សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ភ្លាមៗនៅនឹងកន្លែងកេីតហេតុយ៉ាងអាណោចអាធ័មបន្ទាប់ពីជិះម៉ូតូជ្រុលទៅបុកគល់ស្ពានអាកាសចោមចៅខាងត្បូងតាមបណ្តោយផ្លូវជាតិលេខ៣ ស្ថិតក្នុងសង្កាត់ចោមចៅទី២ ខណ្ឌពោធិ៍សែនជ័យកាលពីវេលាម៉ោង១២និង២០នាទីរំលងអធ្រាត្រ ឈានចូលថ្ងៃទី១៨ ខែមេសា ឆ្នាំ២០២៣។
ជនរងគ្រោះឈ្មោះ ឆាយ រដ្ឋា ភេទប្រុសអាយុ៤២ឆ្នាំ មានស្រុកកំណេីតនៅសង្កាត់ទឹកថ្លា ខណ្ឌសែនសុខ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាកស្គូពី ពណ៌ស ពាក់ស្លាកលេខភ្នំពេញ1KA-2294 ធ្វេីដំណេីរតាមបណ្តោយផ្លូវជាតិលេខ៣ពីត្បូងទៅជេីងខណៈមកដល់ស្ពានអាកាសចោមចៅក៏ជ្រុលទៅបុកគល់ស្ពានពេញទំហឹងបោកផ្ទប់ស្លាប់ភ្លាមៗនៅកន្លែងកេីតហេតុ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុហើយបានទំនាក់ទងរកសាច់ញាតិជនរងគ្រោះឱ្យមកទទួលយកសពទៅធ្វេីបុណ្យតាមប្រពៃណីនៅស្រុកកំណេីត។ ចំណែកម៉ូតូត្រូវបានយកទៅរក្សាទុករង់ចាំសាច់ញាតិយកឯកសារមកផ្ទៀងផ្ទាត់ទេីបប្រគល់ជូនវិញ៕
ដោយ៖ សុខាសែនជ័យ
