សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃសៅរ៍ ៥រោជ ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី១១ ខែមីនា ឆ្នាំ២០២៣ រដ្ឋបាលខណ្ឌច្បារអំពៅរៀបចំពិធី អបអរសាទរខួបលើកទី១១២ ទិវាអន្តរជាតិនារី៨ មីនា ឆ្នាំ២០២៣ ក្រោមប្រធានបទ ស្ត្រីរួមគ្នារក្សាសុខសន្តិភាពដើម្បីកិច្ចអភិវឌ្ឍន៍ក្នុងយុគសម័យ ឌីជីថល ។
ពិធីនេះប្រារព្ធធ្វើឡើងក្រោមអធិបតីភាពលោកជុំទាវ ឡោក ខេង , លោកជុំទាវ សុភ័គ្គ ថាវី , លោក អ៊ំ ម៉ារ៉េត ប្រធានក្រុមប្រឹក្សាខណ្ឌ ,លោក ចេង មុនីរ៉ា អភិបាលខណ្ឌ ព្រមទាំងមានការចូលរួមពីមន្ត្រីរាជការជានារីនៅក្នុងរដ្ឋបាលខណ្ឌនិងសង្កាត់ទាំង៨ សរុបចំ៣០០នាក់។
បន្ទាប់ពីលោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅ អានព្រះរាជសាររបស់សម្តេចព្រះមហាក្សត្រីយានី នរោត្តមុនី នាថ សីហនុ ព្រះវរៈរាជមាតាជាតិខ្មែរ ក្នុងសិរីភាពនិងសេចក្តីថ្លៃថ្នូរ លោកជំទាវឡោក ខេង ប្រធានគណៈកម្មការទី៨នៃរដ្ឋសភាបានមានមតិសំណេះសំណាលដូច្នេះថា ស្ត្រីត្រួវរួមគ្នា ”ស្ត្រីដេីម្បីស្ត្រី ស្ត្រីដេីម្បីគ្រួសារ ស្ត្រីដេីម្បីសង្គមជាតិ “ ស្ត្រីនៅក្នុងគ្រួសារ ដែលជាជីដូន ជាម្តាយ ត្រូវខិតខំ ផ្តល់ឱកាស លេីកទឹកចិត្ត ជុំរុញ និងជឿទុកចិត្តលេីកូនស្រី ចៅស្រី អោយបានរៀនសូត្រជ្រៅជ្រះ ជួយផ្តល់នូវបទពិសោធន៏ នៃការរស់នៅ នៅក្នងជីវិតដែលយេីងបានឆ្លងកាត់ …….។
ស្ត្រីជាមន្ត្រីរាជការ ជាអ្នកនយោបាយ ជាថ្នាក់ដឹកនាំ ត្រូវពង្រឹងទឹកចិត្តអោយទូលំទូលាយ ផ្តល់ឱកាសអោយមន្ត្រីក្រោមឱវាទ ឬយុវវ័យ បានបញ្ចេញនូវសមត្ថិភាព ការងារ ការទទួលខុសត្រូវ ដេីម្បីយេីងបានឃេីញនឹងពង្រឹងបន្ថែម កុំអោយេីងត្រលប់ទៅវិញដោយគ្មានសល់អ្វីអោយសោះ ជាពិសេសបេីត្រូវផ្លាស់ប្តូរទៅកន្លែងផ្សេង សូមខិតខំបណ្តុះបណ្តាលមន្ត្រីនៅកន្លែងថ្មីបន្ថែមទៀត កុំទម្លាប់យកមន្ត្រីដុះស្លែរតាមខ្លួនច្រេីនពេក ។
ស្ត្រីជាអ្នក នយោបាយ ត្រូវខិតខំធ្វេីជាគំរូ ជាស្ត្រីរឹងមាំគ្រប់កាល:ទេស: ស្វែងយល់អោយបានគ្រប់ជ្រុងជ្រោយ នូវ ស្ថានភាពរស់នៅ ជីវភាព ចំណុចអវិជ្ជមាន ចំណុចវិជ្ជមាន តំរូវការ និងសំណូមពរ របស់ស្ត្រីនិងក្មេងស្ត្រី ជាពិសេសជួយតំរង់ទីស ដល់ស្ត្រីនិងក្មេងស្រី អោយយល់ច្បាស់ថា ស្ត្រីគឺជាដៃគូរ មិនអាចខ្វះបានក្នុងការរស់នៅ ពិសេសស្ត្រីមិនមែនជាបន្ទុកឬអម្រែកអោយបុរសទេ តែជាអ្នកបំពេញនូវភាពខ្វះចន្លោះរបស់បុរសដែលធ្វេីអោយបុរសកក់ក្តៅរឹងមាំក្នុងដំណេីនៃជីវិតរស់នៅរួមទាំងការងារផងដែរ ។
“ជោគជ័យរបស់ស្ត្រីតែងតែមានការគាំទ្រ លេីកទឹកចិត្ត និងផ្តល់ឱកាសពីបុរសល្អ”
“ជោគជ័យរបស់បុរសល្អ តែងតែមានឧត្តមភរិយានៅពីក្រោយ”
សូមអរគុណចំពោះបុរសល្អទាំងអស់ដែលគាំទ្រដល់ស្ត្រីដេីម្បីចូលរួមអភិវឌ្ឍគ្រួសារនិងសង្គមជាតិសូមជូនពរស្ត្រីទាំងអស់ ជាជីដូន ជាម្តាយ ជាបងស្រី ជាប្អូនស្រី ជាកូន សូមមានសុខភាពល្អរឹងមាំ អាយុយឺនយូរនិងប្រកបដោយសេចក្តីសុខ គ្រប់ប្រការ គ្រប់ទិវារាត្រី ជាពិសេសសូមទទួលបាននូវការគាំទ្រដ៏បរិសុទ្ធពីបុរសល្អជាទីគោរពស្រឡាញ់របស់ខ្លួនទាំងអស់គ្នា ៕
ដោយ៖ សណ្តោស
