពេញទស្សនកិច្ចផ្លូវការ នៅរដ្ឋធានីហាវ៉ាណា សាធារណរដ្ឋគុយបា

សម្តេចតេជោ ហ៊ុន សែន អញ្ជើញជួបទីប្រឹក្សាពិសេសរបស់អគ្គលេខាធិការ អង្គការសហប្រជាជាតិ

សហរដ្ឋអាមេរិក និងកម្ពុជា នឹងប្រារព្ធខួបលើកទី៧០ នៃទំនាក់ទំនងផ្នែកការទូត

ទស្សនៈវិភាគ៖ «ឥរិយាបថថ្មីរបស់ប្រជាពលរដ្ឋ បង្ហាញពីគុណសម្បត្តិដ៏អស្ចារ្យរបស់មេដឹកនាំកម្ពុជា»

ទស្សនល្ងីល្ងើ÷៤រឿងសើចយំនិងកំហឹងល្បីក្នុងបណ្តាញសង្គមហ្វេសប៊ុកក្នុងសប្តាហ៍នេះ

លិខិតមិត្តអ្នកអាន៖ សូមគាំទ្រ យុទ្ធនាការដោះស្រាយបញ្ហាកកស្ទះសំណុំរឿងនៅតុលាការ

លិខិតមិត្តអ្នកអាន៖ «ខានចូលឆ្នាំម្តងប្រសើរជាងសាកល្បងឆ្លងកូវីដ-១៩!»

លិខិតមិត្តអ្នកអាន៖ មិនទាន់ហួសពេលការប្រារព្ធបុណ្យចូលឆ្នាំ

លោក Xi Jinping ផ្ញើលិខិតអបអរសាទរចំពោះមហាមិទិញភាសាចិនពិភពលោកឆ្នាំ២០២៤

រួមគ្នាកសាងភាពជាដៃគូអាស៊ី-ប៉ាស៊ីហ្វិកដែលស្និទ្ធស្នាលគ្នា ជួយគ្នា និងទទួលផលប្រយោជន៍គ្នាទៅវិញទៅមក

លោក Trump បានជួបជាមួយប្រមុខរដ្ឋបរទេសជាលើកដំបូងចាប់តាំងពីជាប់ឆ្នោត

ព្យុះ Man-yi ក្រោយព្យុះ Usagi ថមថយចុះឥទ្ធិពល សំដៅទៅហ្វីលីពីន

ប្រធានាធិបតីប៉េរូរៀបចំធ្វើពិធីស្វាគមន៍ចំពោះលោក Xi Jinping ប្រធានរដ្ឋចិន

វីឡាទោលប្រណិត ១៥មុឺនដុល្លា ក្នុងតំបន់៦អា

វីឡាទោលប្រណិត ១៥មុឺនដុល្លារ ក្នុងតំបន់៦អា

ក្រុមហ៊ុនអាម៉ូរី ប្រកាសបើកសម្ពោធដំណើរការគម្រោងអាម៉ូរីសែនសុខ

ការចុះអនុស្សរណៈក្នុងការបើកលក់អគារខុនដូCEO Business Residence ក្នុងទីផ្សារកម្ពុជា

គម្រោងបុរី Chankiri Palm Creek ជាគំរូនៃការរចនាផ្ទះប្រកបដោយការ “គិតគូរពីតម្រូវការអ្នករស់នៅជាចម្បង”