សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ប៉ុន្មានថ្ងៃជាប់ៗគ្នា មានអ្នកនិយមលេងតាមបណ្តាញទំនាក់ទំនង សង្គមហ្វេសប៊ុក បានបង្ហោះ ជុំវិញ ករណីមន្ត្រីអភិរក្សបានចុះទៅរឹបអូស សត្វក្ងោកដល់លំនៅឋាន របស់ប្រជាពលរដ្ឋ ដែលខំចិញ្ចឹម ស្រឡាញ់ ។ ពិតមែនហើយថា ,ការចិញ្ចឹមសត្វព្រៃ ឬសត្វកម្រ ត្រូវខុសច្បាប់ ហើយសមត្ថកិច្ចចាំបាច់រឹបអូស តែបញ្ហានេះ បានជះឥទ្ធិពលដល់សង្គមខ្លាំង តាមរយៈការរិះគន់ ដល់មន្ត្រីអភិរក្ស និងសមត្ថកិច្ច ។
អ្នកខ្លះបានបង្ហោះសារថា, បើចឹញ្ចឹមពស់វែក តោ ខ្លា ប្រលែងពេញភូមិអីមិនថាទេ នេះចឹញ្ចឹមសត្វក្ងោកដោយក្ដីមេត្តា ស្រលាញ់ ចូលចិត្ត ការពារ ថែរទាំទុកលំអរសោះ ក៏ប្រមូលយកពីគាត់ដែរ។
ម្ចាស់ក្ងោកនិយាយទាំងហូរទឹកភ្មែក បន្ទាប់ពីមន្រ្តីអភិរក្សសត្វព្រៃ ចុះមកចាប់សត្វក្ងោករបស់គាត់២០ក្បាល យកទៅអភិរក្ស នៅសួនសត្វភ្នំតាម៉ៅ ។
ដោយមានក្ដីអាណិត ម្ចាស់ក្ងោក មហាជនស្នើដល់ ប្រមុខរាជរដ្ឋាភិបាល សម្ដេចតេជោ ហ៊ុនសែន សូមជួយអន្តរាគមន៍ នាំយកសត្វក្ងោកឲ្យម្ចាស់វិញផង។
សូមបញ្ជាក់ថា, នៅថ្ងៃមន្ត្រីអភិរក្សចុះមកចាប់យកសត្វក្ងោកយក ទៅ គឺនៅថ្ងៃព្រហស្បតិ៍ ទី១៦ ខែកុម្ភះឆ្នាំ២០២៣ វេលាម៉ោង១២និង០០នាទី សិ្ថតនៅភូមិសន្លង់ ឃុំត្រពាំងចាន់ ស្រុកបរិបូណ៍ ខេត្ដកំពង់ឆ្នាំង។
ពាក់ព័ន្ធករណីនេះ លោកឧត្តមសេនីយ៍ឯក ហ៊ុន ជា អគ្គធិការដ្ឋានរង នៃក្រសួងមហាផ្ទៃ នៅល្ងាចថ្ងៃទី២៤ ខែកុម្ភៈ ឆ្នាំ២០២៣ បានបង្ហោះសារយ៉ាងដូច្នេះថា, សូមគោរព ឯកឧត្ដម សាយ សំអាល់ រដ្ឋមន្ត្រី ក្រសួងបរិស្ថាន សំណេីជួយសម្របសម្រួលករណីសត្វក្ងោក ដែលប្អូនប្រុសម្នាក់បានចិញ្ចឹមជាង១០ក្បាលរយៈពេលជាង ១០ឆ្នាំ មកហេីយ នឹងបានមេីលថែរក្សាបានយ៉ាងល្អ ប៉ុន្តែរយៈពេលប៉ុន្មានថ្ងៃមកនេះ មានមន្ត្រី អភិរក្សបានចុះទៅដកហូត ហេតុដូចបានគោរពជម្រាបជូនខាងលេី សូម ឯកឧត្ដម រដ្ឋមន្ត្រី មេត្តាជួយសម្របសម្រួល និងដោះស្រាយ ករណីខាងលេី ដេីម្បីម្ចាស់បានមេីលថែរក្សាដូចដេីមវិញ សូម ឯកឧត្តម រដ្ឋមន្ត្រី ទទួលនូវការគោរពរាប់អានដ៏ខ្ពង់ខ្ពស់
ពីខ្ញុំបាទ ហ៊ុន ជា ❤️🇰🇭❤️🕊️សូមអរគុណ!។
កន្លងទៅ លោក ហ៊ុន ជា បានបង្ហោះសារថា, សត្វស្លាបគួរអោយស្រលាញ់ណាស់ សូមខាងអក្សភិរក្សយកមកអោយម្ចាស់គេវិញផង បាទ ម្ចាស់គេចិញ្ចឹមជាង ១០ ឆ្នាំហើយ ទាន់ ☝🏻 ។
លោកផ្កាយ៣ បន្តថា, មិនដែលដឹងសោះថាសត្វក្ងោកជាសត្វកម្រ ! មានផ្ទះជាច្រើនដែលចិញ្ចឹម សត្វក្ងោក តោះទៅយក ហ៊ានអត់? ប្រាប់មើលថាហ៊ានអត់ប្រាប់មើល ទាន់ !
សម្ដេចតេជោ ចឹញ្ចឹមក្ងោកទុកសំរាប់លម្អរគេហដ្ឋានផង ផ្ដល់សោភ័ណភាពសម្រស់ ស្រស់ត្រកាល កាលធ្វើអោយបាត់ការធុញថប់ផង។
ប៉ុន្តែប្អូនប្រុសម្នាក់ដែលចឹញ្ចឹមក្ងោកបង្កាត់ពូជជាង៩ឆ្នាំ បានរហូត២០ក្បាល ត្រូវឧទ្យានុរក្សភ្នំតាម៉ៅចុះទៅប្រមូលយកអស់ ឱ្យធ្វើកិច្ចសន្យាទទួលកំហុសទៀត។
តើ!មានច្បាប់ឯណាហាមមិនឱ្យចឹញ្ចឹមក្ងោក? ៕
ដោយ ៖ សិលា
