រថយន្តដឹកភ្ញៀវទៅចូលរួមមង្គលការ ជួបគ្រោះថ្នាក់ធ្លាក់ពីលើភ្នំស្លាប់និងរបួសជាច្រើន

ចែករំលែក៖

នៅវេលាម៉ោង៨និង៣០នាទីព្រឹកថ្ងៃទី២៨ខែមករា នៅលើផ្លូវខេត្ត លេខ ១០៨ ស្ថិតនៅភូមិណុងវ៉ាយ ឃុំ កម៉ា ស្រុកធ្វឹងចូវ ខេត្តសឺងឡា មានករណីគ្រោះថ្នាក់ចរាចរណ៍ដ៏រន្ធត់មួយ បណ្តាលឱ្យមនុស្សស្លាប់និងរបួសជាច្រើន។
តាមប្រភពព័ត៌មានពីមន្ត្រីក្នុងឃុំ កម៉ា បានបញ្ជាក់ថា រថយន្តមានស្លាកលេខ BKS 29B – 510.70 ដឹកមនុស្ស១៨នាក់រួមទាំងអ្នកបើកបរ បានធ្វើដំណើរពីទីក្រុង សឺងឡា ទៅកាន់ឃុំចៀងផុង ស្រុក ស៊ុងម៉ា ដើម្បីចូលរួមមង្គលការ។
ក្នុងពេលរថយន្តបើកលើផ្លូវតាមជើងភ្នំក៏ស្រាប់តែក្រឡាប់ធ្លាក់ពីលើផ្លូវលើមកផ្លូវក្រោមមានកម្ពស់ ២០ម៉ែត្រ ។ ហេតុការណ៍គ្រោះថ្នាក់នោះបណ្តាលឱ្យមនុស្ស៣នាក់ស្លាប់នៅនឹងកន្លែងកើតហេតុ និងមនុស្សជាច្រើនទៀតរងរបួស។ ចំណែករថយន្តបានខូចខាតយ៉ាងខ្លាំង។
នៅពេលនេះគេមិនទាន់ដឹងពីមូលហេតុបណ្តាលឱ្យមានគ្រោះថ្នាក់នេះនៅឡើយទេ អាចជាការធ្វេសប្រហែសរបស់អ្នកបើកបរ ឬក៏ជាឧបទវគ្គហេតុរអិលបាក់ដីនោះទេ។ នៅពេលនេះក្រុមជំនាញកំពុងធ្វើការស្រាវជ្រាវ៕