សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់យ៉ាងអណោចអាធ័មនៅនឹងកន្លែងកេីតហេតុបន្ទាប់ពីជួបគ្រោះថ្នាក់ចរាចរណ៍ត្រូវរថយន្តកុងតឺន័របេីកកៀរបណ្តាលឱ្យដួលចូលក្រោមរថយន្តកិនកាលពីវេលាម៉ោង៩យប់ ថ្ងៃទី៧ ខែកុម្ភៈ ឆ្នាំ២០២៣ នៅតាមបណ្តោយផ្លូវចោមចៅ ត្រង់ចំណុចមុខសាលារៀនប៊ែលធី ស្ថិតក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ហេីយរថយន្តព្យាយាមបេីកគេចខ្លួនទៅដល់មុខបុរីសែនមនោរម្យ ផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ ត្រូវពលរដ្ឋដេញឃាត់បានភ្លាមៗ។
ជនរងគ្រោះត្រូវបានគេស្គាល់ឈ្មោះ ពិន សុខណា ភេទប្រុសអាយុ២៦ឆ្នាំ មានស្រុកកំណេីតនៅភូមិឡាំឡូង ឃុំជ្រៃឃ្មុំ ស្រុកស៊ីធកណ្តាល ខេត្តព្រៃវែង។
តាមប្រភពព័ត៌មនបានឲ្យដឹងថា មុនពេលកេីតហេតុគេបានឃេីញបុរសម្នាក់ជាជនរងគ្រោះជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1GX 3294 ធ្វេីដំណេីរតាមបណ្តោយផ្លូវចោមចៅ ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែមានរថយន្តកុងតឺន័រ ពាក់ស្លាកលេខភ្នំពេញ3D 1881 ធ្វេីដំណេីរមកពីក្រោយកៀរបណ្តាលឲ្យដួលខ្ទាតចូលក្រោមរថយន្តកិនបែកក្បាលស្លាប់យ៉ាងអណោចអាធ័ម ភ្លាមនោះរថយន្តបង្កបានបន្តបេីកគេចខ្លួនទៅដល់មុខបុរីសែនមនោរម្យផ្លូវជាតិលេខ៤ក៏ត្រូវបានប្រជាពលរដ្ឋដេញឃាត់បានទាំងតៃកុងរថយន្តនឹងប្រគល់ជូនសមត្ថកិច្ចតែម្តង។
ក្រោយកេីតហេតុសមត្ថកិច្ចមូលដ្ឋានបាននាំខ្លួនតៃកុងរថយន្តទៅប៉ុស្តិ៍នគរបាលរង់ចាំប្រគល់ជូនកម្លាំងជំនាញមកធ្វេីការវាស់វែងយករថយន្តនិងម៉ូតូរួមទាំងតៃកុងទៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំដោះស្រាយតាមច្បាប់។
ចំណែកសពជនរងគ្រោះត្រូវបានសមត្ថកិច្ចទាក់ទងទៅក្រុមគ្រួសារមកទទួលយកទៅធ្វេីបុណ្យតាមប្រពៃណីនៅស្រុកកំណេីត៕
ដោយ៖សុខាសែនជ័យ
