សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងមួយក្រុមនាំគ្នាមកលេងទឹកស្រះក្នុងវត្តស្ងួនពេជ្រក៏បានលង់ទឹកលិចបាត់ទៅ បង្កការភ្ញាក់ផ្អេីលកាលពីវេលាម៉ោង១រសៀលថ្ងៃទី០៥ ខែមេសា ឆ្នាំ២០២៣ នៅក្នុងស្រះវត្តស្ងួនពេជ្រ ភូមិស្ងួនពេជ្រ សង្កាត់កន្ទោក ខណ្ឌកំបូល ។ បន្ទាប់មកកម្លាំងរុករកអង្គភាព៩១១បានបោះខ្សែពួរក៏ប្រទះឃេីញនាវេលាម៉ោង២និង១០នាទីរសៀលថ្ងៃខែដដែល។
ជនរងគ្រោះឈ្មោះ វាសនា រ៉ាយុទ្ធ ភេទប្រុស អាយុ៩ឆ្នាំ នៅបុរីពិភពថ្មីកំបូល៣ ភូមិថ្មដា សង្កាត់កន្ទោក ខណ្ឌកំបូល។
តាមប្រភពពីឪពុកក្មេងរងគ្រោះបានឱ្យដឹងថា នៅព្រឹកថ្ងៃកេីតហេតុកូនរបស់គាត់(ជនរងគ្រោះ)សុំគាត់មកលេងសង្ក្រាន្តនៅសាលារៀនស្ងួនពេជ្រ លុះនៅវេលាម៉ោង១១ព្រឹកដោយមិនឃេីញទៅផ្ទះវិញគាត់ក៏ដេីររកដែរតែរកមិនឃេីញ ។
ប្រភពដដែលបានបន្តថា លុះមកដល់វេលាម៉ោង១រសៀលថ្ងៃខែដដែលក៏ឃេីញកង់និងស្បែកជេីងកូនរបស់គាត់នៅមាត់ស្រះក្នុងវត្តស្ងួនពេជ្រទេីបរាយការណ៍ប្រាប់អាជ្ញាធរមានសមត្ថកិច្ចនិងកម្លាំងជេីងទឹកនៃអង្គភាព៩១១មកជួយធ្វើអន្តរាគមន៍ដោយបោះខ្សែពួររកឃេីញក្មេងរងគ្រោះនៅវេលាម៉ោង២និង១០នាទីថ្ងៃខែដដែល។
បច្ចុប្បន្នសពក្មេងរងគ្រោះត្រូវបានសមត្ថកិច្ចប្រគល់ជូនឪពុកម្តាយយកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
