សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ នារសៀលថ្ងៃទី១៥ ខែមេសា ឆ្នាំ២០២៣នេះ លោក ជុំ ហាត ប្រធានក្រុមប្រឹក្សាខេត្ត និងលោកស្រី និងលោក ម៉ែន វិបុល អភិបាលខេត្ត បានអញ្ជេីញជាអធិបតីក្នុងពិធីដង្ហែក្បួនសង្ក្រាន្តស្វាយរៀងដែលមានទស្សនីយភាពសិល្បៈវប្បធម៌ខ្មែរយេីងជាច្រេីនទម្រង់សម្តែងជូនបងប្អូនប្រជាពលរដ្ឋដែលមកជួបជុំក្នុងព្រឹត្តិការណ៍សង្ក្រាន្តស្វាយរៀងស្ថិតនៅទីតាំងបរិវេណស្តូបរង្វង់មូលខាងមុខសណ្ឋាគារវ៉ៃគោក្រុងស្វាយរៀងយ៉ាងច្រេីនកុះករផងដែរ។
ទន្ទឹមនោះនៅរសៀលថ្ងៃដដែលលោកអភិបាលខេត្ត រួមដំណេីរដោយលោកអភិបាលរងខេត្ត មន្ទីរ-អង្គភាពពាក់ព័ន្ធ បានអញ្ជេីញទស្សននាស្តង់លក់ផលិតផលតាមបណ្តាស្រុក-ក្រុងនានានៃខេត្តស្វាយរៀង រួមទាំងការចូលរួមលេងកម្សាន្តនូវកម្មវិធីសប្បាយៗនានាផ្សេទៀតដូចជា តំបន់ EDM តំបន់ត្រជាក់ចិត្ត តំបន់លេងល្បែងប្រជាប្រិយជាដេីមជាមួយបងប្អូនប្រជាពលរដ្ឋ ។
ដោយឡែកនៅល្ងាចថ្ងៃដដែលនេះដែរ លោកអភិបាលខេត្តនិងប្រតិភូអមដំណេីរបានអញ្ជេីញជាអធិបតីក្នុងពិធីបណ្តែតគោមសុំសេចក្តីសុខសប្បាយនៅមាត់ទន្លេវ៉ៃគោផងដែរ។
យោងតាមមន្ត្រីមន្ទីរទេសចរណ៍ខេត្តស្វាយរៀង បានឱ្យដឹងថាសង្ក្រាន្តស្វាយរៀងឈានចូលដល់ថ្ងៃទី២នេះ មានបងប្អូនប្រជាពលរដ្ឋមកពីគ្រប់ទិសទីចូលរួម លេងកម្សាន្តសរុបប្រមាណ ២៧៧.១៨៤នាក់ ៕
ដោយ៖ សុថាន
