សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានថ្លែងឱ្យដឹងនៅរសៀលថ្ងៃអាទិត្យទី២៩ ខែមករា ឆ្នាំ២០២៣នេះថា៖ កម្លាំងសមត្ថកិច្ចជំនាញ បានឃាត់យានយន្តសរុបចំនួន ២៩១គ្រឿងទៀត ត្រូវបានផាកពិន័យតាមអនុក្រឹត្យលេខ៣៩ នៅទូទាំងប្រទេសនាថ្ងៃទី២៩ ខែមករា ឆ្នាំ២០២៣នេះ ក្នុងនោះមានម៉ូតូ ២០៨គ្រឿង និងរថយន្ត ៨៣គ្រឿង។
ឧត្តមសេនីយ៍ឯក ឆាយ គឹមខឿន បានថ្លែងបន្តថា សម្រាប់ថ្ងៃទី២៩ ខែមករា ឆ្នាំ២០២៣នេះ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន ៧,២៧៩គ្រឿង ក្នុងនោះមានម៉ូតូ ៥,៩៨៦គ្រឿង និងរថយន្តគ្រប់ប្រភេទ ១,២៩៣គ្រឿង។
បទល្មើសដែលត្រូវបានកត់សម្គាល់សម្រាប់ម៉ូតូរួមមាន៖ មួក និងស្លាកលេខជាដើម។ ដោយឡែករថយន្តរួមមាន៖ ខ្សែក្រវាត់ អត់បណ្ណបើកបរ ឆៀក និងល្មើសសញ្ញាជាដើម។
ឧត្តមសេនីយ៍ឯក ឆាយ គឹមខឿន បានថ្លែងអំណរគុណ និងកោតសរសើរដល់ជនរួមជាតិជាអ្នកប្រើប្រាស់ផ្លូវទាំងអស់ ដែលបានចូលរួមគោរពច្បាប់ចរាចរណ៍យ៉ាងល្អប្រសើររយៈពេលកន្លងមកនេះ ជាពិសេសកោតសរសើរ និងអរគុណដល់នគរបាលចរាចរណ៍ដែលបានលះបង់ និងខិតខំប្រឹងប្រែងជំរុញការរឹតបន្តឹងចរាចរណ៍ប្រកបដោយស្មារតី ទទួលខុសត្រូវខ្ពស់បំផុត។
ជាមួយគ្នានេះ ករណីគ្រោះថ្នាក់ចរាចរណ៍នៅទូទាំងប្រទេសកម្ពុជាសម្រាប់ថ្ងៃទី២៩ ខែមករា ឆ្នាំ២០២៣នេះ ក៏បានកើតឡើងចំនួន ១៥លើក ក្នុងនោះអ្នកស្លាប់ចំនួន ១០នាក់ របួសចំនួន ១៤នាក់ (របួសធ្ងន់ ចំនួន ០៥នាក់)។ រយៈពេល ២៩ថ្ងៃមានករណីគ្រោះថ្នាក់ចរាចរណ៍ចំនួន ២៥០លើក បណ្ដាលឱ្យមនុស្សស្លាប់ ១១៩នាក់ របួស ៣២០នាក់ (របួសធ្ងន់ ២១១នាក់)៕
ដោយ៖សហការី
