សារព័ត៌មាន នគរវត្ត តែងតែនាំមុខគេជានិច្ច
ខេត្តព្រៃវែង៖ នៅយប់ថ្ងៃទី២៣ ខែមីនា ឆ្នាំ២០២៣ ស្នងការដ្ឋាននគរបាលខេត្តព្រៃវែង បានបញ្ជាក់ ឱ្យដឹងថា, កម្លាំងនគរបាលស្រុកពារាំង សហការជាមួយកម្លាំងប៉ុស្តិ៍រដ្ឋបាលនគរបាលកំពង់ពពិល បានធ្វើការឃាត់ខ្លួនក្រុមក្មេងទំនើង ១៥នាក់ ពាក់ព័ន្ធករណីប្រើប្រាស់អាវុធដោយគ្មានការអនុញ្ញាត ។
សមត្ថកិច្ចបញ្ជាក់ថា, ការឃាត់ខ្លួននេះ សមត្ថកិច្ចបានធ្វើឡើងកាលពីវេលាម៉ោងជាង ៧យប់ ថ្ងៃទី ២០ ខែ មីនា ឆ្នាំ ២០២៣ នៅចំណុចសាលាបឋមសិក្សាកំពង់ពពិល ស្ថិតក្នុងភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង ។
នគរបាលស្រុកពារាំងបានឲ្យដឹងថា ក្មេងទំនើងទាំង ១៥នាក់ខាងលើ ៖ទី១. ឈ្មោះ ប្រុស វាសនា ភេទប្រុស អាយុ ១៥ឆ្នាំ មានទីលំនៅភូមិត្បូងដំរី ឃុំកំពង់ចម្លង ស្រុកខ្សាច់កណ្តាល ខេត្តកណ្តាល (ម្ចាស់ដាវ) ។ ទី២. ឈ្មោះ លី មករា ភេទប្រុស អាយុ ១៦ឆ្នាំ រស់នៅភូមិខ្សុំជើង ឃុំកំពង់ពពិល ស្រុកពារាំង ខេត្តព្រៃវែង (ម្ចាស់ដាវ) ។ ទី៣. ឈ្មោះ ពេញ រក្សា ភេទប្រុស អាយុ ១៧ឆ្នាំ រស់នៅភូមិស៊ីធរលិច ឃុំស៊ីធរ ស្រុកខ្សាច់កណ្តាល ខេត្តកណ្តាល (ម្ចាស់កាំបិតប៉័ងតោ) ។ ទី៤. ឈ្មោះ ឡុង រ៉ាវីត ភេទប្រុស អាយុ ១៤ឆ្នាំ រស់នៅភូមិបទសន្ទ្រាក្រោម ឃុំកពង់ពពិល ស្រុកពារាំង ខេត្តព្រៃវែង (ម្ចាស់កូនកាំបិតតូច) ។ ទី៥. ឈ្មោះ ចាន់ សនផានិត ភេទប្រុស អាយុ ១៦ឆ្នាំ រស់នៅភូមិទួលពង្រ ឃុំស៊ីធរ ស្រុកខ្សាច់កណ្តាល ខេត្តកណ្តាល ។ ទី៦. ឈ្មោះ សំអូន រ៉ូហ្សា ភេទប្រុស អាយុ ១៥ឆ្នាំ រស់នៅភូមិទួលពង្រ ឃុំស៊ីធរ ស្រុកខ្សាច់កណ្តាល ខេត្តកណ្តាល ។ ទី៧. ឈ្មោះ គា សុទ្ធិគន្ធ ភេទប្រុស អាយុ ១៥ឆ្នាំ រស់នៅភូមិត្បូងដំរី ឃុំកំពង់ចម្លង ស្រុកខ្សាច់កណ្តាល ខេត្តកណ្តាល ។ ទី៨. ឈ្មោះ លី ជុងហ៊ាង ភេទប្រុស អាយុ ១៦ឆ្នាំ រស់នៅភូមិគគរ ឃុំកំពង់ពពិល ស្រុកពារាំង ខេត្តព្រៃវែង ។ ទី១០. ឈ្មោះ ប៉ន ដារ៉ា ភេទប្រុស អាយុ ១៥ឆ្នាំ រស់នៅភូមិខ្សុំជើង ឃុំកំពង់ពពិល ស្រុកពារាំង ខេត្តព្រៃវែង ។ទី១១. ឈ្មោះ ជា វិច្ឆិកា ភេទប្រុស អាយុ ១៥ឆ្នាំ រស់នៅភូមិខ្សុំត្បូង ឃុំកំពង់ពពិល ស្រុកពារាំង ខេត្តព្រៃវែង ។ទី១២. ឈ្មោះ សឿន ដេវីត ភេទប្រុស អាយុ ១៤ឆ្នាំ រស់នៅភូមិខ្សុំជើង ឃុំកំពង់ពពិល ស្រុកពារាំង ខេត្តព្រៃវែង ។ ទី១៣. ឈ្មោះ វឿន សារ័ត្ន ភេទប្រុស អាយុ ១៤ឆ្នាំ រស់នៅភូមិបទសន្ទ្រាលើ ឃុំកំពង់ពពិល ស្រុកពារាំង ខេត្តព្រៃវែង ។ ទី១៤. ឈ្មោះ ទេព វីរៈ ភេទប្រុស អាយុ ១៦ឆ្នាំ រស់នៅភូមិស៊ីធរ ឃុំស៊ីធរ ស្រុកខ្សាច់កណ្តាល ខេត្តកណ្តាល ។ទី១៥. ឈ្មោះ រឿន វីរៈ ភេទប្រុស អាយុ ១៦ឆ្នាំ នៅភូមិពោធិ៍សាត់ ឃុំរាប ស្រុកពារាំង ខេត្តព្រៃវែង ។ ក្រោយឃាត់ខ្លួនក្រុមក្មេងទំនើងខាងលើ កម្លាំងជំនាញបានរឹបអូសវត្ថុតាងរួមមាន៖ ដាវចំនួន ២ដើម, កាំបិតប៉័ងតោចំនួន ០១ និងកូនកាំបិតប៉័ងតោចំនួន ០១ ។
នគរបាលបានឲ្យដឹងទៀតថា នៅវេលាកើតហេតុខាងលើ កម្លាំងជំនាញអធិការដ្ឋាននគរបាលស្រុកពារាំង បានសហការជាមួយកម្លាំងប៉ុស្តិ៍នគរបាលរដ្ឋបាលកំពង់ពពិលបានល្បាតចល័ត ក៏ជួបជាមួយក្រុមក្មេងទំនើងខាងលើ ។ ដោយមានការសង្ស័យ សមត្ថកិច្ចក៏បានឃាត់ធ្វើការឆែកឆេររកឃើញមានដាវ និងកាំបិត ក៏បាននាំខ្លួនមកសាកសួរនៅអធិការដ្ឋាននគរបាលស្រុកពារាំង ។ យោងតាមចម្លើយសារភាពរបស់ជនសង្ស័យទាំង ១៥នាក់ ពួកគេយកអាវុធតាមខ្លួន គឺបំណងទុកការពារខ្លួន ។
បច្ចុប្បន្ន ក្មេងទំនើងទាំង ១៥នាក់ រួមនឹងវត្ថុតាងខាងលើ ត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្តព្រៃវែង នៅព្រឹកថ្ងៃទី ២៣ ខែ មីនា ឆ្នាំ ២០២៣ នេះ ៕
ដោយ ៖ សិលា
