សារព័ត៌មាន នគរវត្ត តែងតែនាំមុខគេជានិច្ច
ប្រព័ន្ធផ្សព្វផ្សាយចិនបានផ្សាយថា ក្រុមជួយសង្គ្រោះនៅតែព្យាយាមស្វែងរកមនុស្សចំនួន ៤៧ នាក់ដែលបាត់ខ្លួនបន្ទាប់ពីការបាក់អណ្តូងរ៉ែនៅភាគខាងជើងប្រទេសចិន។
ទូរទស្សន៍រដ្ឋ CCTV បានផ្សាយថា យ៉ាងហោចណាស់មនុស្ស៦ នាក់ត្រូវបានបញ្ជាក់ថាស្លាប់ និង ៦នាក់រងរបួសត្រូវបានជួយសង្គ្រោះនៅឯអណ្តូងរ៉ែក្នុងប្រទេសម៉ុងហ្គោលី។
ជាមួយនឹងតំបន់បាក់ស្រុតធំ ការជីកកកាយដោយប្រើគ្រឿងចក្រនិងគ្រឿងចក្រឈូសឆាយអាចបង្កហានិភ័យខ្ពស់នៃការដួលរលំ។ របាយការណ៍បាននិយាយថា ក្រុមជួយសង្គ្រោះកំពុងជីកកកាយជាស្រទាប់ៗ និងបង្កើតរណ្តៅរាងចតុកោណដើម្បីធ្វើការស្វែងរកពីសងខាងភ្នំ។
កាលពីថ្ងៃសុក្រ គ្រឿងចក្រធុនធ្ងន់កំពុងធ្វើការនៅជាន់ខាងលើនៃកន្លែងបាក់ស្រុត ដោយស្វែងរករថយន្តដែលជាប់គាំង និងមនុស្សបាត់ខ្លួន។
លោក Li Zhongzeng ប្រធានសហព័ន្ធ Alxa ក្នុងប្រទេសម៉ុងហ្គោលី បានប្រាប់ទូរទស្សន៍ CCTV ថា “វាពិតជាលំបាកណាស់ក្នុងការងារជួយសង្គ្រោះ” ។
ដីមួយចំនួនធំបានធ្លាក់ចូលក្នុងអណ្តូងរ៉ែនៅម៉ោង១រសៀលថ្ងៃពុធ ដោយកប់មនុស្សនិងរថយន្តជីករ៉ែក្រោមថ្ម និងខ្សាច់រាប់តោន។ វីដេអូខ្លីមួយនៃការដួលរលំដែលបានបង្ហោះនៅលើគេហទំព័រ Beijing Times បង្ហាញពីជញ្ជាំងដ៏ធំនៃ ដីក្រហម ឬខ្សាច់បានធ្លាក់ចុះជម្រាលមួយ ទៅលើយានរុករកដែលកំពុងផ្លាស់ទីខាងក្រោម៕ ដោយ៖ ធីរីណា
រូបថត ៖ CLO
