សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ នៅរសៀលថ្ងៃទី០១ ខែមេសា ឆ្នាំ២០២៣ វេលាម៉ោង ១៤និង២០ នាទី កម្លាំងអធិការដ្ឋាននគរបាល ស្រុកបសេដ្ឋ បានទទួលព័ត៌មានពី ករណីមុខសញ្ញា ជនសង្ស័យឆក់ខ្សែក ចេញពីទីតាំងទូ លក់មាសមួយកន្លែង នៅចំណុចផ្សារត្រពាំងអណ្ដើក ខេត្តតាកែវ ។
ដោយក្តាប់មុខសញ្ញាបាន សមត្ថកិច្ចក៏ចេញពួនស្ទាក់ ឈានដល់បង្ក្រាបក្នុងបទល្មើសជាក់ស្តែង ឃាត់ខ្លួនជនសង្ស័យ បានដូចខាងក្រោម ៖
១.ឈ្មោះ គីម លីហួ ភេទប្រុស ជាអ្នកបើកឡាន រស់នៅមេគង្គ សង្កាត់និរោធ ខណ្ឌច្បារអំពៅ។
២-ឈ្មោះ សួន ពុទ្ធរិទ្ធ ហៅវីត ភេទប្រុស រស់នៅ ភូមិចាម សង្កាត់ជ្រោយចង្វា ខណ្ឌឬស្សីកែវ។
៣-ឈ្មោះ លី ខៀង ភេទប្រុស រស់នៅ សង្កាត់ជ្រោយចង្វា ខណ្ឌឬស្សីកែវ។
សមត្ថកិច្ច ចាប់យកបាន រថយន្តម៉ាកព្រូស ពណ៌ប្រផេះ ស៊េរីឆ្នាំ២០០៧ ០១គ្រឿង ជិះធ្វេីសកម្មភាព ផ្លាកលេខភ្នំពេញ 2BP-3306 ។
សូមបញ្ជាក់ថា, ពេលសមត្ថកិច្ច ដេញបង្ក្រាប ក្រុមជនសង្ស័យ ព្យាយាមបេីករថយន្តគេចខ្លួន ពីទឹកដីស្រុកបសេដ្ឋ ឡេីងទៅស្រុកភ្នំស្រួច សមត្ថកិច្ចដេញតាម រហូតដល់ចំណុចជើងភ្នំល្អាង ស្ថិតក្នុងភូមិត្រពាំងធ្លក ឃុំស្វាយចចិប ស្រុកបសេដ្ឋ ខេត្តកំពង់ស្ពឺ ជនសង្ស័យដឹងថា មិនមានលទ្ធភាពរត់បាន ក៏ឈប់រថយន្ត រួចរត់គេចខ្លួន ឡើងភ្នំល្អាង តែត្រូវបានសមត្ថកិច្ច តាមឃាត់ខ្លួនបាន ។
បច្ចុប្បន្នសមត្ថកិច្ចកំពុងសាកសួរ ដើម្បីកសាងសំណុំរឿងបញ្ជូនខ្លួនទៅកាន់តុលាការតាមនីតិវិធី ៕
ដោយ ៖ សហការី
